1 WAAWITÁ 18:4 - Biblía Axweesantá Hhohho' ar Mungú 2004

⁴ Nee qoomaadá' Yesebeli iwa aaruusér AAKOÓ MUNGÚ tsu/, Obadia aaruusér tsiiruú wák gana lu/tá áy baraá mar'o, umuú mar'iro muu mibeeri kooán, nee giri muruú /aymár i huwahuúw nee ma'aá wahaango.)

1 WAAWITÁ 18:4 Iomraidhean Croise

1 WAAWITÁ 13:16

Ala heedaádá' iri oó', «Aasla'áy, ti alkoomanaaká amór do'ók í ale, laqaá sleeme a dahaaká baraá do'ók í ale. Muruú /aymár do'ók u /ayaaká, laqaá ma'aá yaamuuká' i wahaaká sleeme,

1 WAAWITÁ 17:11

/Ameenidá' iwa tlatleer, Eliya gari aluú wa al ateét malé ale, gari báy, «Parhhamtá mukatmoowo qawáng sleeme.»

1 WAAWITÁ 18:13

Xáy, kuúng gár ta xu' i káhha, qoomár aníng aaruusér AAKOÓ MUNGÚ ngiwa luú/, qoomár kiwa tsu/i nee Yesebeli. Aníng aaruusér tsiiru ana luú/ baraá mar'o, daqooráy tsár oo mibeeri kooán, kooán nee ngiri muruú /ayma nee ma'aá wahángw i hanmiís.

1 WAAWITÁ 18:5

Aluuwo Ahabu Obadia guri báy, «Tláw hi'iimiít baraá ayko nee wa/aameedár kutlaá ma'aay sleémeerowo, nee baraá xatsa sleémeero, doóqa gitso a slawaán ar farsuurén nee wayshamaawo kir tu/aan, as kahhó' sleémeero mindiwa qatliyé'.»

2 WAAWITÁ 6:32

Naagáy waawutmo hee guri ya/aáw oo Elisha ateeta. Qoomaadár kilae Elisha i dó' i dirii' nee bariiserka aa do'ós keer. Dír heedaádá' ta ya/aáw ira hardihiiká Elisha bariiseedá' gana báy, «A ga/eerá'a, tsu/utusmo kungwa ya/aáw as istaeé' ngiwa tsati, qoomár birnda hardáh afkú do' ku tsegá', mindiwa baloó dáh baraá do'. Slám aakoowós i aluuwós wa hi'iit.»

2 WAAWITÁ 9:7

Kuúng doó aakoowók Ahabu un qwaarés, as aníng li/ay nguwa buu' dír Yesebeli, tidá' tseerdaá aaruuser'eé' gaa ku'us, nee sagadiyuuser'eé' sleémeero.

NEHEMIA 9:26

«Ala i inkihhimuú kon'aaká diroge, uri si'iyé', dabeerók ngay mayé' nee aaruseedá' gaa gurbu'uun as kuúng uwa iki/iya' ngina tsu/iyé', /ooslislíngw urén ngway ló'wa kaahiyé'.

ISAYA 16:3

Múk Moabu i múk Yuda babay, «Atén ti gurbue', kangwrén tlaaqare', xuumarhúng daandemorene doogare' adór giwtír naa tlatla/ángw iimu/uun. Mukrén oo tinda guús lu/aak, nee kudá' naa ayahúngí /akumiit mu geewaqaatara'.

YEREMIA 26:24

Ala Yeremia kuna xún nee Ahikamu garmoó Shafani as mukuwa gaás nee muu.

YEREMIA 36:19

Naagáy mukdá' urén Baruku nguri bayé', «Kuúng tláw nee Yeremia nahhaaté', dír tay nahhta' tam heé wák mingiwa xuú'.»

Matayo 21:35

Ala doosluuseedá' sagadiyuuseedá' gari ohiín, oo wák kuri muúx, oo hatlá' kuri gaás, nee kuqá' kuri tlaquút ar tlaa/e.

Matayo 25:35

Asma qoomár án niwa qwariit, kuungá' ina /aymisé'. Qoomár án niwa waxiit, ina wahasé'. Qoomár án tawa dahaaymo, ina dahi'isé'.

Matayo 25:40

Waawutmo iri ooi, ‹Án a kah, umuúqo gaaro ar taa tlehhé' dír oo wák baraá hhaee'eé' kuká' ninakwe, a ngina aníng i tlehhé'.›

Ebrania 11:38

Yaamuuká' i harina'aaká mukwí nguwa kona'. Inooín tana harweeriirín baraá xaanxoó muu iwa kahhi nee gawaá tlom'i. Tana hoót baraá mar'o nee baraá boh'e.