1 WAAWITÁ 13:22 - Biblía Axweesantá Hhohho' ar Mungú 2004

²² Ala kuúng nina amoorí kí/, muruú /ayma kway /ák, nee ma'aá diirí kiri wát.› Aáng tuna báy, ‹Ma /ayiimaar, laqaá ma'aay mi wahaar.› Gawaá adoorihe, slaqwtók ka fooliká baraá /antaá baabi'iiwók.»

1 WAAWITÁ 13:22 Iomraidhean Croise

1 WAAWITÁ 13:21

Inós heedaáduú Mungú oo Yuda guri afór úr ar ádbáy, «AAKOÓ MUNGÚ i kaahi, ‹Kuúng afór AAKOÓ MUNGÚ aga iialooeská, nee hara'ayár AAKOÓ MUNGÚ, Munguúwók, aga otká.

1 WAAWITÁ 13:23

/Aymaro tawa hhe'eés, aakooduú aarusmo daqwaay gway amohhe'eés as heedaáduú Mungú, iri tláy.

1 WAAWITÁ 13:30

Inós tuuaadár heeduú Mungú gari foól baraá /aantaarós, inós nee daaqaywós ngway satsuunqumisiyé' tawa kaahi, «Ooyeé! Hhiyaaeé'!»

1 WAAWITÁ 14:13

Múk Israeli sleémeero i tsuunqus as inós nee kway fool, ala a kwí kilós oo ta fooli doó Yeroboamuwo, asma inós gár AAKOÓ MUNGÚ, Munguú múk Israeli nguwa sla'atís i deer.

Geehhoeemaá 11:9

Afiqoomár deelór tám nee tlaqto, muu tu'uuká' kiri didá' wa ara'ar. Mukwí amór i dahhi a baraá umuúqo mar'afto nee tlahhaywo nee tsifriro nee xooro. Nee mukwí ta ya/anká tu'uuín kiwa fooli.