1 WAAWITÁ 13:6 - Biblía Axweesantá Hhohho' ar Mungú 2004

⁶ Naagáy waawutmo Yeroboamu aarusmo guri báy, «Gám na'ás, án aleefiriimáng dír AAKOÓ MUNGÚ, Munguúwoge, doóqa dakw'eé' way'aasár amor'eé' ga ya/án.» Heedaáduú Mungú, AAKOÓ MUNGÚ guri firín, dákw waawutmo way'aasár amoorós gay ya/án, iri adoodár geerií kií/.

1 WAAWITÁ 13:6 Iomraidhean Croise

1 WAAWITÁ 13:5

Kitangwdá' iri tla/aa feehhiít, nee da/aradá' iri yaamií ku'út, ar adoodá' layaadá' heé Mungú aa oó' ar axweesantá AAKOÓ MUNGÚ.

WARA'AMI 119:58

Hhooeemaawók ngi ló'wa firiím ar muunaáeé' sleémeero. Aníng gurtlawáng adoodá' kara ó'.

TI'INAANGW 10:17

Aníng kuungá' nu harhheehhe'eés, gurtlawaaré' waiika' kilose, AAKOÓ MUNGÚ Munguúhúng gwa'ararí ngi hingeesi dir'eene.»

TI'INAANGW 12:32

Bee/angwhúng nee hikwaahunge ar tlawaak, ala ti aleefiriinde', aluurén i hhooaye'.»

TI'INAANGW 8:28

Naagáy Farao iri oó', «Aníng kuungá' nu geemáw as ilahhooár muruú ta tsu/i kawa haniisár eera' dír AAKOÓ MUNGÚ, Munguúhúng baraá xaanxáy ale, ala ma ak saweesara'. Aníng aleefiriimaré'!»

TI'INAANGW 8:4

Aluuwo aamaxupaasíng iri gawaawók i tsa/aán, nee gawaá slaqwaá mukók, nee gawaá slaqwaá geeraharuuseerók.› »

TI'INAANGW 8:8

Farao Mose nee Aroni giri ateét, giri báy, «AAKOÓ MUNGÚ firiimaak as aamaxupaarí ngiwa hingeesi dir'eene nee dír muk'eene. Daqaní aníng múk Israeli u geemáw as ilahhooár muruú ta tsu/i ngiwa haniisár aya' dír AAKOÓ MUNGÚ.»

TI'INAANGW 9:28

AAKOÓ MUNGÚ firiimare', kwarara/aarí nee tluwaywuú tlaa/eewo oo AAKOÓ MUNGÚ a ido daxta. Aníng nu geemáw, ma baraakaá wa male hootara'.»

YEREMIA 37:3

Waawutmo Sedekia Yehukali garmoó Shelemia dinkwa nee kaahamusmo Sefania garmoó Ma'aseya gina ya/aáw amór aarusmo Yeremia nguwa baya', «Atén ti aleefiriin dír AAKOÓ MUNGÚ, Munguúrene.»

SEKARIA 7:2

Múk Beteli, Sharesa nee Regen-meleki nee múk hatlá' kina ya/aáw, as gurtlemuú AAKOÓ MUNGÚ nguwa firina'.

FAARO 12:13

Mose iri /aa/aá ay dír AAKOÓ MUNGÚ iwa kaahi, «AAKOÓ MUNGÚ, aníng kuúng un fiririím, hungu/uuseek.»

FAARO 21:7

Naagáy, muu iri tláy amór Mose, nguri bayé', «Tlakweema iga tleehhaán qoomár AAKOÓ MUNGÚ nee kuunge nuwa i qununu/aán. AAKOÓ MUNGÚ firiimang daysheerí ngi hingeesi.» Gawaá adoorihe Mose muu guri aleefirín.

Matayo 5:44

Ala án nu baw, wakuuserhúng sla'aak, nee kudá' kuungá' nu slahh'eemiisá' aleefiririimaak,

Luka 23:34

Yesu iri oó', «Baabá, inooín gurtlaweek, asma ar i tlehhiitiya' ngi xuiaaká.» Tlabaawós kiri kilooín qasmiís ar loohír tsawdo.

Tlehhema'aá ya/Abuuse 7:60

Iri tumbarara'aát iri tseé' ar afór ur, iri oó', «Aáko, tlakweemaaká' mi daanduuín i faaraar.» Adoorí ooaro ngiwa hhe'eés, iri gwaá'.

Tlehhema'aá ya/Abuuse 8:24

uduú qwaslaarmo iri oó', «Án aleefiriimaaré' dír Aakoowo as muruusíng sleémeero naa aníng i katé' iwa pa/i.»

Rumi 12:14

Mukdá' kuungá' nu slahh'eemiís, tsuuqumaak. Kuungá' tsuuqumé', ala ma lu'umisaara'.

Rumi 12:21

Kuúng tlakweema muwa ar ba/iyé', ala kuúng tlakweema na ar ba/eek ar hhooeema.

Geehhoeemaá 3:9

Ga/aaweek, mukko i deer oo Neetlángw eeharahár. Inooín ta kaahi atén a múk Yahudi, ala laatí a loeká, ala inooín a lamuuse. Aníng mukwí ngu /uurutís as iwa amoorók i hardihi, nee iwa tumbarara'aati dír geeraawók i alé, as inooín ngiwa tsaahhiya' adór aníng kuúng ur slaá'.

1 SAMUELI 12:19

Muu sleémeero Samueli kuri báy, «Ti aleefiriin, ataá lawaaleerók dír AAKOÓ MUNGUHE, Munguúwók, as mawa qatlaán, asma tlakweemaarén iga doogaán, sleémeero ar tlaákwarí waawutmo kuwa gurií ba/aán.»

1 SAMUELI 12:23

Tam adoorihe amór bartá aninge, aníng AAKOÓ MUNGÚ muwa tlakweemií tleéhh ar kuungá' nuwa maw aleefirooro, ala nun intsaahhatís baraá lohaá hhoe nee awa ganaa'ae.