1 WAAWITÁ 19:8 - Biblía Axweesantá Hhohho' ar Mungú 2004

⁸ Eliya iri tláy iri /ayín, nee ma'aay giri wáh, iri tláy ar /uuruú muruú /aymaadá' deelo mibeeri tsiyáhh tlatla/aangw nee xweeraawo iri hardáh tloomár Mungú.

1 WAAWITÁ 19:8 Iomraidhean Croise

1 WAAWITÁ 17:6

Xwaa'aro guna mikaáte nee fu'unáy huwaahúp matlaatle nee tsiindowo. Ma'aá wahaangw gina sláy baraá duxuudá' wa aleeró.

1 WAAWITÁ 19:7

Malaykamoó AAKOÓ MUNGÚ guri male tleés, guri báy, «Tlawáng, qwaláng /ayiím, asma aaiiká' ki male tleer diroge.»

TI'INAANGW 19:18

AAKOÓ MUNGÚ ina aweér gawaá tloomár Sinai ar baraá asla, tloomadá' iri qaba'át quuiro adór quuír asltá gufteeri ar taa slaáx ló'wa ale, tloomadá' sleémeero iri ló'wa diingít.

TI'INAANGW 24:18

Mose iri dáh baraá huunkidá', iri tsa/án gawaá tlooma, iri gawaá tloomár wa hoót deelo mibeeri tsiyáhh tlaatla/aangw nee xweeraawo.

TI'INAANGW 3:1

Looarka wake Mose iwa daqtá bee/ángw de'en oo Yetro, taatoó hareerós, kaahamusmoó Midiani, daqtí gana de'éngw áy gayuú darma bihhaá /uwa, iri hardáh ay Horebu tloomár Mungú.

TI'INAANGW 34:28

Mose iri gawaadá' wa iwiwiít dinkwa nee AAKOÓ MUNGÚ deelo mibeeri tsiyáhh tlaatla/aangw nee xweeraawo. Mose muruú /ayma gu /a/ayiiká nee ma'aay gi wahahanká, nee inós /aymi'iidá' alqado giri gooín gawaá parhheemoodá' tsár awa tlaa/e. Gár taa gooín an hara'ayadaá mibaangw awa Mungú.

TI'INAANGW 4:27

AAKOÓ MUNGÚ Aroni guri báy, «Tláw baraá xaanxaay nee Mose ti doge'.» Aroni iri tláy, tiri doogiyé' baraá tloomár Mungú, guri ma'aás.

DANIELI 1:15

Alhhe'eesoó deeloodá' mibaangw iwa fák naxés gitsee/er'ín ina ak hhohhou'uúr nee slaqooín nina ak wahhaditiyé' ta masoombadár hatlá' ar muruú /aymár waawutmo gu /aa/aya.

Matayo 4:2

Iri gwaawín deelo mibeeri tsiyáhh, tlaatla/aangw nee xweeraawo, iri qwariít.

Marko 1:13

Ina baraá darmuú wa hoót deelo mibeeri tsiyáhh, kuna iiara'ár nee Neetlaangw. Yesu i dinkwa nee makaá sla/a, nee malayke guna sagadiyús.

Luka 4:2

as kuwa iiaraa'ari nee Neetlaangw. Inós i /ayaayinká deeloodá' sleémeerowo. Deeloodá' iwa fák iri qwariít.

2 korinto 12:9

Ala Aako iri báy, «Gurtleemuueé' i bu'uut diroge. Asma /uuruueé' ku ak úr, kuúng burtu daqaatlaákw.» Gawaá adoorihe aníng tin xirfayeemiís ar qwal/uú yaariír as daqaatlakwer'eé', as /uuruú Kristo iwa baraaeé' wa hooti.

DABE 9:18

Naagáy niri yaamií qaát dír geeraá AAKOÓ MUNGÚ, adoodá' aáng naa geerií tleéhh, har afiqoomár deelo mibeeri tsiyáhh xweera nee tlaatla/aango, aga /ayimiika, tam ma'aá naa wáh i kahhiyá', as daanduú tlakweemaahúng kudá' taa tlehhé' dír ilaá AAKOÓ MUNGUHE, kuri buhhtisé'.