1 WAAWITÁ 11:1 - Biblía Axweesantá Hhohho' ar Mungú 2004

¹ Waawutmo Solomon /ameenár xoordaá hatlá' gari sla'atír áy. Dasír Farao gana duúx, nee /ameenár múk Moabu, nee ar múk Amoni nee ar múk Edomu, nee ar múk Sidoni nee ar múk Hiti.

1 WAAWITÁ 11:1 Iomraidhean Croise

1 WAAWITÁ 11:8

Inós sleeme /ameenaarós tidá' gari diírií tleéhh ar mooyangwdá' tsuú' kuwa da/aa/an, nee dír munguii'ín ngiwa ilahhooár muruú ta tsú/í hanmiisiya'.

1 WAAWITÁ 14:21

Rehoboamu garmoó Solomon waawuti'iimár yaamaá Yuda ngiwa sláy kureeriiwós a mibeeri tsiyáhh nee wak. Inós kureeri ngaa /aáy a mibaá nee faanqw, baraá waawuti'iimaro, baraá Yerusalemu, gixsadá' AAKOÓ MUNGÚ aa tsawaár baraá gixsadaá hatlae awa tlahh'aá múk Israeli as kuwa baraadá wa sluufmiisi. Aayoorós a Na'ama ar xoorór Amoni.

1 WAAWITÁ 14:31

Aluuwo Rehoboamu iri gwaá' kway foól baraá /antaá baabi'iiwós kudá' baraá gixsár Daudi. Aayoorós a Na'ama ar xoorór Amoni, nee garmaawós Abiya iri waawuti'ín kitaangós wa alé.

1 WAAWITÁ 16:31

Slám tam tlehhma'aá Yeroboamu garmoó Nebati gaa eehari, Ahabu Yesebeli gari duúx, dasír Etba'ali, waawutmoó Sidoni. Ahabu Ba'ali guri sagadiyuús, nee gway sluufmiís.

1 WAAWITÁ 3:1

Solomon nee Farao waawutmoó Misri mar'afi kana sláy as dasír waawutmoó Misri ngiwa duúx, gari huúw baraá gixsár Daudi, ay qoomár do'ós nguwa hhe'eés tleehhamooro, nee Doó AAKOÓ MUNGUHE, nee koo/ír Yerusalemu ngiwa harweér.

ESRA 10:44

Hhawaateeká' sleémeero /ameenár xoordaá hatlá' ngina duxuutiyé'. Inooín /ameenadá' kari guús nee na/ii'ín kudá' na laqwaalii'i.

ESRA 9:1

Muruuwí sleémeero iwa tlehharuút, múk urén aníng iri i tseewúy, ta kaahi, «Múk Israeli nee kaahamuuse nee múk tlahhoó Laáwi taa paraatli'iiká dír múk yaamuukae, kudá' muruudá' ta waki ngu tlehhaahhitá'. Múk Kana'ani nee oo Hiti, nee oo Perisi, nee oo Yebusi nee oo Amoni, nee oo Moabu nee oo Misri, nee oo Amori.

ESRA 9:2

Asma inooín nee daaqay'ine dasuú mukdá' nguna duxuutiyé'. Gawaá adoorihe xooroodá' hhoohhoo' ar Mungú taa haragasiyé' nee xoordaá hatlá', slám dabér múk urén ina giiriín baraá dakuúsarihe.»

TI'INAANGW 34:16

Daaqaywók mu dasuuín ar duuxuutmisaar, aluuwo dasuuín iri munguii'ín sluufmisuú áy, daaqayhúng sleeme kuri ta/eekw, iri munguii'ín sluufmisuú áy.

AXWEESANOÓ SAGALOOA 2:16

Sagalooa kuúng uri tú/ dír /ameenír sli'imuso'ooro, dír sli'imuso'ór axweesani tsuú',

AXWEESANOÓ SAGALOOA 22:14

Axweesanoó tsaatuso'o a adór bohóngw saáw. Heé ta sií' nee AAKOÓ MUNGÚ in baraadií /eet.

AXWEESANOÓ SAGALOOA 23:33

Muruú xuaawaslén ilaawoge u aán, nee afkoge kumbeera kiri dá'.

AXWEESANOÓ SAGALOOA 31:3

/Uuruuwók mu fúqtár awaar Tam hikwaawók mi haniisaar dír mukdá' waawitá gwa faak.

AXWEESANOÓ SAGALOOA 6:24

Kuúng uri xuún as /ameenír tlaakw muwa sleér. Uri tú/ dír dahaayo'ór harhheehhe'eemisa.

AXWEESANOÓ SAGALOOA 7:5

Daqaní kuúng u tu/iyá' dír /ameenír sli'imuso'ooro, uri ar guwiyá' dír dahaayo'ór axweesani tsuua.

TLAHHOÓ LAÁWI 18:18

Hho'ór hareerók ma baloó duuxaar, qoomár hare bir sláf, asma gaasíng ni tlaampa'aamisuú húp.

DABE 17:17

Masók waawutmo a heé tlaawoó yaariír gu sla'aaká duuxooro, as aluuwo muunaáwós mukuwa paslís nee /ameenár yaariir, iri dee/anuut. Laqaá tam peésár yaariir, laqaá sahaábuú yaariír munguwa burumburín.