Biblia Todo Logo
Bìoball air-loidhne

- Sanasan -




1 WAAWITÁ 19:11 - Biblía Axweesantá Hhohho' ar Mungú 2004

11 AAKOÓ MUNGÚ iri oó', «Tláw, gawaá tlooma i sihhiiteek dír geeraaeé'.» Naagáy AAKOÓ MUNGÚ iri waaraáhh, nee fur'ár bambaao ar tlom'i gaa diya/, nee tla/u gaa porxomis ina fukuukú'. Ala AAKOÓ MUNGÚ i kaahh baraá fur'aarihe. Alaá bambaaooro kunseeli nay hardát. Ala AAKOÓ MUNGÚ i kaahh baraá kunseelidae.

Faic an caibideil Dèan lethbhreac




1 WAAWITÁ 19:11
31 Iomraidhean Croise  

Aluuwo AAKOÓ MUNGÚ Yobu guri mu/aywaáts ar baraá bambaao, iri oó',


Munguúrén ni hardah, slám ni qawti hardihiiká, asltá /ayiim i dír geeraawós wa hi'ít, nee bambaaór duhhúm i fukuukú' nguwa harwedit badu sleémeero.


yaamu nina daaraxaatiyé', tluwaay iri tlúw gawaá doorií wa ale, as hardahamuú Mungú kuduú tloomár Sinai.


Mungú, kuúng tluwoó yaariír nguna baraá yaamií hanís, yaamuuwók niwa slaaqatiyé' kuúng ina /uuruú /abén i hanís.


Bál tám matlaatleero naxés gaa a kwarara/a nee mankaro, slám huunkír qo iloo' i gawaá tlooma, afór tarumbeéta i ló'wa tseeamiín. Muu sleémeero baraá xafaywo iri ló'wa da'ayuút.


Qoomár AAKOÓ MUNGÚ iwa aweér gawaá tloomár Sinai, inós Mose guna gawaá ságw tloomár wa ateét, Mose iri amoodií tsa/án.


Qoomár muu sleémeero kwarara/aadá' kawa axaás, nee mankaro kawa ár, nee afór tarumbeéta kawa axaás, nee quuidá' gawaá tloomár wa ti'imiit kawa ár, tari ló'wa da'ayuút sleémeero tari daraáx, tay amór saáw i sihhiít.


AAKOÓ MUNGÚ Mose guri báy, «Qwaláng amor'eé' gawaakaá tlooma, daqaní aníng parhheemaá tlaa/e, kudá' naa hara'aya nee dabeérí gooiím ngi haniís as múk Israeli intsaahhasa ngiwa slay.»


Mose iri dáh baraá huunkidá', iri tsa/án gawaá tlooma, iri gawaá tloomár wa hoót deelo mibeeri tsiyáhh tlaatla/aangw nee xweeraawo.


Kuúng ti amohhe'es, matlaatlér boo/e ni tseewa ti'ít, ni tsa/aán gawaá tloomár Sinai, ni dir'eéní hardát gawaá tsitsantá tlooma.


AAKOÓ MUNGÚ iri waaraáhh ar dír geeraá Mose, iri malé oó', «Aníng a AAKOÓ MUNGÚ, a AAKOÓ MUNGÚ, a Munguú gurtleemuuwo haáts nee oo gurhhoó', aníng ti inslahheeká buhhtaawo, nee a haáts sla'aarír warqawaakahe nee inkihhimuwo.


AAKOÓ MUNGÚ afoorós tidár aleesleemu gan tlees, as kahhó' kawa axaasi nee muu sleémeero, nee slahhtós tidár /uuru kawa ari ar buhhtaá yaariir, nee tsángw asltá /ayima nee kwarara/aaro nee duktá yaariir ar tluwoó tlaa/e.


Qoomár niwa qaytsiít, bambaaór tluwoó koom ar /iikú daahh ana ár. Huunkír ur kaa harweér nee mankarór wer'eliim, nee ar asltá bir'eeliim qooma sleémeerowo ana ár. Baraá tla/ángw asltadae naxés gár qwiirii/ adór muqslír sirdaa/aat i baraadií dirí'.


Gawaá adoorihe, niri aariím adoodá' taa báy. Qoomár niwa aaririim afo niri hardát ar adór afór muruú ti gweehhiím, faduudá' tiri harasuruukiyé' nee tiri haragwaaiyé'.


AAKOÓ MUNGÚ ku inslaahheeká buhhtaawo, ala aleesleemuú yaariír gu kón, slám heé tlakusmo gu baloó harafaariiká tawa heé dakuús wásl. Lohduuwós i baraá fur'ár bambaao nee tluwoó duki, nee huunkáy a teerír ya'aawós.


Kuungá' a ta'aaindá' ar baraá xatstidár tla/eeraá tlom'aá tsár awa AAKOÓ MUNGÚ, a ta'aaindá' adór baabi'iihúng nira kunseelír wa ta'aainé' qoomár waawutmoó yaamaá Yuda tawa Usia, aluuwo AAKOÓ MUNGÚ, Munguúhúng niri hardah dinkwa nee mukós kudá' hhohhó'.


Aníng iri báy, «Gaarí an axweesantá AAKOÓ MUNGÚ ar aa oó' dír Serubabeli iwa kaahi, ‹Arba/ati a sleeraaká ar /uuruuwók, laqaá ar aleesleemuuwók kilós, ala an sleér ar /uuruú qeeruueé'.› Anuú AAKOÓ MUNGÚ Aleesleemusmo tí an káh.


Asma xooro i slaqwarár eér amór xoororqá'. Nee waawuti'iima i slaqwarár eér amór waawuti'iimár hatlá'. Slám giyeé ni tleér, nee yaamaá yaariire kunseeli ni ti'ít.


Kunseelír ur niri hardát. Asma malaykamoó Aako nina aweér gawaá doorí wa aleeró. Inós tlaa/adá' gari gwangwaraá' gawaá afkú /aantaaro, iri gawaadí iwiít.


Qoomaadae afór Mungú yaamu gina diingís. Ala hamí al'axweesani ngaa oó', iwa kaahi «Yaamu in diingiís malé ale sagaáwa wake, ala a yaamu kiloseeká, tam doori sleeme.»


Aluuwo Doó Mungú, kudá' gawaá doorí dirií' kuri gweér, nee sandakmooduú alqadór Mungú iri geehhoúy baraá do'ós wa ale. Mankari iri werere'eliín, afo kari axaás, kwarara/a iri kwarará/, kunseeli niri ti'ít nee tluwoó yaariír oo tlaa/e iri tluúw.


Qoomaadár kilae mankari niri hardát, nee xuuraai nee kududuhaay. Nee kunseelír ur niri hardát. Kunseelirí ka ló'wa ur, tam kunseelír ur ar adór tí naa baloó ti'itká iimír hee kuwa tleehhi baraaká' yaamuwo.


Aluudae kitángw aleesleemu oo úr oo /awaák nguri ár, nee kudá' aa gawaadá' i iwiit. Doori nee yaamu gitsee/aawós ngiri ilaguwiyé', tam dir'ín iri qwát.


Baraá yaamuudaá múk Filistiro, muu sleémeero iri amooqwaár, slaqwaruusér baraá xafaay nee múk baraá qamuuwo, nee xuumuusér baraá koo/ír gawit sleeme, nee kudá' naa haratlay'i, sleémeero gur'e ma'aay ngiri dala/iyé', tam yaamu sleeme nina daraxaatiyé', nee muu sleémeero iri kángw kilá' wa da'ayuút.


Lean sinn:

Sanasan


Sanasan