1 WAAWITÁ 13:18 - Biblía Axweesantá Hhohho' ar Mungú 2004

¹⁸ Aakooduú Beteli iri oó', «Aníng a aarusmo adór kuúng wa alé, AAKOÓ MUNGÚ nee aníng aga axweesaán ar loohír malaykamoowós ina báy, ‹Heesíng ki/isang amór do'ók, muruú /ayma ngu /ayi nee ma'aay ngi wahi.› » Ala aakoodá' heedaáduú AAKOÓ MUNGÚ gun tawó al/agín.

1 WAAWITÁ 13:18 Iomraidhean Croise

IIMU/UUNGW 27:24

Guri malé yaahaás, «Kuúng aqo tsuwa garmaaeé' Esáwúwo garmaaeéne?» Inós iri oó', «Eeít».

IIMU/UUNGW 3:13

AAKOÓ Mungú /ameenidá' gari báy, «Gaarí a milá kiíng taa tléhh?» /Ameenidá' iri ó', «Dayshamo aníng ina al/aáy, ngiri /aáy.»

1 WAAWITÁ 13:19

Naagáy, heedaáduú Mungú nee aakoodá' niri alki/iyé', iri /ayín, nee ma'aay giri wáh doó aakoodá' wa aleero.

1 WAAWITÁ 20:35

Heé wák baraá eeharusér aaruuseero hhiyaawós guna báy, «Aníng slahháng na'ás,» Asma kuna adoorír hara'ayín nee AAKOÓ MUNGÚ. Ala heedaádá' iri sií' slahhto.

1 WAAWITÁ 22:22

AAKOÓ MUNGÚ iri oó', ‹Adór kur al/ak a adoomá?› Inós iri oó', ‹Aníng an tláw aaruuseerós sleémeero ngay lamuuse tleéhh.› AAKOÓ MUNGÚ iri oó', ‹Kuúng al/aymaro u aleesleér, tláw, adoosíng tleehheek.›

AXWEESANOÓ SAGALOOA 12:19

Axweesantá ló' i baloó qwatká. Ala axweesanoó lama oo qoomár niina.

AXWEESANOÓ SAGALOOA 12:22

AAKOÓ MUNGÚ heé lamusmo gu waak. Ala mukdá' sleémeero oo inkihhimúr hoót gun saqwalalaa/.

AXWEESANOÓ SAGALOOA 19:5

Lamabu'usmoó lamusmo ku pa/asiiká muxtaaro, tam heé lamusmo gar /uyká.

ISAYA 36:10

Tam adoorihe kuungá' kawa xua' aníng ninaqo tawó daqáwi, dákw Mungú iri kaahh dir'eene oo yaamuuká' ngiwa hhaamiis? Xuaak AAKOÓ MUNGÚ aníng ina báy, «Tláw yaamusingá' i haratlaweek ki hhaamís.› »

ISAYA 9:15

Sage an bariisér ilaiwa/amér koom, hhayshe an aaruuseedá' lamtá intsaahhatimisá'.

YEREMIA 23:14

Ala baraá aaruusér Yerusalemuro xisluú dae tlaáq ugwa ár. Inooín in fuquusiyá' nee i /aysenaá tlaaqiyá', mukdaádá' tlakweemaá tlehhiít ngun muunií qaminá', as adoorí heé tlakweemaá mamáw i kaahh. Inooín sleémeero dir'eene an adór múk Sodoma, yaamuloouuser'ín a múk tlákw adór múk Gomora.»

YEREMIA 23:17

AAKOÓ MUNGÚ i kaahi, «Inooín i lakiitiaaká mukdá' axweesante'eé' ga waaqaqaá' nguwa babaya', ‹Gár tlaakw ar nu slaw i káhh.› Nee umuúqo heewo oo sagagawduuwós gu eeharaahár ngun babaya', ‹Gár tlaakw ar u slaw i káhh.› »

YEREMIA 23:32

Eeít, anuú AAKOÓ MUNGÚ a kah, ‹Aaruuseedá' a i haraatláw, tidá' tlataaín awa lamtá aaririim dír muk'eé', nee muk'eé', ngwa qwaareesiyé' ar lamtaín, nee tlooraaín. Ala aníng iga ya/aawiiká, nee sleeme gár ngaa báw i káhh.› Gawaá adoorihe, gár mukwí nguwa gaa buiya' i káhh, Anuú AAKOÓ MUNGÚ tí ngina oó'.»

YEREMIA 29:31

«Ya/abtoorí huweek dír muu sleémeero kuduú baraá looháy dirií', Anuú AAKOÓ MUNGÚ daanduú Shemaya oo Nehelamuwo a kah, ‹Shemaya ina kilós aariirín aníng ngwa ya/aawiiká, nee kuungá' lamtós kari haratlintié'.›

YEREMIA 29:32

Gawaá adoorihe, anuú AAKOÓ MUNGÚ a kah, ‹Shemaya oo Nehelamu u slaáhh dinkwa nee xwaylarose. Dír xwaylarose oo slafíngwí meét i kaahh tam oo wák oo diihhooadá' ni muk'eé' tleehh ga ár.› Asma muk'eé' nguna dukiyé', anuú AAKOÓ MUNGÚ iwa si'iya', anuú AAKOÓ MUNGÚ tí ngina oó'.»

