1 WAAWITÁ 12:16 - Biblía Axweesantá Hhohho' ar Mungú 2004

¹⁶ Ala muu sleémeero oo Israeli ngiwa axaás adór waawutmo ngira gaárí xuiiká, ngway bayé', «Atén nee doó Daudi alqaati a koomanaaká, gár ta koomaan dír garmoó Yesewo i káhh. Kuungá' múk Israeli, umuú heewo i watli amór do'ós i ale. Kuúng Daudi, do'ók kilók amohhe'emiseek.» Naagáy múk Israeli iri waátl sleémeero amór maray'íní ale.

1 WAAWITÁ 12:16 Iomraidhean Croise

2 SAMUELI 15:13

Ya/abusmoko ina amór Daudi káy, guri báy, «Abosalomu múk Israeli gwaa sage hayóh bartós.»

2 SAMUELI 16:11

Slám waawutmo Daudi Abishai nee sagadiyuuseerós sleémeero giri báy, «Barnaxes na/ay'eé' oo kilá' slafingw'eé' gun slakaat, xáy, heé tlahhoó Benyamini mi máy? Kuungá' mawaak, aníng i lu'usi, asma AAKOÓ MUNGÚ gwaa adoosíng báy, aníng iwa lu'usi.

2 SAMUELI 20:1

Heeko wák i daadeer oo al/aymusmoó oo ló'wa tlaákw baraá yaamaá Gilgaliro. Umuuwós a Sheba, garmoó Bikri, heé tlahhoó Benyamini. Sheba tarumbeéta gana ufaáhh, iri oó', «Daudi nee atén gaa a milá. Garmoó Yese gár kuwa koomaan i káhh. Kuungá' múk Israeli, umuú heewo i ki/i amór heémarós.»

1 WAAWITÁ 11:11

Gawaá adoorihe AAKOÓ MUNGÚ Solomon guri báy, «Asma kuúng alqador'eé' kawa otká nee kaahir'eé' tidá' ugwa bawi, ar looeemaawo, aníng waawuti'iimar'eé' a /uútl, ngiri haniís dír sagadiyusmoowók.

1 WAAWITÁ 11:13

Tam dír garmaawoge waawuti'iima hingeesaro a faakaaká, ala garmaawók u tlahhoó wák i geexáw as sagadiyusmooeé' Daudi, nee as gixsar'eé' ar Yerusalemu, tidá' aníng naa tsawaár.»

1 WAAWITÁ 11:34

Tam adoorihe aníng waawuti'iima a hayohaaká gawaá dabaawose, ala án ugwa waawutmoó wa qaás baraá hotaawós sleémeero as Daudi, sagadiyusmooeé' kudá' naa tsawaár, kudá' hara'ayar'eé' gaa oh nee kaahir'eene.

1 WAAWITÁ 11:35

Ala waawuti'iima a hayóh gawaá dabaá garmaawose, tlahh'aá mibaangw ngiri kuúngií haniís.

1 WAAWITÁ 11:36

Garmaawós kwí Solomon, aníng u tlahhoó wák i haniís, asma qooma sleémeero xwaylár sagadiyusmooeé' Daudi tlahhaywí nguwa sawaawuti'iin baraakaá Yerusalemúr wa alé, nee inós masók a gwa/aateema baraá gixsár Yerusalemu ar aníng naa tsawaár as tawa dír aníng tiwa sluufmiisi.

1 WAAWITÁ 11:39

As tlakweemaá Solomon aníng xwaylár Daudi a muúx, ala a daqisleemeeká.› »

1 WAAWITÁ 22:17

Mikaya iri oó', «Múk Israeli sleémeero ugwa ár aa diya/aát gawaá tlom'i adór bee/ángw de'eemusmoó koomaaká. AAKOÓ MUNGÚ i kaahi, ‹Mukwí i geeraharusmoó konká, umuú heewo i watli amór do'ós ar wayda.› »

1 WAAWITÁ 22:36

Qoomár looa iwa darat tari oó', «Umuú heewo i watli baraá gixsarós, umuú heewo i watli baraá ayaawós!»

