1 WAAWITÁ 14:2 - Biblía Axweesantá Hhohho' ar Mungú 2004

² Yeroboamu hareerós gari báy, «Ti adór heé hatlá' ilaaqas, tláw baraá gixsár Shilo didá' aarusmo Ahiya aníng iwa báy, ‹Kuúng a waawutmoó múk Israeli.›

1 WAAWITÁ 14:2 Iomraidhean Croise

2 SAMUELI 14:2

Gawaá adoorihe muu guna ya/aáw amór Tekoár wa ale, as /ameenír sagaloo' kawa leehhi. /Ameenidá' kingiwa huúw, gari báy, «Ti /ameenír tsuunqumiis ilaqas. Inqwaruú tsunqusmo dahaaseek, di/i ma slikaar, ti ilaqas adór /ameenír tsunqumamiis daqtá yaariire, as mukós iwa faák.

1 WAAWITÁ 14:1

Qoomaadae Abiya garmoó waawutmo Yeroboamu i tiiq.

1 WAAWITÁ 14:4

Harér Yeroboamu adoodá' gari tléhh, iri tleér ay Shilo, iri hardát doó Ahiya. Qoomaadae Ahiya xumsór kilá' ga aleeslayká, asma ilaawós na boo/ayé'.

1 WAAWITÁ 20:38

Naagáy aarusmoodá' iri tláy, iri iwiít bihhaá loohi as waawutmoó Israeli nguwa dan, inós gitse/aawós gaa tseék warqamoowo, as munguwa tsaáhh.

1 WAAWITÁ 22:30

Waawutmoó Israeli Yehoshafati guri báy, «Aníng tsitoó waawuti'iima u dahasaaká, niri dáh baraá tla/ángw slaqwaruuse, kuúng tlabaawók awa waawuti'iima ki dahás.» Gawaá adoorihe, waawutmoó Israeli iri slaqwarár áy, tlabaá waawuti'iima gaa dahaasiiká.

2 QOM'I 18:29

Ahabu Yehoshafati guri bay, «Bar slaqwarár awaán aníng tlabaaeé' i warqeés, ala kuúng tlabaawók mi warqeesaar.» Naagáy waawutmoó Israeli slaqwara gay áy, tlabaawós awa waawuti'iima gaa huwiiká.

2 QOM'I 28:4

Ahasi ilahhooár muruú ta tsu/i gana haniís nee mooyaangw guna da/aa/án dír wa/amér munguaá hatlá' kiwa sluufmamiisi, gawaá goongoama' nee gawaá tlom'i nee dír umuúqo gamuú xa'anoó loo/o naa/e.

Luka 12:2

Umuúqo gaaro ar taa tuuntuúk ka kiis, nee umuúqo gár naaqooro i xu'utís.

YOSHUA 18:1

Alaá xoorór Israeli yaamu ngiwa ót, looár wake nina burumburitiyé' Shilórí ale, heémár Mungú ngiri kiki'iyé'.

1 SAMUELI 28:8

Saulo tlabaawós giri warqeés, tiri ilaqaás tawa adór múk hatlá', iri tláy nee mukós oo tsár tiri koné'. Tari xweeraá hardáh dír doó /ameenír aáng, iri oó', «Na'ás isooeé' kuká' arang baraá miislaywoge. Heedaádá' aníng ni uma oo' watleesáng baraá gi'ií wa alé.»