1 WAAWITÁ 16:9 - Biblía Axweesantá Hhohho' ar Mungú 2004

⁹ Sagadiyusmoowós Simri kuduú gaarduuwós kudaá uruuxuung guri geewaqaát. Looarká wake waawutmo Ela iwa Tirsa i dirii'i, dír doó Arsa kudaádá' doó waawutmoó ga/áw, Ela ina xufiít iri ooniít.

1 WAAWITÁ 16:9 Iomraidhean Croise

IIMU/UUNGW 15:2

Abramu iri oó', «Aá Aakoó Mungú, gár ni aníng i hanis a milá? Aníng baraakaá yaamu in geexáw tam na/aay u koomaaká. Nee heé dooeé' gu aál, a Elieseriwí oo Damasko.»

IIMU/UUNGW 24:10

Sagadiyusmooduú Abrahamu angamía mibaangw giri ar tláy. Iwa tlay muruú hhohhó' oo daa'aweemaá dimbadimbé oo amór aakoowós daáhh gu kón. Iri aa'aá káy ay gixsadá' Nahori i hooti ar baraá yaamaá Mesopotamia.

IIMU/UUNGW 24:2

Abrahamu sagadiyusmoowós kudá' úr dír awa hatlá' sleémeerowo, kudá' daqaari'iimarós sleémeero ga sageesihhimiít, guna báy, «Dakók qaaseek gawaá nawdueé'.

IIMU/UUNGW 39:4

Yosefu Potifa guri sla'atisa hhe'eés, Potifa guri heewós oo hhoó' tleéhh, tari sageesihhtusmoó do'ós, nee guri qaás tawa harmagahhatusmoó daqaari'iimarós sleémeero.

IIMU/UUNGW 39:9

Baraá do'wihe inós ku ureeká ta aninge, asma umuú gaaro ar aníng iwa /itín i káhh, aqo har kiíng as tawa hareerós. Gawaá adoorihe dakuúsár ur ar adór tisíng adór ngir tleehh dír geeraá Munguhe a adoomá?»

1 WAAWITÁ 15:27

Ba'asha garmoó Ahiya, oo tlahhoó Isakari, Nadabu guri gaasár wa slaá'. Ala qoomár Nadabu nee slaqwaruuseerós gixsár Gibetoni ar Filisti kawa harweér, Ba'asha iri haratláy, Nadabu guri gaás.

1 WAAWITÁ 16:10

Naagáy Simri iri dáh baraá do', guri gaás. Iri waawuti'ín kitaangós wa aleeró. Kurkwí oo mibeeri tsár nee faanqw oo Asa tawa waawutmoó múk Yuda.

1 WAAWITÁ 16:8

Kurkú mibeeri tsár nee lahhoó' oo waawuti'iimár Asa waawutmoó múk Yuda, Ela garmoó Ba'asha waawuti'iima gana iimu/ún ar múk Israeli baraá Tirsár wa ale, kureeri ngaa /aáy tsár baraá waawuti'iimaro.

1 WAAWITÁ 18:3

Ahabu Obadia guri ateét, kuduú sagesihhitusmoó doó waawutmo. (Obadia a heé AAKOÓ MUNGÚ gu ló'wa ilaiwawaá/.

1 WAAWITÁ 20:12

Ben-hadadi kaangwí nguwa axaás oo Ahabu, inós nee waawitaduú hatlá' gwa alee/iis ta xufiit baraá islángw wa alé, mukós guri báy, «Ti amohhe'ese'.» Muu tiri amohhe'eés as gixsa kawa i haraatlay.

1 WAAWITÁ 20:16

Naagáy /ameetleemuuwo Ben-hadadi iwa xufiiti dinkwa nee waawitadá' mibeeri tám nee tsár inós ngwaa alee/iisár aye' slaqwara iri iimu/uún.

2 WAAWITÁ 12:20

Yoashi sagadiyuuseerós guna geewaqát, nguri gaasiyé' baraá do'ós kuduú Milo dír loohidá' Sílár kaw.

2 WAAWITÁ 15:10

Shalumu garmoó Yabeshi waawutmo Sekaria guri geewaqaát, guri muúx geeraá múk wa alé, guri gaás, naagáy iri waawuti'ín kitaangós wa ale.

2 WAAWITÁ 15:25

Peka garmoó Remalia kuduú geeraharusmoó slaqwaruusér Pekahia, inós nee múk mibeeri kooán oo Gileadi tana aldinku'uús Pekahia nguwa geewaqaatiya', nguri gaasiyé' dinkwa nee Argobu nee Arie baraá guruú koo/ír gawit ar doó waawutmo, tidár baraá Samaria, Peka iri waawuti'ín kitaangós wa aleeró.

2 WAAWITÁ 15:30

Kurkú mibeeri tsár oo waawuti'imár Yotam, garmoó Usia waawutmoó Yudawo, Hoshea garmoó Ela Peka garmoó Ramalia guri geewaqaát guri gaás. Naagáy iri waawuti'ín kitaangós wa aleeró.

2 WAAWITÁ 9:14

Yehu garmoó Yehoshafati a nángw naangó' Nimshi, inós Yoram guna geewaqaát. Yoram qoomaadae nee múk Israeli ta Ramot-gileadi dirii', ta xún ar baalaqaasi as Hasaeli waawutmoó Aramu.

AXWEESANOÓ SAGALOOA 31:4

Aá Lemueli, i hariindaaká waawutmo iwa xufiiti, Tam geeraharuuse iwa buurár ilatleerus.

YEREMIA 51:57

Aníng geeraharuuseerós nee múk sageloene u xufiitiís, nee ga/aawuuseerós nee geeraharuusér slaqwara nee miguuseerose. Inooín tan guu' ar gu'utér tawa daarkiitiiká, nee ar tleemu wasl. Aniíduú waawutmo, umuueé' a AAKOÓ MUNGÚ Aleesleemusmo, tí ngana oó'.

DANIELI 5:30

Xweeraadaá kilae waawutmo Belshasa oo múk Kaldayo kuri gaás.

NAHUMU 1:10

Inooín tam adór laqayaá taa nagwahhii'i, tam ni hirqamitiia nari ma'aay tleehhiiyá' as xuftár difaáir'ín, ala kin qororo'oos, adór hhaanslaá kaaharén wa alé.

Luka 21:34

«Ti harmagahhe', munerhúng miwa hhitirút ar hheehha, nee xufta, nee ma daawimitaara' as muruú baraakaá yaamu, deeloodár alhhe'eesaay munduwa hhaawís adór tsaaxweeli ir ohaahiin.