YEREMIA 5:12

Inooín lama ngaa tsatiyé' daanduú AAKOÓ MUNGUHE, nari ooiyé', «Atén gár ti /iisi i káhh, gár tlaakw ar atén ti slaw i káhh, laqaá tam slaqwara ti sleeraaká, laqaá giyeé.»

YEREMIA 5:31

Aaruuse i lamtá aariiriín, kaahamuusér Mungú muu gun geeraharaahát ar sager'ín, slám muk'eé' adoodá' ga slaa'. Ala alhhe'eesoó tí birna xáy, adór ta /isa' a adoomá?

ESEKIELI 13:22

«Kuungá' múk hota ganaá' ugwa daba' tlaqé' ar lameemoohúng, oo aníng naa diqiya' tsatiiká, nee múk tlákw kuri /uurií hanisé', tlakweema tlehhtuuwo tari kumiít, nee slafingw'ín kuri ba/amisiiká.

ESEKIELI 13:8

«Gawaá adoorihe anuú Aakoó MUNGÚ a kah, ‹Axweesantahúng a al/ayma nee iigu'utuhúng a lamtá tawo. Gimsé', aníng nee kuungá' ti araán. Aníng Aakoó MUNGÚ tí aga oó'.

FAARO 22:35

Ala malaykamoó AAKOÓ MUNGÚ Bala'amu guri báy, «Tláw nee mukwí, ala gár ta o' a tidá' kilós ugwa báw.» Naagáy, Bala'amu tari alkumiít aaiwo dinkwa nee geeraharuusér Balaki.

Matayo 24:24

Asma kristo lama nee aaruusér lamuuseero ni ti'iitiyá' Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Matayo 7:15

«Ti harmagahhe' dír aaruusér lamuuseero, inooín birni amorhúng kayá' tlabaá bee/aangw nga tsiitiyé', ala laatí baraaine a taweruú xaraásl.

Rumi 16:18

Asma múk adór kwí Aakoorén Yesu Kristo gu sagadiyuusiiká, ala a gur'er'ín kilós kan sagadiyuus. Inooín múk hhaawuuse ngun al/aginá' ar axweesanay'ín oo tsatsaa'arén nee oo sla'atimís.

2 korinto 11:3

Ala aníng a daimiít as kuungá' tunduwa al/ayi baraá inslawayhunge, tam kuungá' sla'aarirhúng tidá' ur ar hhoohhoo' ar Kristo kuwa sla'a' kari geexeerá', adoodár dayshamooduú al/aymusmo aáng Hawa ngira al/aáy.

Galatia 1:8

Ala bar atén laqaá tam malaykamoó gawaá dooraá daáhh barnaxes ya/abtór hho' ar hatlá' nga alki/iít, ar nee tidá' atén naa alki/iitaán ti slaslaawa'aaká, inós ku lu'usi.

1 Timoteo 4:1

Qeeruú hhoohhoó' oo Mungú adoorí gaa ló'wa xu'utís adór qoomaadár alhhe'eesaay binda hardát, muu ir deér oo haratlintaao ga máw. Inooín qeeremaá al/agiimá' kin iiárií qamín, nee intsaahhasár neetlaame.

1 Timoteo 4:2

Intsaahhasarí amór i dahh a amór mukduú lamuuse. Afoodá' hho' ar baraá muner'ín aa hhitirút adór gár taa daá/ ar muqslír da/a/aam.

2 Petro 2:1

Ala tam qoomaadae sleeme aaruusér lama i deer baraá tla/ángw muko. Tam baraahunge sleeme intsaahhatuusér lama i hardát. Inooín intsaahhasár hhiita ngin dahaasiyá' ar baraá naaqo, tam Aakoodá' inooín gaa tlaaxw nguri sa tlaankiyá'. Gawaá adoorihe inooín tin baraá qwanáy harakeemisiyá' ar adoorí.

1 Yohana 4:1

Sla'aaruúse, umuú gár ta kaahi ma haratlintatiaara', ala alqaytsitaak, áx amór i dahh a amór Mungúhe. Asma aaruusér yaariir ar lama naa ti'ít.

Geehhoeemaá 19:20

Makiito'oodá' kari óh dinkwa nee aarusmooduú lama. Aarusmoowí a kudá' tlehhema'aá waa/oo/amo gaa tlehhiit geeraá makiito'oodá' wa ale. Nee slám inós muu guna al/agín ar tlehhemi'iiwós kudá'. Múk taa al/aáy a kudá' layár makiito'o gaa ilaoh nee oo murslaaqatuú makiito'oodá' gwa i tumbarara'aat. Kuká' tsaraawo kiri slafi kwaáhh baraá tlawtadá' asla iwa ohahiin ar kiberiíti.

HAR'OHUUSE 13:3

Looarka wake malaykamoó AAKOÓ MUNGÚ gana i hardáh gari báy, «Ga/aaweek kiíng aáng a kampeeri, na/ii i koondaaká, ala hamí daxta a tsít na/oó garma u sleér.