1 WAAWITÁ 10:9 - Biblía Axweesantá Hhohho' ar Mungú 2004

⁹ I xirfuuti AAKOÓ MUNGÚ, Munguúwók kudá' gaa slaa' kuúng uwa qaasi waawutmoó múk Israeli wa alé. Asma AAKOÓ MUNGÚ múk Israeli gwaa ló'wa slaá' ay alhhe'eesay wasle, hám kuúng ugwa waawutmoó wa qaás, as kwasleemár ganaa' kawa tlehhit, nee hotaá ganaa'á' kiwa ar hot.»

1 WAAWITÁ 10:9 Iomraidhean Croise

2 SAMUELI 23:3

Munguú múk Israeli iri oó', tlaa/ár múk Israeli ina beér, ‹Hee bar muu ngwa sawaawuti'ín ar gan'amu, baraá waawuti'iimarose bar Mungú ngwa ilaiwaá/,

2 SAMUELI 5:12

Gawaá adoorihe, Daudi gari tsaáhh adór AAKOÓ MUNGÚ ngura waawutmoó wa qaás, nee adór waawuti'iimarós ngira gawdeés, nee adór ngira xirfayeés as mukós oo Israeli.

2 SAMUELI 8:15

Gawaá adoorihe Daudi iri waawuti'ín daanduú múk Israeli sleémeero, gari ara hhe'eés adór mukós sleémeero kur gan'amií tlehhiiti adoodá' kus hariím.

1 WAAWITÁ 3:28

Múk Israeli sleémeero kángw kwasleemarír waawutmo aa tsaát, kuri axaás, inós kuri ló'wa daimiít, asma adór sagalooár Mungú ir baraawós kana ár, asma qaa/aay nguwa tlaaqi ar gan'amu.

1 WAAWITÁ 5:7

Hiramu /aymi'iidaá Solomon ngiwa axaás ina ló'wa qwalaá/, iri oó', «AAKOÓ MUNGÚ laarí i xirfuuti, kwí Daudi gwaa garmoó sagalooár koóm i haniis gawaá daanduú múk yaariír kwihe.»

1 QOM'I 17:22

Kuúng múk Israeli ugwa mukók tléhh ay alhhe'eesay wasle. Kuúng AAKOÓ MUNGÚ aga Munguúín tleehhít.

2 QOM'I 2:11

Waawutmo Hiramu oo Tiro kangwdá' gway mu/aywaáts ar barwito'o, gari ya/aáw amór waawutmo Solomon, iri oó', «Asma AAKOÓ MUNGÚ mukós nguwa slaá', kuúng uri waawutmooín wa qaás.»

WARA'AMI 18:19

Ina ba/amís iri qaás dír wayduú koom, asma inós una sla'atís.

WARA'AMI 22:8

I kaahiya', «AAKO guna harahhiífiíke? Ala musungu gweeriiká, bar ku sla'atimis nee inós, musungu ba/amisiiká?»

WARA'AMI 72:2

Mukók ngu har'oohi ar sakwasleemár ganaa', nee narkuteerók ngi geeraahari ar gan'amu.

ISAYA 42:1

Ga/aawaak, sagadiyusmooeé' kudá' naa /uurií qaás, kudá' naa tsawaár, kudá' muunaáeé' gwaa qwal/aas. Qeeruueé' ugwa baraawós i qaás. Inós xoordu gin sakwasleemár ganaá' i huuw.

ISAYA 62:4

Kiíng ti male bayká, «Ar taa sií'.» Nee yaamuuwók ki male bayká, «Deewa'ame.» Ala tin bay, «Ar ni slaa'.» nee yaamuuwók kiri bay, «Awa taa duúx.» Asma AAKOÓ MUNGÚ kiíng ugwa sla'atís, nee yaamuuwók ki duux.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

YEREMIA 31:3

AAKOÓ MUNGÚ tina amór saáwá laqán i kaahi, Aníng kuúng una ló'wa slaá' ar sla'aarír alhhe'eesay wasl. Gawaá adoorihe aníng an kumamiít tiwa inkihhím diroge.

MALAKI 1:2

AAKOÓ MUNGÚ i kaahi, «Aníng kuungá' naa slaá'.» Ala kuungá' a kata', «Adór tira slá' a adoomá?» AAKOÓ MUNGÚ i kaahi, «Ahaá, Esau a hhiyoó Yakobowookáhe? Aníng Yakobo ugwa slaá',

DABE 7:8

Ala AAKOÓ MUNGÚ kuungá' nuna slaá' asma al'axweesantadá' aáng aa alqadín dír baabi'iihúng, an gár nusa ba/amís ar /uuruuwós kudá' úr, nee nuri baraá lawaali'iimár wa tuú/, baraá dabaá waawutmo Farao oo Misri.