1 WAAWITÁ 2:1 - Biblía Axweesantá Hhohho' ar Mungú 2004

¹ Gwa'arár Daudi niwa naká/, garmaawós Solomon guri i axweés, guri báy,

1 WAAWITÁ 2:1 Iomraidhean Croise

IIMU/UUNGW 47:29

Deelór gwa'arár Israeli iwa naká/, garmaawós Yosefu guri ateét, guri báy, «Án kuúng bir tsuwa slá', dakók qaaseek gawaá nawdueé', nee al'axweesani ooang, ar án kuúng iwa ilaiwa/amér looeemií tlehh, aníng mi baloó baraá yaamaá Misrír i foolaar.

2 SAMUELI 7:12

Deeloorók ar tawa kahhut bira xeér tari haragwá' amór baabi'iiwók kudá' naa qatliye'. Daqaní na/aywók oo kilá' un waawutmoó wa qaás, aníng waawuti'iimarós ngari gawdeés.

1 WAAWITÁ 1:53

Naagáy waawutmo Solomon muu guri ya/aáw, nguri aweerisiyé' baraá kitangwduú ilahhooaro. Adonia iri hardáh, tiri tumbarara'aát dír geeraá waawutmo. Solomon Adonia guri báy, «Tláw, waátl amór do'ók.»

1 QOM'I 22:6

Naagáy Daudi garmaawós Solomon guri ateét as doó AAKOÓ MUNGÚ, Munguú Israeli, nguwa tleehhi.

FAARO 27:19

Nee ku húp dír geeraá kaahamusmoó Mungú Eleasari, nee dír geeraá dinku'uuma sleémeero ar Israeli, daqaní kaangwí ku dirós i saayiín, dír geeraaín wa ale.

DABE 3:28

Ala kuúng Yoshua ku hara'arií ó', miwa mune sií' nee i /atli, asma inós mukwí gu geerahaar ay gayuqá', nee yaamuuqá' kuúng taa aán ngiwa aaliya'.›

DABE 31:14

Naagáy AAKOÓ MUNGÚ, Mose guri báy, «Deeloorók ar tawa kahhut naa tseewuúr. Yoshua ateteek, hardaharé' baraá heémár Mungú as nguwa kaangwí baw.» Mose nee Yoshua tari tláy ay dír heémár Mungú.

DABE 31:23

Naagáy AAKOÓ MUNGÚ Yoshua garmoó Nuni guri báy, «Gám piíhh, nee ilakaahareés, asma kuúng múk Israeli un geerahát, baraá yaamuudá' aníng naa lo'ór wa /aáy ngiwa haniis dír baabi'ii'ín. Aníng a dinkwa nee kuúng.»

DABE 33:1

Gaarí an tsuuqaadá' Mose, heé Mungú, múk Israeli ngira tsuúq dír ira gwaaiiká.

1 Timoteo 1:18

Timoteo, garmaaeé', án hara'ayaarí ngi kuúng i oó' asma nee aaru'uumadá' ti slaslayá', tidá' taa daanduuwók i oó' geerií alé. Aaru'uumadá' eehareek, nee slaqwaradá' hho' ka sláqw.

1 Timoteo 6:13

Án kuúng u hara'ayiím dír geeraá Mungú wa ale, kudá' mura' sleémeero gu slafíngw i hanmiís, nee dír geeraá Kristo Yesu, kudá' lamabu'uungós oo hhohhó' gwa oo' dír geeraá Pontio Pilató wa ale. Án kuúng un adoorír hara'ayiím.

2 Timoteo 4:1

Aníng kuúng u hara'ayiyiím dír geeraá Mungú wa ale nee dír geeraá Kristo Yesu, kudá' múk slaáf gu sakwasleemuút, nee kudá' aa qatli. Slám u hara'ayiyiím asma hardahamuuwós nee waawuti'iimarós un baw,

2 Timoteo 4:6

Asma aníng daxta ti ilahhooár wa haniis, nee qoomár gwa'arar'eé' naa hardát.