1 WAAWITÁ 13:1 - Biblía Axweesantá Hhohho' ar Mungú 2004

¹ Looarka wake Yeroboamu iwa sihhiít dír bihhaá kitangwduú ilahhooa, kudá' mooyángw tsuú' kuwa da/aa/an, as mooyaangw nguwa da/i, heé Mungú oo yaamaá Yuda daáhh ina hardáh dír Beteli. Heewí i ya/abtór AAKOÓ MUNGÚ kón.

1 WAAWITÁ 13:1 Iomraidhean Croise

1 WAAWITÁ 12:22

Ala Shemaya heé Mungú axweesantá Mungú gari axaás, i kat,

1 WAAWITÁ 13:26

Qoomár aakooduú aarusmo oo heeduú Mungú gwa amór do'ósí ki/is kangwdá' nguwa axaás, iri oó', «Heesíng a heedaáduú Mungú oo axweesantá AAKOÓ MUNGÚ gaa iialooeesiiká, gawaá adoorihe, Mungú guna diraángwí tleés as nguwa oohi, guri feehhamiís ar adoodá' axweesantá Mungú ngwaa beér.»

1 WAAWITÁ 13:32

Asma axweesantadá' sleémeero aa káh ar AAKOÓ MUNGÚ aa oó', daanduú kitangwduú ilahhooa oo Beteli nee maraá taa tleéhh baraá gongoamaá Samaria, ar looeemaawo tí i bó/.»

1 WAAWITÁ 13:5

Kitangwdá' iri tla/aa feehhiít, nee da/aradá' iri yaamií ku'út, ar adoodá' layaadá' heé Mungú aa oó' ar axweesantá AAKOÓ MUNGÚ.

1 WAAWITÁ 13:9

Asma AAKOÓ MUNGÚ ina báy, ‹Ma /ayiimaar laqaá ma'aay mi wahaar, slám loohidá' nira daqeér mar watlaar.› »

1 WAAWITÁ 20:35

Heé wák baraá eeharusér aaruuseero hhiyaawós guna báy, «Aníng slahháng na'ás,» Asma kuna adoorír hara'ayín nee AAKOÓ MUNGÚ. Ala heedaádá' iri sií' slahhto.

2 WAAWITÁ 23:15

Tam adoorihe kitangwduú ilahhooa, kuduú Beteli oo gawaá gongoamo oo Yeroboamu garmoó Nebati, kudá' múk Israeli gwaa baraá tlakweemií dahaas, aa tleéhh, guna feé/, wa/eeridaá ilahhooa awa gawaá gongoam' gana feé/, tlaa/eewós giri naasúy adór teeri, slaqsa'aá Ashera giri daá/ ar asla.

2 WAAWITÁ 23:17

Waawutmo iri oó', «Garqár dirqá' ar milá?» Múk gixsadá' tari oó', «A /aantár heé Mungú, kuduú Yuda, kudá' tí kuúng ta tlehhit gawaá kitángw ilahhooa oo Beteli nga geerií aarin.»

2 QOM'I 26:16

Qoomár Usia /uuru nguwa sláy, iri daara/uút, daara/angwdá' guri amór qwanáy huúw. Iri dee/anuút dír AAKOÓ MUNGÚ, Munguúwose. Iwa dáh baraá Doó Mungú ina tsabín mooyángw tsuú' nguwa da/tá wa slai dír kitangwduú ilahhooa.

2 QOM'I 26:18

ngway ilaa/iyé' mooyaangw da/to, ngway bayé', «Gaarí a gadiyeérogeeká, Usía, AAKOÓ MUNGÚ kuwa mooyángw i da/. Gaarí a gadiyér kaahamuusér Mungú ar tlahhoó Aroni, an mukdá' taa paraátl gadiyeérí wa alé. Diirí ka hhoohhoo', diirí geexaweek. AAKOÓ MUNGÚ ugwa sadakús, ilaiwa/amér ta sleer i káhh dirose.»

