1 WAAWITÁ 13:21 - Biblía Axweesantá Hhohho' ar Mungú 2004

²¹ Inós heedaáduú Mungú oo Yuda guri afór úr ar ádbáy, «AAKOÓ MUNGÚ i kaahi, ‹Kuúng afór AAKOÓ MUNGÚ aga iialooeská, nee hara'ayár AAKOÓ MUNGÚ, Munguúwók, aga otká.

1 WAAWITÁ 13:21 Iomraidhean Croise

IIMU/UUNGW 3:7

Naxés inooín tsaraawo ilaaín kiri gwa/atís, tiri tsaahhiyé' adór inooín tar /aankwets. Loo/ór puunganí kari hiriít tlabaá wa alé.

2 SAMUELI 24:13

Gadi iri daqáy amór Daudi, kaangwí guri ooár áy, guri báy, «Xáy, gár ta sla' a giyér kureeraá faanqw nin tleéra baraá yaamuuwoge? Laqaá kuúng wakuuseerók an ilagwaagóp slahheeraá tame, iwa kuúng slakaatiya'? Laqaá baraá yaamuuwoge tiqtír tlakw nin ti'ít ar pu/i deelo tám? Kaangwí alqaytsiteek, daqaní ngu mu/aywáts kángw ni ooár aw amór kudá' aníng iga ya/aaw.»

2 SAMUELI 6:7

AAKOÓ MUNGÚ iri buúhh, Usa guri didií slaáhh as meetagaasár aa tleéhh, Usa iri gwaá' didár kilár bihhaá sandakmoó Mungú.

1 WAAWITÁ 13:17

asma AAKOÓ MUNGÚ ina báy, ‹Muruú /ayma mu /ayaar, laqaá ma'aá yaamuuká' mi wahaar, tam loohír tara daqeér mar ki/aar.› »

1 WAAWITÁ 13:20

Qoomár tawa /ayin axweesantá AAKOÓ MUNGÚ aakooduú aarusmo gari axaás.

1 WAAWITÁ 13:22

Ala kuúng nina amoorí kí/, muruú /ayma kway /ák, nee ma'aá diirí kiri wát.› Aáng tuna báy, ‹Ma /ayiimaar, laqaá ma'aay mi wahaar.› Gawaá adoorihe, slaqwtók ka fooliká baraá /antaá baabi'iiwók.»

1 WAAWITÁ 20:36

Inós guri báy, «Asma kuúng afór AAKOÓ MUNGÚ iialooeesaro kawa sí', hám daxta, bara diirí wa tleér, kuúng diraangw un oh.» Nee hamtidár kilae iwa didá' wa tláy, nee diraangw tari doogiyé', kuri óh.

ESTA 6:13

Naagáy Hamani hareerós Sereshi nee mulqeerós gay kangwdá' i alki/iít sleémeero kudá' gwa slay. Mukós kuduú sagalooár koóm nee hareerose nguri bayé', «Ala bar Mordekaisíng uray gwaa sláy, slamí inós a heé Yahudi, kuúng a alesleeraaká nee heesíng tiwa tlaampa'asa', kuúng kangók i kaahh.»

YEREMIA 2:19

Tlakweemahúng awa kilá' kuungá' nu muxiyá', nee kuungá' lo'o nu eér as aníng iwa geexeeré'. Gimsé' xuaak, ka ló'wa tlaakw nee a gár slahh'eemiis, anuú AAKOÓ MUNGÚ, Munguúhúng, bira geexeeré', nee ilaiwa/amer'eé' bara hingesé' baraá muunerhunge. Anuú Aakoó MUNGÚ Aleesleemusmo tí ngina oó'.

TLAHHOÓ LAÁWI 10:3

Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.

FAARO 20:12

Ala AAKOÓ MUNGÚ Mose nee Aroni giri báy, «Asma kuungá' aníng iga haratlinti'ii'iiká laqaá hhohhoaarir'eé' aga laqaandi'iiká dír geeraá múk Israeli sleémeero, daxta kuungá' mukwí u dahasa'aaká baraá yaamuudá' naa lo'ór wa /aáy ngiwa inooín i haniis.»

FAARO 20:24

«Aroni i gwaa', i dahiiká baraá yaamuudá' ni dír múk Israelírí haniis, asma kuungá' tsaraawo hara'ayar'eé' ana sié' baraá Meribaro.

Geehhoeemaá 3:19

Mukdá' sleémeero aníng ni slaa' un iigahhamiít nee un muúx. Gawaá adoorihe kuúng ilakaaharu tleehheek, hhu'u'uúm.

1 SAMUELI 15:19

Ahaá a milá ala afór AAKOÓ MUNGÚ masa ilaiwa/iká? Waáy gár taa hara/akút mas haasaáng, tlakweema kiri tléhh dír geeraá AAKOÓ MUNGUHE?»

1 SAMUELI 4:18

Eli kángw sandakmoó alqadór Mungú nguwa sangw axaás, iri gawaá kitaangós wa alií /aangalaa'aát, dír tliinta, istós iri qét, iri gwaá', asma inós a aakoó aa din, slamí aa wahhaár. Inós múk Israeli guna har'ohín kureeri mibeeri tsiyáhh.