2 QOM'I 10:16

Múk Israeli kawa tsaáhh adór waawutmo ngira gaárí xuiiká, nguri mu/aywatsiyé', «Dinku'uumár atén nee doó Daudi a milá? Aalír ta koomaán i káhh dír garmoó Yesewo. Aá múk Israeli, umuú heewo i watli amór do'ós. Aá Daudi, do'ók kilók Ga/aaweek.» Múk Israeli iri waátl amór maray'ín.

WARA'AMI 132:17

Baraadae oo wák baraá xwaylár Daudiwo un waawutmoó úr tleéhh, tsaa'asi a amohhe'eés as kwe'eé' kwí naa iimbalaáx.

WARA'AMI 76:10

Looeemaawo buhhtaá hee i warqayá' tawa xirif diroge, tam kudá' naa meetiye' buhhtaawoge u diidi'iimisiyá'.

AXWEESANOÓ SAGALOOA 15:1

Heé aa buuhh burkwa mu/aywaáts ar tsaeema buuhhtaawós gin máy, Ala afaatli/a i buhhtaá dogít.

ISAYA 7:17

AAKOÓ MUNGÚ kuúng nee mukoge, nee múk doó waawutmo sleémeero, nun slahh'amuú yaariír huuw, oo adór kuduú múk Efraimu nee oo Yuda tiwa paraatliyé' ba/a, nun waawutmoó Ashúrúrí tleés as nuwa i haratlay.»

ISAYA 7:2

Qoomár múk Yuda kuwa kaangwí báy, adór múk Aramu nee oo Efraimu tara aldinku'uumiís, muunuú waawutmo nee munér muko iri daaráx adór xaa'aá baraá gara fur'a ngir diingimaamis.

YEREMIA 33:21

daqaní alqadoodá' aníng naa tleéhh dír sagadiyusmooeé' Daudi sleeme hhitiimaro a aleesleér, tam na/oó kitaangós gu sawaawuti'iím iri qwaar, nee sleeme alqadoodá' naa tleéhh nee sagadiyuuser'eé' tidár kaahamuusér tlahhoó Laáwi.

ESEKIELI 37:16

«Heewí, xwaytsír wák taatahheek, nee /aymi'iiká' gawaawós ti gooiin, ‹Dír múk Yuda nee oo Israeli kudaá mar'eefo.› Naagáy xwatsatsír hatlá' taatahheek nee /aymi'iiká' gooimeek gawaawós, ‹Dír Yosefu (xwaytsír Efraimu) nee múk Israeli kudá' guruú doó wák.›

Marko 3:24

Nee waawuti'iima birti kilós tlaampa'aamís, waawuti'iimadá' sihhiita ga aleesleeraaká.

Luka 19:14

Ala múk baraá yaamuuwós heedaádá' kuna ló'wa aáhh, muu kuri ya/aáw kuwa eehari amoodá' inós i kay, nee tawa ooi, ‹Heewí u sla'aanaaká atén tiwa sawaawuti'i'in.›

Luka 19:27

Ala wakuuser'eé' tidá' diirí huwaare', tidá' aníng iga si' ngiwa sawaawuti'ii'iim. Nee ki dír geeraaeé' wa tsu/á'.› »

Yohana 13:8

Petro iri oó', «Kuúng ya'aaeé' i baloó hamtlaká.» Yesu iri oó', «Án bar ya'aawók i hamaatlaaká, án nee kuúng alqaati i káhh.»

HAR'OHUUSE 8:35

Slám inooín múk doó Gideoni ngwa hhooeemáy tleehhi'iiká ar adoodá' Gideoni hhooeema ngira tleéhh baraá Israeliwo.

HAR'OHUUSE 9:28

Ga'ali garmoó Ebedi iri oó', «Abimeleki a heemá? Ateéká' Shekemu a múk adoomá tam Abimeleki nguwa sagadiyuusaan? Gideoni nee Sebuli Hamori baabuú Shekemu nguna sagadiyuusiyé', asma milá atén gár Abimeleki ngus sagadiyusaan?