2 QOM'I 9:29

Tlehhma'aá waawutmo Solomon iimír iimu/uungw ay alhhe'eesaay kaa gooín baraá kitaábuú «Alki/ituú aarusmo Natani», nee kitaábuú, «Aaru'uumár Ahiya oo Shilo», nee baraá kitaábuú «Iigu'uutuú Ido», handá' sleeme daanduú Yeroboamu garmoó Nebati kwaa baraadá' i gooín.

YEREMIA 11:12

Naagáy múk gixsadaá Yuda nee yaamuloouusér Yerusalemu tari tláy dír munguiidá' naa ilahhooár mooyángw tsuú' i da/aa/ané', ala munguiidá' inooín ngi ba/amisiaaká baraá slahh'amuine.

YEREMIA 25:3

«Iimír kurkú mibaá nee tám oo waawuti'iimár Yosia garmoó Amoni, waawutmoó Yuda, ay laarí, kureeri a mibeeri tsár nee tám, baraá kureeriikae aníng axweesantá AAKOÓ MUNGÚ ana axmaamiís nee umuúqo looár tlawa ngin dirhúngí aaiím ala kuungá' a axmaamisa'aaká.

YEREMIA 32:29

Múk Kaldayo kwí gixsarí ga i slaáqw, nin hardah, gixsa kari ásltí qaas, dinkwa nee maraydá' gawaá daáriro tawa mooyángw da/aa/an dír munguúdá' ta bay Ba'ali, nee ilahhooár difaái kawa tsiririximisi dír munguaá hatlá', as aníng tiwa mune duuxi.

AMOS 7:13

Ala ma malé ki/aar tawa aaririin diirír Beteliro, asma diirí an didá' hhoohhoo' ar waawutmo, slám diirí a doó saalíngw waawuti'iimarí.»

AMOS 7:16

«Gimáy, daxta axweesantá AAKOÓ MUNGÚ iiárií qaaseek, kuúng a kat, ‹Ma aaririimaar daanduú múk Israeliwo, tam dír xwaylár Isakawo ma dahareemisaar.›

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

FAARO 16:40

Gaarí an gurbu'utá múk Israeli, hee bar a kaahamusmoó xwaylár Aroniwooká, miwa daqáy dír kitángw AAKOÓ MUNGÚ kuwa ilahhooár mooyángw tsuú' i da/a/an. Bar adooriheeká aqo kun qwaarees, ar adoodá' Kora nee mukós kira hhaamiís. Adoorí sleémeero ina tleehharút adoodá' AAKOÓ MUNGÚ Eleasari ngura ádbáy ar loohír Mose.

1 Tesalonike 4:15

Atén kaangwí ta kaahaan a kudá' Aako aa oó', ateéká' slafá' bál Aako binda kií/, atén a giirimanaaká dír mukdá' aa qatli.

Geehhoeemaá 8:3

Malaykamoó hatlá' niri hardáh iri sihhiít dír geeraá kitángw ilahhooa. Inós xooslmoó sahaábu gu kón oo muruudá' mooyángw tsuú' koóm ku i da/a/an ilahhooár wa ale. Muruudá' mooyángw tsuú' koóm oo yaariír kuri inós i haniís, as nguwa haragaasi dinkwa nee firór múk hhohhó' oo Mungú, gawaá kitángw ilahhooa, kuduú sahaábu. Kitaangwí i dír geeraá kitángw aleesleemu.

1 SAMUELI 2:27

Looár wake heeko Mungú iri amór doó Eli káy, guri báy, «AAKOÓ MUNGÚ i kaahi, ‹Aníng tina xu'utís dír doó baabuúwók Aroni, qoomár tawa baraá Misrírí dirii'i, tawa lawaalér Farao.

1 SAMUELI 9:6

Ala sagadiyusmoodá' Saulo guri báy, «Qaytsiít, baraá gixsarihe heé Mungú i deer, inós a heé ta ilaiwawa/i, sleémeero ar i ooi a looeema. Góh amorqá', dooqa inós kángw aairén kuká' ngu oo'.»