1 WAAWITÁ 11:11 - Biblía Axweesantá Hhohho' ar Mungú 2004

¹¹ Gawaá adoorihe AAKOÓ MUNGÚ Solomon guri báy, «Asma kuúng alqador'eé' kawa otká nee kaahir'eé' tidá' ugwa bawi, ar looeemaawo, aníng waawuti'iimar'eé' a /uútl, ngiri haniís dír sagadiyusmoowók.

1 WAAWITÁ 11:11 Iomraidhean Croise

1 WAAWITÁ 11:12

Tam adoorihe as baabuúwók Daudi tí a tleehhaaká baraá hotaawoge, ala waawuti'iimarí a hingeés baraá dabaá garmaawoge.

1 WAAWITÁ 11:26

Yeroboamu garmoó Nebati, heé tlahhoó Efraimu oo yaamaá Sereda, inós a sagadiyusmoó waawutmo Solomon. Aayoorós a kwaalo'o, tidá' ta bay Serua. Yeroboamu sleeme ina dee/anuút dír waawutmoowo.

1 WAAWITÁ 11:29

Looarka wake Yeroboamu iwa aa'aá kay amór Yerusalemu, aarusmo Ahiya oo Shilo tari doogiyé' nee inós baraá loohi. Ahiya tlawuú /abén ngwaa tsiít. Inooín tsaraawo ta baraá xatsa.

1 WAAWITÁ 11:31

Yeroboamu guri báy, «Warqamaawók awa mibaangw ooheek, asma AAKOÓ MUNGÚ, Munguú múk Israeli i kaahi, ‹Qaytsiít, aníng waawuti'iima a qasiís gawaá dabaá Solomonuwo, aníng tlahh'aá mibaangw ngi kuúng i haniís.›

1 WAAWITÁ 12:20

Múk Israeli sleémeero adór Yeroboamu nira yaamaá Misri wa kií/ ngiwa axaasiyé', nguri ateetiyé' dír dinkwar'íní ale, nguri waawutmoó yaamaá Israeli sleémeero wa qaasiyé'. Tlahhoó hatlá' oo aa haragwaa' dír tlahhoó Daudi i kaahh aqo har tlahhoó Yuda kilós.

2 WAAWITÁ 17:15

Dabeerós eeharto ngina si'iyé', alqadoodá' aa qaás nee baabi'ii'ín nga oohi'iiká, tam adoorihe naanaqarós ngina si'iyé'. Inooín murslaaqatuú tawo nguna harahhifiyé', inooín nay lamuuse tleehhitiyé', slooír xoordaá hatlá' awa yaamuudá' ngina eehaariyé', tam handá' AAKOÓ MUNGÚ ngaa bayi, «Slooir'ín ma oohara'.»

2 WAAWITÁ 17:21

Alaá AAKOÓ MUNGÚ múk Israeli nguwa paraátl dír tlahhoó Daudiwo, inooín Yeroboamu garmoó Nebati nguna tsawaariyé' waawutmooín wa ale. Yeroboamu múk Israeli guri geerahaár, AAKOÓ MUNGÚ nguwa maya', giri dahaás baraá tlakweemaá ur.

WARA'AMI 78:10

Asma alqadór Mungú ngaa oohi'iiká, ala nina si'iyé' dabeerós kawa eehari.

FAARO 14:23

ar looeemaawo, mukwí yaamuudá' naa lo'ór wa /aáy ngiwa dír baabi'ii'ín haniis ngi ariiaaká tam kudá' sleémeero aníng iga waaqaaiye' oo gi ár i kaahh.

FAARO 14:35

Anuú AAKOÓ MUNGÚ tí ngina oó', looeemaawo kuungaásingá' sleémeero aníng iga tlampa'ase' nu adoodá' taa katé' i tleéhh, kuungá' sleémeero an baraá xaanxaywí i hhaandá' nee an baraaká' i qatlá'.»