1 WAAWITÁ 17:1 - Biblía Axweesantá Hhohho' ar Mungú 2004

¹ Aarusmooko ta bay Eliya oo Tishbe oo yaamaá Gileadi, waawutmo Ahabu guri báy, «Ar umuú AAKOÓ MUNGÚ, Munguú múk Israeli kudá' slaáf, kudá' aníng ni sagadiyuus, tluwaay i baloó taxaatiiká, laqaá hara' u aandaaká ay dír aníng kaangw gway oo'.»

1 WAAWITÁ 17:1 Iomraidhean Croise

1 WAAWITÁ 17:12

/Ameenidá' guri beér, «Ar adoodá' AAKOÓ MUNGUÚWÓK ir hotaatina kudá' slaáf, gám aníng mukaatmo tumu niiná u koomaaká. Aníng gár ni koom a tsa/oó wák oo puurú ina meét baraá hutlaay, nee di/tá niiná baraá chupiito'o. Aníng hamí a diirií dirií', a migiruú sleemiís, nay waátl amór do', nay huuriím, naagáy án nee garmaaeé' tay /ayiimaán, tay qatlaán.»

1 WAAWITÁ 17:2

Eliya axweesantá AAKOÓ MUNGÚ gay axaás,

1 WAAWITÁ 18:1

Alaá deelór yaariir iwa waaráhh ar har afiqoomár kureeraá tám awa giyeé, Eliya axweesantá AAKOÓ MUNGÚ gana axaás iwa kat, «Tláw ti geehhooes dír waawutmo Ahabu, daqaní aníng tluwaay ngu haniís baraá yaamu.»

1 WAAWITÁ 18:10

Gám adór AAKOÓ MUNGÚ, Munguúwók ir hotaatina, waawutmo kuúng una leelehhiít baraá xoordu sleémeero nee baraá waawuti'iima sleémeero ar aa máy i káhh. Tam qoomár burkwa báy, ‹Ayaarene i kaahh,› Ahabu xooroodá' gan lo'ór /aymiis ar kuúng tuwa ariiká.

1 WAAWITÁ 18:15

Eliya iri oó', «Ar adoodá' AAKOÓ MUNGÚ Aleesleemusmo ir hotaatin, kudá' ni sagadiyuus, aníng laarír kilae waawutmo i ar geeraawós wa aleeró.»

1 WAAWITÁ 22:14

Ala Mikaya iri oó', «Adoodá' AAKOÓ MUNGÚ ir hotaatina, axweesantadá' AAKOÓ MUNGÚ iga báy an tidá' ni oó'.»

1 WAAWITÁ 8:35

«Tluwaay bira tluwiiká as tlakweemaá naa kuúng i tleehhiyé', bar kuúng ugwa firiné' nee turi haratlintií', nee bar tlakweemaaín ngaa mayé' as kuúng kiwa naanáq,

2 WAAWITÁ 1:3

Ala malaykamoó AAKOÓ MUNGÚ aarusmo Eliya oo Tishbe guri báy, «Tláw ti doge' nee mukdaádá' taa ya/aáw nguwa yaahasi, ‹Ahaá waáy, gár tas Ba'alsebubu, munguú gixsár Ekroni yaahasár eera', asma Mungú in káhhi baraá yaamaá Israeliro?› »

2 WAAWITÁ 3:14

Elisha iri oó', «Adoodá' AAKOÓ MUNGÚ Aleesleemusmo ir hotaatin, kudá' aníng ni sagadiyuus, hám geera barnaxes an mak Yehoshatiwooká waawutmoó Yuda, aníng geeraawo kuúng u iiárií qaasaaká.

2 WAAWITÁ 4:38

Elisha iri kií/ Gilgali qoomár giyeé niwa tleér baraá yaamuwo. Looarka wake Elisha nee eeharuusér aaruuse tawa iwiiwiti sagadiyusmoowós guri báy, «Hutloó úr qaaseek baraá asla, muruú /aymár aaruuse qaaseek.»

2 WAAWITÁ 5:16

Elisha iri oó', «Ar adoodá' AAKOÓ MUNGÚ ir hotaatina, kudá' ni sagadiyuus, gám aníng qeemuuwók u baloó oohaaká.» Na'amani Elisha guri ló'wa harhhehhe'eés, ala Elisha ina sií'.

