1 WAAWITÁ 16:8 - Biblía Axweesantá Hhohho' ar Mungú 2004

⁸ Kurkú mibeeri tsár nee lahhoó' oo waawuti'iimár Asa waawutmoó múk Yuda, Ela garmoó Ba'asha waawuti'iima gana iimu/ún ar múk Israeli baraá Tirsár wa ale, kureeri ngaa /aáy tsár baraá waawuti'iimaro.

1 WAAWITÁ 16:8 Iomraidhean Croise

1 WAAWITÁ 15:16

Waawutmo Asa oo Yuda nee waawutmo Ba'asha oo Israeli tana slaqwaaqún baraá hootaaín sleémeero awa inooín tawa waawitá.

1 WAAWITÁ 15:33

Kurkú tám oo waawuti'iimár Asa waawutmoó Yuda, Ba'asha garmoó Ahiya waawuti'iima gana iimu/ún baraá Israeli wá ale, amoodár Tirsa. Inós kureeri ngaa /aáy baraá waawuti'iimaro a mibeeri tsár nee tsiyáhh.

1 WAAWITÁ 16:15

Simri deelo ngaa hhe'eés faanqw amoodár Tirsár wá ale. Qoomaarihe Asa waawutmoó yaamaá Yuda kureeri ngaa /aáy baraá waawuti'iimaro a mibeeri tsár nee faanqw. Naagáy múk Israeli qoomaarihe ta burumburiít baraá gixsár Gibetoni ar Filisti,

1 WAAWITÁ 16:21

Múk Israeli iri qasiít baraá daqooráy tsár, tlaqtá wák Tibni garmoó Ginat, guna eehát guri waawutmooín wa qás, nee tlaqtá tsár Omri guri eehát.

1 WAAWITÁ 16:23

Omri waawuti'iima ngiwa iimu/ún a kurkú mibeeraá tám nee wak awa waawuti'iimár Asa waawutmoó múk Yuda. Inós kureeri ngaa /aáy baraá waawuti'iimaro a mibaá nee tsár kureeraá lahhoó' awa waawuti'iimaro, amór gixsár Tirsa gana hoót.

1 WAAWITÁ 16:6

Aluuwo Ba'asha iri gwaá' kuri foól baraá Tirsa, garmaawós Ela iri waawuti'iín kitaangose.

1 WAAWITÁ 16:7

Slám axweesantá AAKOÓ MUNGÚ daanduú Ba'asha nee do'ose Yehu gari axaás, garmoó Hanani, asma tlehhma'aá tlakw kudaá Ba'asha aa tleéhh geeraá AAKOÓ MUNGUHE, guri mune duúx ar tlehhmi'iiwós kudá' aa tleéhh, asma inós Yeroboamu guna aleealuús, nee doó Yeroboamu guri qwaareés.

1 WAAWITÁ 16:9

Sagadiyusmoowós Simri kuduú gaarduuwós kudaá uruuxuung guri geewaqaát. Looarká wake waawutmo Ela iwa Tirsa i dirii'i, dír doó Arsa kudaádá' doó waawutmoó ga/áw, Ela ina xufiít iri ooniít.

2 WAAWITÁ 15:14

Menahemu garmoó Gadi ina Tirsár wa tláy ay Samaria, nee baraá Samariaro Shalumu garmoó Yabeshi guri gaás. Inós iri waawuti'ín kitaangós wa alé.

2 WAAWITÁ 15:23

Kurkú mibeeri kooán oo waawuti'iimár Asariya oo Yudawo, Pekahia garmoó Menahemu waawuti'iima gana iimu/ún baraá yaamaá Israeliro. Inós baraá waawuti'iimaro kureeri ngaa /aáy a tsár baraá Samariaro.

2 WAAWITÁ 21:19

Amoni waawuti'iima ngiwa iimu/ún kureeriiwós a mibeeri tsár nee tsár. Kureeraá waawuti'iima ngaa /aáy tsár baraá Yerusalemuro. Umuú aayoorós a Meshulemeti dasír Harusi kuduú Yotba.

AXWEESANOÓ SAGALOOA 28:2

Xoorór gilaaliim waawitaawós ku yaariír. Ala as heé wák oo xu'utír koóm, nee oo muruú tsaatsahhaám, yaamu nin amohhoouyá'.