1 WAAWITÁ 13:19 - Biblía Axweesantá Hhohho' ar Mungú 2004

¹⁹ Naagáy, heedaáduú Mungú nee aakoodá' niri alki/iyé', iri /ayín, nee ma'aay giri wáh doó aakoodá' wa aleero.

1 WAAWITÁ 13:19 Iomraidhean Croise

IIMU/UUNGW 3:6

Naxés /ameeni gana aán mamaá xa'anoodá' kúto' i tsuuiyá' /aymaaro, slám ki hhohho' ngiwa ga/eer ilaawo, nee ki hhoo' as iwa sagalooár huwiya' biringa /ák. Maamár xa'anoowí gari bú', gari /ák, gari hhawaatuuwós i hanís, inós sleeme gari /aáy.

1 WAAWITÁ 13:18

Aakooduú Beteli iri oó', «Aníng a aarusmo adór kuúng wa alé, AAKOÓ MUNGÚ nee aníng aga axweesaán ar loohír malaykamoowós ina báy, ‹Heesíng ki/isang amór do'ók, muruú /ayma ngu /ayi nee ma'aay ngi wahi.› » Ala aakoodá' heedaáduú AAKOÓ MUNGÚ gun tawó al/agín.

1 WAAWITÁ 13:20

Qoomár tawa /ayin axweesantá AAKOÓ MUNGÚ aakooduú aarusmo gari axaás.

1 WAAWITÁ 13:9

Asma AAKOÓ MUNGÚ ina báy, ‹Ma /ayiimaar laqaá ma'aay mi wahaar, slám loohidá' nira daqeér mar watlaar.› »

Tlehhema'aá ya/Abuuse 4:19

Ala Petro nee Yohane tari oó', «A hariimáro dír geeraá Munguhe, kuungá' nuwa iiárií qaasaan ta Munguhe, kangwsíng kuungá' kiloohúng tsataak.

DABE 13:1

«Barnaxes aarusmo naa ti'iít tla/angwhunge, laqaá heé tlatitiím, nee oo laydaá tlehhiít, laqaá muruú waa/oo/amór dimbadimbé,

DABE 13:3

axweesanoó aaruusér adór tí mu iiárií qaasara', laqaá heé adoorír tlatitiím mu iiárií qaasara'. Asma AAKOÓ MUNGÚ, Munguúhúng inooín gin ar gadiyuus as kuungá' nuwa iiari, as inós ngiwa xu'utír wa slai, áx kuungá' inós u ló'wa sla'á'a ar munerhúng sleémeero nee qeereemoohunge.

DABE 13:5

Ala aaruuseedá' sleémeero nee mukduú tlata sleémeero un tsu/á', as lameemo nee al/ayma ngiwa axweesiyá' daanduú AAKOÓ MUNGÚ, Munguúhunge, kudá' kuungá' naa baraá yaamaá Misrír wa duux, nee naa baraá lawaali'iimár wa tuu/. Aaruuseedá' kuungá' nun qwaareemís baraá loohidá' AAKOÓ MUNGÚ, Munguúhúng naa kuungií hara'ayín kawa ota'. Adoorí an adoodá' tlakweema kir hingesa' baraá tla/angwhunge.

DABE 18:20

Ala aarusmoó axweés ar umuú munguaá hatlá', laqaá oo umuueénár axweés slám aníng ugwa ádbawiika, arusmoowí in gwaa' sleeme.