1 WAAWITÁ 11:13 - Biblía Axweesantá Hhohho' ar Mungú 2004

¹³ Tam dír garmaawoge waawuti'iima hingeesaro a faakaaká, ala garmaawók u tlahhoó wák i geexáw as sagadiyusmooeé' Daudi, nee as gixsar'eé' ar Yerusalemu, tidá' aníng naa tsawaár.»

1 WAAWITÁ 11:13 Iomraidhean Croise

1 WAAWITÁ 11:14

Naagáy AAKOÓ MUNGÚ Hadadi kuduú tlahhoó waawutmoó Edomu guri wakarusmoó Solomon tleéhh.

1 WAAWITÁ 11:32

Ala inós u tlahhoó wák i geexáw as sagadiyusmooeé' Daudi, nee as gixsar'eé' ar Yerusalemu, tidá' naa tsawaár baraá tlahh'i sleémeero awa Israeli.

1 WAAWITÁ 11:39

As tlakweemaá Solomon aníng xwaylár Daudi a muúx, ala a daqisleemeeká.› »

1 WAAWITÁ 12:17

Ala múk Israeli kuduú baraá gixsadaá Yuda an mukdaádá' aa meet baraá waawuti'iimár Rehoboamu.

1 WAAWITÁ 12:19

Gawaá adoorihe, iimír baldá' ay laarí múk Israeli kiwa sawaawuti'in nee múk Yuda ngiri si'iyé'.

1 WAAWITÁ 12:20

Múk Israeli sleémeero adór Yeroboamu nira yaamaá Misri wa kií/ ngiwa axaasiyé', nguri ateetiyé' dír dinkwar'íní ale, nguri waawutmoó yaamaá Israeli sleémeero wa qaasiyé'. Tlahhoó hatlá' oo aa haragwaa' dír tlahhoó Daudi i kaahh aqo har tlahhoó Yuda kilós.

1 WAAWITÁ 8:29

Do'owí de'eemeek tlatla/aangw nee xweeraawo diirí kuúng tawa ó', ‹Diirí an dír muu umuueé' nguwa sluufmiisi.› Aníng iiárií qaasáng, bar aga diirí hardáh uwa fiririim.

2 WAAWITÁ 13:23

Ala AAKOÓ MUNGÚ múk Israeli guna gurtleemuú wa ár. Inós gina gurtleemuú wa ár asma alqadoodá' aáng aa alqadín dír Abrahamu nee Isaka nee Yakobo. Tam ay laarí múk Israeli kwa hhaamiisiiká laqaá kwa si'iiká nee Mungú.

2 WAAWITÁ 17:18

Gawaá adoorihe, AAKOÓ MUNGÚ múk Israeli guri ló'wa i buúhh, guri guús dír geeraawose. Heé taa máy i kaahh aqo har tlahhoó Yuda kilós.

2 WAAWITÁ 19:34

Eeít, aníng gixsarí a xuúm as daanduú ilaiwa/amer'eé' nee as daanduú sagadiyusmooeé' Daudi, gixsarí a xuúm nee ngiri ba/amís.»

2 WAAWITÁ 21:4

Kiteeraá ilahhooa gina tleéhh baraá Doó AAKOÓ MUNGÚ didá' aáng AAKOÓ MUNGÚ iwa oó', «Yerusalemu an dír umuueé' kuwa ateeti.»

2 WAAWITÁ 23:27

AAKOÓ MUNGÚ iri oó', «Aníng múk Yuda un tlatlahhaás dír geeraeene sleeme, adór múk Israelír wa ale, gixsár Yerusalemu tidá' aníng naa tsawaár ngari sií', nee do'owí niwa oó', ‹Umuueé' ku baraaká' wa ateetín.› »

2 WAAWITÁ 8:19

Ala AAKOÓ MUNGÚ múk Yuda qwaareesaro gwaa slaiiká as sagadiyusmoowós Daudi, asma gaa qaroó alqadín doó Daudi iwa waawuti'in ay alhhe'eesay wasle.

2 QOM'I 21:7

Tam adoorihe AAKOÓ MUNGÚ doó Daudi nguwa qwaareesi gwa slaiiká, asma alqadoodá' aa oó' dír Daudi xwaylarós iwa waawuti'iin.

WARA'AMI 132:1

AAKOÓ MUNGÚ, Daudi inslaweek, baraá slahh'amaayeerós tidá' aa saqiqtlini.

WARA'AMI 132:17

Baraadae oo wák baraá xwaylár Daudiwo un waawutmoó úr tleéhh, tsaa'asi a amohhe'eés as kwe'eé' kwí naa iimbalaáx.

WARA'AMI 89:49

Aáko, sla'aarirók ar warqawaaká ar iimír qaro i amá? Aáko, al'axweesantadá' taa al'axwés ar inkihhimuuwók dír Daudi, i amá?

ISAYA 14:32

Gár hee ya/abusmoó xoordu ngur mu/aywatsi a milá? Gun bay, «AAKOÓ MUNGÚ gixsár Siyoni gaa tleéhh, nee mukós kudá' taa slahh'eemiís, dir'ín ar guwaay kaa sláy baraá gixsarihe.»

ISAYA 62:1

Har daanduú Siyoniro a baloó xaslitaaká, nee daanduú Yerusalemuro a baloó hungu/usaaká, ay dír gan'amuuwós nay geehhoouy adór gwa/aateemaá wa ale, nee ay dír ba/amarós i mitsihh adór tsaa'astá wa alé

ISAYA 62:7

Inós mu pa/aángwí hanisara' oo nur gunqaareesi, ay dír Yerusalemu ngay gawdeesi, ay dír ngay xirfayeesi baraá yaamuwo.

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

DABE 12:11

naagáy didá' AAKOÓ MUNGÚ, Munguúhúng, i tsawaari, asma umuuwós iwa didá' wa hooti, kuungá' tidá' sleémeero aníng nu baw ka didií hubá', ilahhooarhúng ar da/a, nee ilahhooarhúng ar muruú ta tsu/i, nee ilahhooár gár wák baraá muruú mibaango, nee qeemu nee ilahhooár al'axweesani tidá' handá' taa slaé' AAKOÓ MUNGÚ i hanisaro.

DABE 12:5

Ala tlawé' ay didá' AAKOÓ MUNGÚ, Munguúhúng i tsawaari baraá tla/ángw tlahhi'i sleémeero, as umuuwós kuwa xirfayeesa', nee dír hotaawós kawa tlehha', amoodá' an amór kuungá' ta keera'.

DABE 9:5

Yaamuuín kuungá' i ala'aaká as kuungá' tawa hota gana'a', laqaá munerhúng kawa hhohhó', ala AAKOÓ MUNGÚ, Munguúhúng mukwí gun geeraahúng wa gusiisín, asma inooín kiwa tlákw, nee axweesantós tidá' aa lo'ór wa /aáy dír baabi'iihúng, Abrahamu, nee Isaka, nee Yakobo gan gawdeesár wa slaa'.