1 WAAWITÁ 19:10 - Biblía Axweesantá Hhohho' ar Mungú 2004

¹⁰ Eliya iri oó', «AAKOÓ MUNGÚ, Munguú Aleesleemusmo, aníng da/i ina ló'wa ót as kuúng, nee as múk Israeli kudá' alqadoorók gaa sii', kiteeriwók kudaá ilahhooa ngaa fee/iyé' nee aaruuserók sleémeero ngaa tsu/iyé'. Aníng kilooeé' ana meét, slám hamí i gaasár wa slaiyá'.»

1 WAAWITÁ 19:10 Iomraidhean Croise

1 WAAWITÁ 18:10

Gám adór AAKOÓ MUNGÚ, Munguúwók ir hotaatina, waawutmo kuúng una leelehhiít baraá xoordu sleémeero nee baraá waawuti'iima sleémeero ar aa máy i káhh. Tam qoomár burkwa báy, ‹Ayaarene i kaahh,› Ahabu xooroodá' gan lo'ór /aymiis ar kuúng tuwa ariiká.

1 WAAWITÁ 18:17

Ahabu Eliya nguwa ár iri oó', «A kuúnge, heé múk Israeli gwa slahh'amuúr faak?»

1 WAAWITÁ 18:20

Naagáy Ahabu muu sleémeero oo Israeli guri ateét dinkwárí ale, nee aaruusedá' gari burumbuúr gawaá tloomár Karmeli.

1 WAAWITÁ 18:22

Naagáy Eliya muu guri báy, «Aníng kil'eé' an aarusmoó AAKOÓ MUNGÚ oo aa meet, ala aaruusér Ba'ali ki ló' wa ur, inooín a tsiire tsiyáhh nee mibeeri kooán.

1 WAAWITÁ 18:30

Aluuwo Eliya muu guri báy, «Amor'eé' suruukare'.» Muu iri dirós i tseewúy. Gár geera Eliya kitángw ilahhooa oo AAKOÓ MUNGÚ kudá' taa feé/ guna /abeés tleehhamooro.

1 WAAWITÁ 18:4

Nee qoomaadá' Yesebeli iwa aaruusér AAKOÓ MUNGÚ tsu/, Obadia aaruusér tsiiruú wák gana lu/tá áy baraá mar'o, umuú mar'iro muu mibeeri kooán, nee giri muruú /aymár i huwahuúw nee ma'aá wahaango.)

1 WAAWITÁ 19:14

Inós iri oó', «AAKOÓ MUNGÚ, Munguú Aleesleemusmo aníng da/i iga ló'wa ót as kuúng, nee as múk Israeli, kudá' alqadoorók ngaa si'iye', kiteeriiwók kudaá ilahhooa ngay fee/iyé'. Aníng kiloeé' ana meét, slám hám i gaasár wa slaiyá'.»

1 WAAWITÁ 19:2

Naagáy Yesebeli harér Ahabu afo gari ya/áb amór Eliya, guri beér, «Mungui aníng i gaasiye' barnaxes slafiingók bura qo adór kuduú aaruuse tleehhiiká matlo siiwár adór tihe.»

1 WAAWITÁ 20:13

Qoomaarír kilae aarusmooko wák ina amór waawutmo Ahabu káy oo múk Israeli, guri báy, «AAKOÓ MUNGÚ i kaahi, ‹Boo/oó yaariír kwí oo askaári hám ugwa aándi? Aníng laarí ngi gawaá dabaawók qaás, daqaní kuúng a tsáhh adór aníng tar AAKOÓ MUNGÚ.› »

1 WAAWITÁ 20:22

Naagáy aarusmoodá' iri amór waawutmoó Israeli káy iri oó', «Gimáy ti amohhe'es ló' wa alé, asma qoomár tsaaqwaaro waawutmoó Aramu slaqwaraaro i malé kii/.»

1 WAAWITÁ 20:35

Heé wák baraá eeharusér aaruuseero hhiyaawós guna báy, «Aníng slahháng na'ás,» Asma kuna adoorír hara'ayín nee AAKOÓ MUNGÚ. Ala heedaádá' iri sií' slahhto.

1 WAAWITÁ 22:8

Waawutmoó Israeli Yehoshafati guri báy, «I deer oo wák, Mikaya, garmoó Imla. Inós un yaahasaán daanduú AAKOÓ MUNGUHE, ala aníng u ló'wa sla'aaká asma inós gár hhoo' ngi aainká dir'eene, aqo har gár tlaakw kilós.» Yehoshafati iri oó', «Lakiít waawutámo, adoosíng ma ooaar.»

2 WAAWITÁ 10:16

Guri báy, «Gimáy aníng eeharáng daqaní a aán adór aníng nir inkihhimuú koóm dír geeraá AAKOÓ MUNGUHE.» Naagáy tari al'aa'aá káy gawaá gaárirós ar aleeró.

NEHEMIA 9:26

«Ala i inkihhimuú kon'aaká diroge, uri si'iyé', dabeerók ngay mayé' nee aaruseedá' gaa gurbu'uun as kuúng uwa iki/iya' ngina tsu/iyé', /ooslislíngw urén ngway ló'wa kaahiyé'.

