1 WAAWITÁ 14:4 - Biblía Axweesantá Hhohho' ar Mungú 2004

⁴ Harér Yeroboamu adoodá' gari tléhh, iri tleér ay Shilo, iri hardát doó Ahiya. Qoomaadae Ahiya xumsór kilá' ga aleeslayká, asma ilaawós na boo/ayé'.

1 WAAWITÁ 14:4 Iomraidhean Croise

IIMU/UUNGW 27:1

Isaka iwa dín, nee ilaawós naa tampuutiyé', Esau garmaawós oo úr guri amoorós i ateét, guri báy, «Garmaaeé'.» Inós iri oó', «Aníng a diirí.»

IIMU/UUNGW 48:10

Ilaá Israeli naa tampuutiyé' asma uraay, ala tam arto gaa aleeslayká. Kiri amoorós i huúw, inós giri ma'amiís, nee giri gawaá da/ewaawós i óh.

1 WAAWITÁ 11:29

Looarka wake Yeroboamu iwa aa'aá kay amór Yerusalemu, aarusmo Ahiya oo Shilo tari doogiyé' nee inós baraá loohi. Ahiya tlawuú /abén ngwaa tsiít. Inooín tsaraawo ta baraá xatsa.

1 WAAWITÁ 14:2

Yeroboamu hareerós gari báy, «Ti adór heé hatlá' ilaaqas, tláw baraá gixsár Shilo didá' aarusmo Ahiya aníng iwa báy, ‹Kuúng a waawutmoó múk Israeli.›

WARA'AMI 90:10

Kureeriirén a kureeri mibeeraá faanqw, laqaá birti slaqo hhó' a mibeeri dakaát. Ala waayaaqamuú yaariír un ar hootaán, deelo i kwahhmiská atén aqo an gaanslár tlawaán.

DAHARUSMO 12:3

Dír dabaadá' slaqwtók ngi xuumá' nira daaraxati'iiká, nee dír ya'aawók kudá' hamí /uuruú koomá' nira slaaqati'iiká. Dír sihhnaawók kudá' xooslimá' nira faakisi'iiká, nee ilaawók xumsi ngira si'i'iiká.

DABE 34:7

Qoomár Mose iwa gwaá' kureeriiwós a tsiiru nee mibeeri tsár, ilaawós naa giwi'iiká, nee inós /uuruuwós sleeme aa faakiiká.

YOSHUA 18:1

Alaá xoorór Israeli yaamu ngiwa ót, looár wake nina burumburitiyé' Shilórí ale, heémár Mungú ngiri kiki'iyé'.

1 SAMUELI 3:2

Qoomaadae ilaá Eli na boo/ayé' xumsi ga aslayká. Baalarka wake iwa qatuú áy baraá kutuwirós.

1 SAMUELI 4:15

Qoomaadae Eli kureeriiwós a mibeeri gwaleél nee dakaát, nee ilaawós naa boo/ayé'.