1 WAAWITÁ 16:2 - Biblía Axweesantá Hhohho' ar Mungú 2004

² «Kuúng Ba'asha, aníng una uráy haniís, uri waawutmoó muk'eé' oo Israelír wa qaás. Ala kuúng Yeroboamu una aleealús, muk'eé' oo Israeli kway baraá tlakweemí dahás, nee aníng iri buhhtisiyé' ar tlakweemaaín kudá'.

1 WAAWITÁ 16:2 Iomraidhean Croise

1 WAAWITÁ 14:16

AAKOÓ MUNGÚ múk Israeli gu sii' as tlakweemadá' Yeroboamu aa tleéhh, nee múk Israeli gway baraá tlakweemií dahaás.»

1 WAAWITÁ 14:7

Tláw Yeroboamu ku beer, AAKOÓ MUNGÚ, Munguú Israeli, i kaahi, ‹Aníng kuúng una tsawaár baraá tla/ángw múk wa alé, uri qaás tawa waawutmoó muk'eé' oo Israeli.

1 WAAWITÁ 15:26

Nadabu tlakweema gina tleéhh dír geeraá AAKOÓ MUNGUHE, adoodá' baabuúwós aa tleéhh gana eehár, kudá' múk Israeli gwaa baraá tlakweemií dahaas.

1 WAAWITÁ 15:34

Ba'asha tlakweema gina tleéhh dír geeraá AAKOÓ MUNGUHE, adoodá' Yeroboamu aa tleéhh gana eehár, kudá' múk Israeli gwa baraá tlakweemií dahaas.

TI'INAANGW 32:21

Mose Aroni guri báy, «Gár mukwí naa kuúngií tleéhh a milá, tlakweemaá ur awa adór kuká' kiri dir'ínií húp?»

YEREMIA 7:18

Na/ii ta migiruú sleemiis, baabi'ii'ín ta asltá oohamiis, nee /ameena ta puuruú lufu/ún as mikaáte kawa tleehhi, as munguúduú /ameeni ta bay «Waawuto'ór gawaá doori» Slám munguaá hatlá' kina ilahhooár difaáírí tsiriximiís as aníng iwa ak buhhtisiya'.

Matayo 5:19

Gawaá adoorihe, hee bar hara'ayár wák gaa iialooeesiiká baraá hara'ayadaá ninakwe, nee muu guri adoodár intsaahhatimís, inós a heé ló'wa niiná baraá waawuti'iimár dooriiwo. Ala heé hara'ayaarí gaa boo/ees, nee muu guri adoodár intsaahhatimis, inós a heé ló'wa úr baraá waawuti'iimár dooriiwo.

Luka 1:52

Waawitá gwa hingeés baraá waawuti'iimar'ine. Kudá' liitlakwen gaa uráy haniís.

1 SAMUELI 2:24

Aasla'áy daaqay'eé', kangwsíng ni axmiís dír múk AAKOÓ MUNGÚ wa ale daanduuhunge i tsuuiiká.

1 SAMUELI 2:8

Heé narkutmo gun slankwa'aas baraá teerír wa alé, oo gár slaá' gun tsa/aas baraá ufuú xwaansláy wa alé, as ngiwa iwiitisi dinkwa nee múk urén, as tawa aaliitér kiteeridaá ilaiwa/ame. Asma AAKOÓ MUNGÚ yaamu gin gáwtí kón.

1 SAMUELI 26:19

Hamí daxta, aakooeé' kuú waawutmo, axweesantá sagadiyusmoowók iiárií qaaseek. Barnaxes AAKOÓ MUNGÚ una amor'eéní tliwií/, ilahhooa ngi oohi tidá' inslawaywós gu warqees. Ala barnaxes a afér muu, múk adór kwí AAKOÓ MUNGÚ ngu lu'usi kwí aníng i gusisiím dír aalir'eé' tidá' AAKOÓ MUNGÚ naa haniís tawa kaahi, ‹Tláw slaqsi'iidaá munguaá hatlá' sagadiyuseek.›