2 WAAWITÁ 5:20

Gehasi, sagadiyusmoó Elisha heé Mungú iri baraá guruuwós i oó', «Hám qaytsiít, aakooeé', muruudá' Na'amani heé Aramu naa huúw gwa sií' ooharo. Ar adoodá' AAKOÓ MUNGÚ ir hotaatina, aníng un alta'aaím as gaa ngiwa slaw dirose.»

2 QOM'I 21:12

Aarusmo Eliya barwito'o gari gooín dír waawutmo Yehoramu iwa kaahi, «AAKOÓ MUNGÚ, Munguú baabuúwók Daudi, i kaahi, ‹Asma kuúng loohír baabuúwók Yehoshafati aga eehatká, laqaá loohír Asa waawutmoó Yuda.

2 QOM'I 6:26

«Qoomár tluwaay bura ilá/ as tlakweemaaín, nee aluuwo niri firór ayé' dír do'owí, umuuwók ngway ya/ané', tlakweemaaín ngiri hhu'u'uné' as kuúng kiwa múx,

YOBU 12:15

Tluwaay burngwa ilaá/, age tin faak, tluwaay burngwa geemawa hhe'eés, alwuo ti fák baraá yaamuwo.

ISAYA 49:18

Axáy bihhe i qaytaak nee ka aandá' gár tleehharumiit. Inooín sleémeero taa burumburiyé' i baraawók i watliyá'. Anuú AAKOÓ MUNGÚ a kah, adoodá' aníng nir hotaatima, mukók sleémeero un adór kwasluú wa dahás, mukók u saqwalaalá/ adór dasír duuxór aw kwasluwós ngir saqwal/aa/at.

ISAYA 5:6

Aníng inós an xaanxaay tleéhh, sabiíbuuwós ku alkwasliiká, laqaá ku kakanusiiká. Fuquráy nee laqayaawo ngun alti'iitiyá'. Huunkáy u ádbáw, miwa gawaawósí tluúw.»

YEREMIA 14:22

Xáy, munguaá lama awa xoordaá hatlá' tluwaay ngu huwiía? Laqaá tlaangú duuxaro ngu aleesláy'a? Xáy, aqo kuungeekáhe AAKOÓ MUNGÚ, Munguúrén? Atén kuúng un harahhifaán, asma kuúng tí sleémeero ana tléhh.

YEREMIA 15:19

Gawaá adoorihe, AAKOÓ MUNGÚ i kaahi, «Barnaxés iga i kí/, aníng kuúng un adoodár aángií ki/ís, nee kuúng uri malé sagadiyusmooeé' tleéhh. Barnaxes axweesanoó lama ugwa meér, nee oo ganaá' bura axwés, daqaní kuúng an aarusmooeé' tleehhít. Muu nin amoorók i burumburiit, ala kuúng amor'ín a keeraaká.

YEREMIA 28:8

Aaruuseedá' dír aníng nee kuunge aa giiriin iimír aange, inooín tana aariirín tawa kaahi, ‹Slaqwara, nee giyeede nee tiqtír pu/ito ni ti'iitiyá' baraá yaamaá daanduú yaariire nee waawuti'iimár /uuruú kooma.›

HAGAI 1:10

Gawaá adoorihe, doori iga tseék tam baafoó niiná oo hara' i taxatiiká, nee yaamu sleeme kaa tseék tam mamuuín ngi duuxiaaká.

Matayo 11:14

Ala kuungá' bar sla'á' haratlintaaooro, inós an Eliadá' hardáh.

Matayo 16:14

Eeharuuse iri ó', «Ta kaahi kuúng a Yohanedá' Baatimaamiís. Bahh'alé ta kaahi a Eliya, nee bahh'alé ta kaahi a Yeremia, laqaá aarusmoó wák baraá aaruuseedár aange.»

Matayo 27:47

Múk didaádí dirií' bahh'alé adoodá' ngiwa axaás, tari oó', «Heewí i Eliyá ateetín.»

Matayo 27:49

Ala múk hatlá' iri oó', «Lakiité' u araán, axáy Eliya ngu aweeriisár áya?»

