1 WAAWITÁ 11:12 - Biblía Axweesantá Hhohho' ar Mungú 2004

¹² Tam adoorihe as baabuúwók Daudi tí a tleehhaaká baraá hotaawoge, ala waawuti'iimarí a hingeés baraá dabaá garmaawoge.

1 WAAWITÁ 11:12 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

IIMU/UUNGW 19:29

Ala Mungú yaamuudá' ngiwa hhitín, Abrahamu guna insláy, Loti guna hiingeés baraá yaamudae, as Loti munguwa qwaareés dinkwa nee múk yaamuudá'.

1 WAAWITÁ 11:11

Gawaá adoorihe AAKOÓ MUNGÚ Solomon guri báy, «Asma kuúng alqador'eé' kawa otká nee kaahir'eé' tidá' ugwa bawi, ar looeemaawo, aníng waawuti'iimar'eé' a /uútl, ngiri haniís dír sagadiyusmoowók.

1 WAAWITÁ 11:13

Tam dír garmaawoge waawuti'iima hingeesaro a faakaaká, ala garmaawók u tlahhoó wák i geexáw as sagadiyusmooeé' Daudi, nee as gixsar'eé' ar Yerusalemu, tidá' aníng naa tsawaár.»

1 WAAWITÁ 11:31

Yeroboamu guri báy, «Warqamaawók awa mibaangw ooheek, asma AAKOÓ MUNGÚ, Munguú múk Israeli i kaahi, ‹Qaytsiít, aníng waawuti'iima a qasiís gawaá dabaá Solomonuwo, aníng tlahh'aá mibaangw ngi kuúng i haniís.›

1 WAAWITÁ 11:32

Ala inós u tlahhoó wák i geexáw as sagadiyusmooeé' Daudi, nee as gixsar'eé' ar Yerusalemu, tidá' naa tsawaár baraá tlahh'i sleémeero awa Israeli.

1 WAAWITÁ 11:34

Tam adoorihe aníng waawuti'iima a hayohaaká gawaá dabaawose, ala án ugwa waawutmoó wa qaás baraá hotaawós sleémeero as Daudi, sagadiyusmooeé' kudá' naa tsawaár, kudá' hara'ayar'eé' gaa oh nee kaahir'eene.

1 WAAWITÁ 11:35

Ala waawuti'iima a hayóh gawaá dabaá garmaawose, tlahh'aá mibaangw ngiri kuúngií haniís.

1 WAAWITÁ 21:29

«Aga aándi Ahabu adór tira niinaweés dír geeraaeé'? Asma tiwa niinaweés ló'wa ale, aníng slahh'amaayeedá' a huwaaká qoomár inós bir slaaf, ala a qoomár waawuti'iimár garmaawose aníng doó Ahabu un hhaamiís.»

2 WAAWITÁ 19:34

Eeít, aníng gixsarí a xuúm as daanduú ilaiwa/amer'eé' nee as daanduú sagadiyusmooeé' Daudi, gixsarí a xuúm nee ngiri ba/amís.»

2 WAAWITÁ 20:17

Qaytsiít, qooma i hardát ar xosluudá' sleémeero ar baraá do'ók i dirii', nee tidá' baabi'iiwók naa burumburiyé' ay laarí, kan ar tláy ay yaamaá Babuloni. Gaa tam ar wák ar meet i káhh. Adoorí an adoodá' AAKOÓ MUNGÚ i kaahi.

2 WAAWITÁ 20:19

Hesekia iri oó', «Axweesantasír AAKOÓ MUNGÚ ta kat i qoón.» Asma inos ina baraá guruuwósí oó', «Ahaá ala, gár is tleehharutká a milá, bar baraá waawuti'iimar'eene wayda i deer nee saxremaawo?»

2 WAAWITÁ 8:19

Ala AAKOÓ MUNGÚ múk Yuda qwaareesaro gwaa slaiiká as sagadiyusmoowós Daudi, asma gaa qaroó alqadín doó Daudi iwa waawuti'in ay alhhe'eesay wasle.

TI'INAANGW 20:5

Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Mungú da/tá koóm, kudá' li/oó tlakweemaá xwayliité tidá' aníng i ahhiit gu dír na/ii'ín buú' tam ay nángw sagaáwa tám laqaá ay tsiyáhh.