WARA'AMI 119:126

AAKOÓ MUNGÚ, daxta a qoomár gaa kawa tlehh, asma muu dabeerók gaa giqaqáy.

WARA'AMI 119:139

Sla'aarír axweesantók án i tliw/iín nee an qa/imiít, asma wakuuser'eé' axweesantók ga gaárí xu'uká.

WARA'AMI 119:26

Qoomár kangw'eé' nguwa dirók i oó', án iri mu/aywáts, gím daxta intsaahhatisáng kaahiroge.

WARA'AMI 69:9

Sla'aarír do'ók i hamís baraaeene, tí slafingw'eé' gu ar ti'ít, nee niqaydá' kuúng tur niqimisi aníng iga sláy.

WARA'AMI 78:37

Asma inooín naa bartá Mungú i gawduy'iiká, inooín ki inkihhiimeeká baraá alqadoorose.

TI'INAANGW 20:5

Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Mungú da/tá koóm, kudá' li/oó tlakweemaá xwayliité tidá' aníng i ahhiit gu dír na/ii'ín buú' tam ay nángw sagaáwa tám laqaá ay tsiyáhh.

TI'INAANGW 34:14

«Kuungá' munguaá hatlá' i sluufmisuú eera'aaká, asma AAKOÓ MUNGÚ kudá' umuuwós ta bay, ‹Oo da/tá koóm›, inós an Munguú da/tá koóm.

ISAYA 49:4

Ala aníng niri oó', «Gadiyér tawo aga tleéhh, /uuruueé' ugwa tawo qwaareés. Tam adoorihe looeemaawo gan'amueé' amór AAKOÓ MUNGÚ ngin daahh, nee slaqwer'eé' i dír Munguúeé'.»

YEREMIA 2:30

Aníng mukók una muúx ala naa ya/ani'iiká, inooín dakuúsar'ín ngiri si'iyé', aaruuserhúng kana tsuú/ ar lawluuhúng adór dirángw slahhaá' kawriro.

YEREMIA 36:26

Aluuwo wawutmoodá' Yerame'eli garmoó waawutmo, nee Seraya garmoó Asrieli, nee Shelemia garmoó Abdeli, giri ya/aáw as goousmo Baruku nee aarusmo Yeremiawo kiwa ohin, ala AAKOÓ MUNGÚ inooín gina luú/.

HOSEA 5:11

Múk Israeli kwaa baramaanuús baraá kwasleemaro, asma inooín taa tsabín loohír qwanaay eeharto.

MIKA 6:16

Adoorí in tleehharút asma kuungá' hara'aydaá tlakw awa waawutmo Omri ina oté', nee tlehhmi'i sleémeero awa doó garmaawós, waawutmo Ahabu, ina eehadé'. Kuungá' loohir'ín kari eehadé'. Gawaá adoorihe aníng yaamuuhúng i hhitiím, nee kuungá' tari waaqa'atitá'. Múk xoordaá hatlá' sleémeero nuri waaqaa'.»

MIKA 7:2

Heé inkihhím i kaahh baraá ayaawihe, Heé gan'amuú tlehhiít i kaahh. Umuúqo heewo gár i leelehhiiti a hee nguwa gaasi. Umuúqo heewo hhiyaawós gun tsaaxweelír i qamín.

FAARO 25:11

«Finehasi garmoó Eleasari, garmoó Aroni, kaahamusmoó Mungú, buhhtaaeé' gaa har óh dír múk Israeliwo. Baraá tla/angwhunge a inós kilós oo sla'aari aa tliwí/ adór aníng wa ale. An gár múk Israeli sleémeero ngusa hhaamisiiká buhhtaeene.

FAARO 25:13

Án alqadoorí an tleéhh nee inós nee xwaylarós adór tar kaahamuusér Mungú ay kureeraá kureér, asma inós sla'aari nguna tliwí/ daanduú Munguúwose, múk Israeli guri haraki/isár i tleéhh.› »

Yohana 2:17

Eeharuuseerós tidá' taa gooín gari insleér, tidá' kah, «Sla'aarír doó Baabuúeé' aníng i gás.»

DABE 31:16

AAKOÓ MUNGÚ Mose guri báy, «Kuúng daxta deeloorók ar tawa kahhut naa tseewuúr, nee alaá bara gwá', muu aníng i geexáy, nee munguaá hatlá' kiri eehaar awa baraá yaamuudá' tay hotaá ay. Aníng i geexayá', nee alqador'eé' ngiri geexayá', tidá' nee inooín taa tleehhaán.

Ebrania 11:37

Kina tlaquút ar tlaa/e, nee kina siiqiít ar masumenadu, kina iiara'ár nee kiri tsuú/ ar paangadu. Inooín tana harweeriirín tawa tlabaá bee/ángw dahamiisi nee tlabaá aara. Inooín a múk liitlakwén oo ta slahh'eemisi nee oo ta muruú tlákw i tlehhiiti.