1 WAAWITÁ 13:9 - Biblía Axweesantá Hhohho' ar Mungú 2004

⁹ Asma AAKOÓ MUNGÚ ina báy, ‹Ma /ayiimaar laqaá ma'aay mi wahaar, slám loohidá' nira daqeér mar watlaar.› »

1 WAAWITÁ 13:9 Iomraidhean Croise

1 WAAWITÁ 13:1

Looarka wake Yeroboamu iwa sihhiít dír bihhaá kitangwduú ilahhooa, kudá' mooyángw tsuú' kuwa da/aa/an, as mooyaangw nguwa da/i, heé Mungú oo yaamaá Yuda daáhh ina hardáh dír Beteli. Heewí i ya/abtór AAKOÓ MUNGÚ kón.

1 WAAWITÁ 13:10

Naagáy heedaádá' iri tláy, slám loohidá' nira daqáy Beteli gara ki/iiká.

1 WAAWITÁ 13:16

Ala heedaádá' iri oó', «Aasla'áy, ti alkoomanaaká amór do'ók í ale, laqaá sleeme a dahaaká baraá do'ók í ale. Muruú /aymár do'ók u /ayaaká, laqaá ma'aá yaamuuká' i wahaaká sleeme,

1 WAAWITÁ 13:19

Naagáy, heedaáduú Mungú nee aakoodá' niri alki/iyé', iri /ayín, nee ma'aay giri wáh doó aakoodá' wa aleero.

1 WAAWITÁ 13:8

Ala heedaáduú Mungú iri oó', «Gám tam tlaqtá daqaari'iimarók bingi hanisa a sla'aaká, amór do'ók a kawaaká, muruú /aymár diirí u /ayaaká, laqaá ma'aá yaamuuká' i wahaaká.

YOBU 23:12

Aníng dabeerós aga baloó mawiiká. Axweesantós aga amohhe'eés baraá muunaáeé'.

WARA'AMI 141:4

Muunaáeé' mu amór tlehhmuú tlaákw xu'usar, tlehhma'aá tlakw miwa intsaáhh, nee múk tlakweemaá tlehhahhiít mawa aldinku'usaán, tam muruú /aymar'ín kuduú gi'i muwa /aáy.

FAARO 16:26

Iwa hardáh, muu guna báy, «Quutlé' dír heemadaá mukwí tlakwe, gar'ín tam ar wák ma kwatiitara' as mutundwa hhaamiís as tlakweemaaín sleémeero.»

Yohana 13:17

Tí kuungá' bara xué', kuungá' tundu amohhoó bar aga tlehhé'.

Yohana 15:14

Kuungá' a mulqer'eé', bar tidá' án naa hara'ayiím aga tlehhé'.

Rumi 16:17

Hhaee'eé', án kuungá' nu harhheehhe'eés, ti harmagahhe' dír mukdá' tlaahhír qamiima nee kudá' dukuutsér qamiima. Asma inooín intsaahhasadár haratlintaao kuungá' taa sleeré' kaa sií'. Kuungá' ti paratle' dir'ine.

1 Korinto 5:11

Ala aníng gár naa gooiím a tí, ma dinku'uumisaara' nee heé ta babay Krishaanmo, ala laatí inós a fuqusmo, laqaá qahusmo, laqaá heé munguaá hatlá' haratlintaatií', nee laqaá heé múk /ooslisliím, laqaá oonitusmo, laqaá fisusmo. Ala heé adoorí mu ya/aamara' tam tawa al/ayiinda' nee inós.

Efeso 5:11

Ma aldinku'uumisaara' nee mukdá' tlehhema'aá giwtír tlehhiít. Ala tlehhemi'iidá' na geehhooeesaak.

Geehhoeemaá 18:4

Aníng afór hatlá' ngiri axaás ar gawaá dooraá daahh. Afoorí i kat, «Muk'eé', kuungá' ti'iité' baraawose, as ma dinku'uumisaara' nee inós baraá tlakweemaawose, nee slám as kuungá' mutunduwa muúx dinkwa nee inós.

1 SAMUELI 15:22

Samueli iri oó', «Xáy, AAKOÓ MUNGÚ ilahhooár da/a nee ilahhooár muruú ta tsu/i gan ak ló'wa slái, ta ilaiwa/amér afór AAKOÓ MUNGUHE? Qaytsiít ilaiwa/ame ka hhoo' ta ilahhooár muruú taa tsu/i, nee iialoeesa i waaráhh ta di/tá gwaandaaweero.