1 WAAWITÁ 11:9 - Biblía Axweesantá Hhohho' ar Mungú 2004

⁹ Gawaá adoorihe AAKOÓ MUNGÚ, Munguú múk Israeli, Solomon guri i buúhh, asma inós AAKOÓ MUNGÚ, Munguú múk Israeli gwaa geexáy, handá' tam AAKOÓ MUNGÚ taa sagaáwa tsár wa doogii'i,

1 WAAWITÁ 11:9 Iomraidhean Croise

2 SAMUELI 11:27

Qoomár /aa/aá Bat-sheba niwa faakiyé', Daudi iri ya/abín, Bat-sheba kawa huwi amór do'ós. Bat-sheba tari harér Daudi. Inós dír Daudiwo na/oó garma guri xwayluúr. Ala kaangwí Daudi aa tleéhh, AAKOÓ MUNGÚ guri buhhtís.

2 SAMUELI 6:7

AAKOÓ MUNGÚ iri buúhh, Usa guri didií slaáhh as meetagaasár aa tleéhh, Usa iri gwaá' didár kilár bihhaá sandakmoó Mungú.

1 WAAWITÁ 11:8

Inós sleeme /ameenaarós tidá' gari diírií tleéhh ar mooyangwdá' tsuú' kuwa da/aa/an, nee dír munguii'ín ngiwa ilahhooár muruú ta tsú/í hanmiisiya'.

1 WAAWITÁ 3:5

Nee amoodár Gibeoniro AAKOÓ MUNGÚ iri hardáh dír Solomon ar baraá tlata xweeraawo. Mungú guri báy, «Solomon gár ta sla' firiimang án ngi haniís.»

1 WAAWITÁ 9:2

AAKOÓ MUNGÚ tiri geehhooatís dír Solomon malé alé ar adoodá' tira geehhooeés baraá Gibeonír wa ale.

1 QOM'I 21:7

Ala Mungú adoorí taa tleéhh gwaa sla'atiská, gawaá adoorihe múk Israeli gway muúx.

TI'INAANGW 4:14

Aluuwo AAKOÓ MUNGÚ Mose guri i buúhh, guri báy, «Ahaá Aroni hhiyaawók kuduú tlahhoó Laáwi i káhhi? Inós axweesani ga asláy. Qaytsiít, inós hám u al'áy. Qoomár inós kuúng bura ár, muunaáwós iri qwalaa/.

AXWEESANOÓ SAGALOOA 4:23

Muunaáwók harmagaahheek ta mura' sleémeero oo ta xuunda, asma an dír kutltá slafiingw i dahh.

HOSEA 4:11

Sli'ima nee difaáír qaren, nee difaáír /aben sagalooár muu gan hingeemís.

FAARO 12:9

AAKOÓ MUNGÚ buhhtaawo iri qa/iít dir'ín, iri tláy.

DABE 3:26

«Ala aníng tina i buúhh nee AAKOÓ MUNGÚ as kuungá', iiárií qaasaro iri sií', kitaangose iri báy, ‹A ido! Ma male ki/aar axweesantisinge.

DABE 7:4

Adoorí bara tlehhé', inooín na/iihúng ki qwaarees, nee AAKOÓ MUNGÚ inooín ngu eehariaaká, munguaá hatlá' ngiri eehariyá', AAKOÓ MUNGÚ iri daa/atúy buhhtaawo, aluuwo Mungú kuungá' nu hhaamiis ar wa'aá wák.

DABE 9:20

AAKOÓ MUNGÚ Aroni sleeme guna ló'wa i buúhh, nee guri gaasár wa slaá', aníng ngway aleefiriím sleeme qoomaadae.

DABE 9:8

Tam amoodár tloomár Horebuwo, kuungá' AAKOÓ MUNGÚ una buhhtisé', inós iri ló'wa buúhh tsaxwaá nuwa hhaamisi.

2 Timoteo 4:10

Asma Dema muruú yaamu guna slaá', aníng iri geexáy, iri tláy ay Tesalonike. Kreske aa yaamaá Galatiár i tláy. Tito sleeme aa yaamaá Dalmatiár i tláy.

1 SAMUELI 15:11

«Aga gwadidiím, asma Saulo nguwa waawutmoó wa qaás, asma inós aníng iga máy eeharto nee hara'ayar'eé' gaa boo/eesiiká.» Samueli iri buúhh, iri /aa/aá áy dír AAKOÓ MUNGÚ xweera sleémeero.