1 WAAWITÁ 15:4 - Biblía Axweesantá Hhohho' ar Mungú 2004

⁴ Tam adoorihe, as Daudiwo, AAKOÓ MUNGÚ Abiya ngway garmií haniís oo waawuti'iím kitangós wa ale, as inós iwa gwa/aateema tleehhiti baraá Yerusalemuro nee gixsár Yerusalemu ngiwa gawdeesi.

1 WAAWITÁ 15:4 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

IIMU/UUNGW 19:29

Ala Mungú yaamuudá' ngiwa hhitín, Abrahamu guna insláy, Loti guna hiingeés baraá yaamudae, as Loti munguwa qwaareés dinkwa nee múk yaamuudá'.

IIMU/UUNGW 26:5

Asma Abrahamu aníng ina iialooeés, tidá' ngwa báw gari óh nee hara'ayar'eene, nee kaahir'eene nee daber'eene.»

2 SAMUELI 21:17

Ala Abishai garmoó Seruya, ina tláy as Daudi nguwa alee/iisi. Abishai heedaáduú múk Filisti guri slaáhh guri gaás. Muu lo'o gari geeraá Daudi wa /aáy, tari oó', «Atén nee kuúng ti alkoomanaaká baraá slaqwaraaro. Bar adooriheeká tsaa'astá waawuti'iima a gás baraá Israeliro.»

1 WAAWITÁ 11:12

Tam adoorihe as baabuúwók Daudi tí a tleehhaaká baraá hotaawoge, ala waawuti'iimarí a hingeés baraá dabaá garmaawoge.

1 WAAWITÁ 11:32

Ala inós u tlahhoó wák i geexáw as sagadiyusmooeé' Daudi, nee as gixsar'eé' ar Yerusalemu, tidá' naa tsawaár baraá tlahh'i sleémeero awa Israeli.

1 WAAWITÁ 11:36

Garmaawós kwí Solomon, aníng u tlahhoó wák i haniís, asma qooma sleémeero xwaylár sagadiyusmooeé' Daudi tlahhaywí nguwa sawaawuti'iin baraakaá Yerusalemúr wa alé, nee inós masók a gwa/aateema baraá gixsár Yerusalemu ar aníng naa tsawaár as tawa dír aníng tiwa sluufmiisi.

2 QOM'I 21:7

Tam adoorihe AAKOÓ MUNGÚ doó Daudi nguwa qwaareesi gwa slaiiká, asma alqadoodá' aa oó' dír Daudi xwaylarós iwa waawuti'iin.

WARA'AMI 132:17

Baraadae oo wák baraá xwaylár Daudiwo un waawutmoó úr tleéhh, tsaa'asi a amohhe'eés as kwe'eé' kwí naa iimbalaáx.

WARA'AMI 18:28

AAKOÓ MUNGÚ, kuúng an kudá' tsaa'aste'eé' ngi oohiís. Munguúeé', kuúng giwtir'eé' an tsaa'ás.

WARA'AMI 87:5

Nee daanduú Siyoniro tan ooi, «Heewí nee kuqae kina laqwaál baraawós i ale.» Munguúdá' gáwtí dirií' an kudá' gixsarí ga gawdeés.

ISAYA 14:32

Gár hee ya/abusmoó xoordu ngur mu/aywatsi a milá? Gun bay, «AAKOÓ MUNGÚ gixsár Siyoni gaa tleéhh, nee mukós kudá' taa slahh'eemiís, dir'ín ar guwaay kaa sláy baraá gixsarihe.»

ISAYA 37:35

Asma aníng gixsarí an xuúm nee an ba/amís daanduueé' wá ale, nee as daanduú sagadiyusmooeé' Daudi.› »

ISAYA 62:7

Inós mu pa/aángwí hanisara' oo nur gunqaareesi, ay dír Yerusalemu ngay gawdeesi, ay dír ngay xirfayeesi baraá yaamuwo.

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

YEREMIA 33:2

AAKOÓ MUNGÚ kudá' yaamu gaa tleehh, nee kudá' iihhafirír yaamu ga kumiitiís, kudá' umuuwós ta bay AAKOÓ MUNGÚ, inós aníng iri báy,

Matayo 16:18

Ala aníng kuúng u baw, kuúng a Petro, gidaabárós a tlaa/a. Gawaá tlaa/arihe aníng mukdá' iga haratlintii' u gawdeemiís. Tam gwa'ara sleeme muk'eé' kwí gu aleesleeraaká arba/ato.

Luka 2:32

tawa gwa/aateemaá gwa/aatá' dír xoorduuwo, nee tawa xirif dír mukók oo Israeli.»

Yohana 8:12

Yesu inooín giri malé báy, «Aníng a gwa/aateemaá yaamu. Heé aníng iga eehaar, i baloó baraá giwtír wa hi'iimitiiká, ala inós gwa/aateemaá slafiingw gi kón.»

Rumi 11:28

Múk Israeli a wakuusér Mungú asma Ya/abtór hho' kawa sií'. Adoorí ina tleehharút as kuungaásingá' múk xoordu. Ala múk Yahudi a múk taa tsawaár nee Mungú. Gawaá adoorihe inooín Mungú gi slaa' as baabi'ii'ín.

DABE 4:37

Asma inós baabi'iihúng gina ló'wa slaá'. Inós kuungaásaá xwaylar'ín nuna tsawaár, inósuú kilá' nuri baraá Misrír wa duúx ar /uuruuwós kudá' úr.

Geehhoeemaá 22:16

«Anuú Yesu malaykamooeé' nguna ya/aáw as muruuwí nguwa dirhúngií lamabu'un, kuungá' múk kríshaanáy oo baraá gixsadaá dimbadimbé. Aníng a heedá' baraá tlahhoó Daudí daáhh. Aníng oo xwaylár Daudi. Aníng an tsatsee/idá' gwa/aat ar matlaatle ar ta bay Haymú.»