1 WAAWITÁ 19:4 - Biblía Axweesantá Hhohho' ar Mungú 2004

⁴ Eliya iri kumiít aaiiwo looa gari dahaás. Inós iri hardáh dír xa'anoó ta bay retemu, iri iwiít dír gamuú xa'anoodá', inós gwa'ara gari fitlín, iri oó', «A ido daxta aá AAKOÓ MUNGÚ, slafingw'eé' hingeeseek, asma án gár baabi'iieé' ngir baa/ i káhh.»

1 WAAWITÁ 19:4 Iomraidhean Croise

1 WAAWITÁ 13:14

Heedaáduú Mungú guri eehár, guri gamuú xa'anoó ti'itií áy, aa iwiít. Guri yaahaás, «Xáy, kuúng an heedaáduú Mungú, kuduú Yudawo?» Inós guri mu/aywaáts, «Eeít, a aníng.»

1 WAAWITÁ 19:3

Eliya iri da'ayuút, iri goów as slafiingós nguwa /iisi. Sagadiyusmoowós nee inose tari tláy ay Be'er-sheba baraá yaamaá Yuda, sagadiyusmoowós guri didaádá' i geexáy.

1 WAAWITÁ 19:5

Inós iri qaát dír gamuú xa'anoó retemu, gu'ute guri ót. Naxés malaykamoó AAKOÓ MUNGÚ guri kwatiít guri báy, «Tlawáng, qwaláng /ayiím.»

2 WAAWITÁ 2:11

Qoomár tawa hi'iimiti nee tawa axweesi ila nee tí gaárír asla nee faraásír asla Eliya nee Elisha giri parátl, Eliya kuri ar tláy gawaá doori ar fur'ár bambaao.

YOBU 6:8

Masók geeraawo firor'eé' kan iiaárií qaas, Mungú gadaádá' aníng ni slaa' ngiri haniis.

YOBU 6:9

Masók geeraawo in ya/án, aníng iwa gaasi, dakós masók gun tlees aníng iri qwaarees.

YEREMIA 20:9

Ala aníng bara oó', «Aníng umuú AAKOÓ MUNGÚ daxta un baloó ooaaká, sleeme a ilaawatsaaká ar umuuwós,» muunaaeé' in da/aa/anuut baré kwaáo adór asla in baraá faduueé' wa ót, an mak qiítl as mawa ilawaáts, ala ila/aro tin harslaaqaát.

AMOS 6:2

Gimsé', qaytsité' baraá gixsár Kalne, daqaní ta kumitá' ay baraá gixsadá' ur ar Hamati, nee ta baráy /etá' ay yaamaá Filisti dír gixsár Gati. Xáy, inooín an ak tsiníhe ta yaamaá Yuda nee Israeliwo? Xáy, yaamuuín ki úre ta koohunge?

YONA 4:3

AAKOÓ MUNGÚ, hamí aníng u firiím, slafingw'eé' hingeeseek, ala ta niwa hoota a tsiní bara gwaá'.»

YONA 4:8

Qoomár tsee/amá iwa ló'wa gwa/aát, Mungú fur'ár da/aá daahh gari ya/aáw ar ló'wa fukuukuu'. Tsee/amá iri ló'wa gwa/aát gawaá ságw Yona. Yona iri /ara/eeriít, tam gwa'ara gari fitlín, iri oó', «A tsiní bara gwaá' ta niwa slafa.»

NAHUMU 3:8

Xáy kiíng an ak tsiníhe ta Tebesiro, tidár afaá yaaér Nilírí dirii', kari har'weér nee ma'aay, koo/irós a tlawi, nee koo/irós ar gawít an ma'aay.

FAARO 11:15

Ala barnaxes adoorí an adór kuúng ta aníng i tlehhit a tsiní bar iga gás. Ala barnaxés kuúng aníng iga gurií bá/, kaangwí oo slahh'amaaye muwa araa'ár.»

Matayo 6:26

Tsir/o ga/aawaak, i dahaasiindaaká, i bu'uundaaká, tam muruú /aymár i burumburiin baraá kuuntáy i kaahh. Tam adoorihe Baabuúhúng oo gawaá doori gan /aymiis. Kuungá' a ak tsiníheéke ta tsir/ooro?

Yohana 4:6

Hhalángw Yakobo i didií dirii'. Yesu iwa slaaqaát aaiiwo, iri dír afaá hhalangwdií iwiít. Qoomaadá' a looár lahhoó'.

Rumi 3:9

Ala ateéká' múk Yahudi gár tsiní ar ta koomaan i deéro ta múk xoordaá hatlae? Ala i káhh. Asma aga qaroó ooaán muu sleémeero, bar múk Yahudi laqaá múk xoordaá hatlá', sleémeero ta baraá waawuti'iimár tlakweemaá i dirii'.