Matayo 7:29

Asma gina intsaahhatimís adór heé aleesleemuú koóm, tam a adór intsaahhatuusér hara'ayár Mosewooká.

Luka 1:17

Inós in geeraá Aakoó wa hi'iit ar muunuú adór kuduú Eliya nee /uuruuwós, as munér baabi'i ngiwa warqeesi iwa amór na/ií ki/, nee mukdá' iiawaslén nguwa fuqurángw hotaá ganaa'á' i slay, as múk Aako nguwa geerií amohhe'eesi.»

Luka 1:19

Malaykamo iri oó', «Án a Gabrieli, kudá' geeraá Mungú i dirií'. Nee aníng tina ya/aáw nee kuúng niwa axweesaan, nee ya/abtoorí hho' ngiwa dirógií oo'.

Luka 21:36

Dalaaé', fiririimé' deelo sleémeero, as /uuru kuwa sleera', oo tí sleémeero hardah kawarar ba/a', nee tawa geeraá Garmoó Heé i sihhita'.»

Luka 9:30

Naxés múk tsár nee inós ta axwees. Mukwí a Mose nee Eliya.

Luka 9:33

Qoomár mukdá' tsár nee Yesu tiwa paraatliyé', Petro guri báy, «Aáko, ka hhoo' atén tawa diirí diriiaan. Isleeraá tám i tleehhaán. Oo wák a kók, kuquú Mose, kuquú Eliya.» Inós laatí gár i kaahi gaa xuiiká.

Luka 9:54

Eeharuuseerós Yakobo nee Yohane adoorí kawa ár, kuna báy, «Aáko, a slá'a asla kawa ateetaan, niwa gawaá doorí wa /et, as mukwí nguwa qwaares.»

Yohana 1:21

Kuri yaahaás, «Kuúng a heemá ala? Kuúng a Eliyáwo?» Iri oó', «Aníng a Eliyawooká.» Tari oó', «Kuúng a aarusmoodáe?» Iri oó', «Aasla'áy.»

Yohana 1:25

Kuri yaahaás kuri báy, «Ahaá ala, mas baatimís, kuúng bar Kristowooká, laqaá Eliyawooká, laqaá aarusmoodaeeká?»

Tlehhema'aá ya/Abuuse 27:23

Asma xweeraaká' laarí malaykamoó Munguúdá' aníng naa haratlintií', slám ni sluufmiis, nina bihhieé' i sihhiít,

Rumi 11:2

Mungú mukós kudá' aa qaroó iimír aáng wa tsawaár, gwa si'iiká. Ahaá, kuungá' a xua'aakáhe adoodá' Gooi i kat daanduú Eliyawo, qoomár inós iwa sihhiít dír geeraá Mungú, as múk Israeli nguwa sakwasleemuuti.

DABE 10:8

Qoomaarihe AAKOÓ MUNGÚ múk tlahhoó Laáwi guri tsawaár as tawa múk sandakmooduú alqadór AAKOÓ MUNGÚ gu loohiís, nee tawa gadiyuusi dír geeraá AAKOÓ MUNGÚ wa ale, nee muu kuwa tsuuqadá' i hanmiisi ar umuuwós tam ay laarí.

Yakobo 5:17

Eliya a heé adór atén. Inós ina ló'wa firiirín as tluwaay miwa tluúw. Nee tluwaay iri yaamií taxaatiiká har qoomár kureeri tám nee slahheeraá lahhooe.

Geehhoeemaá 11:6

Lamabu'uuseerí i hara'ayár koón ar doori ngiwa tsek, as tluwaay miwa tluúw qoomaadár aaru'uumar'ine. Nee slám i hara'ayár koná' ar ma'aay kiwa tseere tleehhi nee yaamu ngiwa muxiya' ar umuúqo muxtaaro ar qoomaadá' inooín ta slai.

HAR'OHUUSE 12:4

Naagáy Yefta múk Gileadi sleémeero guri dinkwár i burumbuúr, tari slaáqw nee múk Efraimu, múk Efraimu kuri baál nee múk Gileadi. Mukwí oo Efraimu aáng múk Gileadi gun baabay, «Kuungá' múk Gileadi aáng a tlahhoó Efraimu, ana baraadá' wa ti'ité' tari daté' baraá tlahhoó Manase.»