1 WAAWITÁ 1:53 - Biblía Axweesantá Hhohho' ar Mungú 2004

⁵³ Naagáy waawutmo Solomon muu guri ya/aáw, nguri aweerisiyé' baraá kitangwduú ilahhooaro. Adonia iri hardáh, tiri tumbarara'aát dír geeraá waawutmo. Solomon Adonia guri báy, «Tláw, waátl amór do'ók.»

1 WAAWITÁ 1:53 Iomraidhean Croise

2 SAMUELI 1:2

Bál tám iwa xeér, heeko wák oo amoodár kitángw slaqwaruusér Saulo i dirií', ina hardáh dír Daudi. Iri tumbarara'aát geeraá Daudi, guri xirfayeemiís. Heewí tlabaawós kinga feehhamamiís, nee sagós i teerír kón.

2 SAMUELI 14:24

Ala waawutmo iri oó', «Absalomu amoosíng saaw ngiwa hooti dir'ene, i amór do'ós wa hooti. Mindiwa amoorí káy, aníng iwa ari.» Gawaá adoorihe Absalomu iri amór saáw wa hoót dír do'ós wa ale, nee waawutmo Daudi gwa ariiká.

2 SAMUELI 14:28

Absalomu ina Yerusalemúr wa hoót kureeraá ád koomá' tsár, ala tam gitsee/aá waawutmo Daudi gaa ariiká.

2 SAMUELI 14:33

Gawaá adoorihe Yoabu iri tláy amór waawutmo, axweesanaywí sleémeero guri alki/iít. Waawutmo Absalomu guri ateét, Absalomu iri hardáh dír doó waawutmo, iri huú' ar gura' dír geeraá waawutmo, Absalomu kuri ma'aás nee waawutmo.

1 WAAWITÁ 1:16

Bat-sheba ina xupú', waawutmo guri i tumbarara'át. Inós gari yaahaás, «Gár ta sla' a milá?»

1 WAAWITÁ 1:31

Aluuwo Bat-sheba iri xupú', giti gari yaamúr ót, waawutmo guri i tumbarara'át, iri ó', «Aakooeé' waawutmo Daudi i hotaatin ay alhhe'eesay wasle.»

1 WAAWITÁ 1:52

Solomon iri oó', «Barnaxes aa heé hhoó' tleehhiít tam se'eemirós ar wák i yaamií hu'uká, ala tlakweema birnga tleéhh aqo in gwaa'.»

1 WAAWITÁ 2:1

Gwa'arár Daudi niwa naká/, garmaawós Solomon guri i axweés, guri báy,

1 WAAWITÁ 2:36

Waawutmo muu guri ya/aáw Shimei kuwa ateeti, guri báy, «Do'ók tleehheek baraakaá Yerusalemu, ta baraadá' wa hót, ló' ma baloó ti'iitaar tawa amór hatlá' keer tam amoomá.

AXWEESANOÓ SAGALOOA 24:21

Garmaaeé', AAKOÓ MUNGÚ nee waawutmoowo ilaiwawa/eek, mukdá' amoowásl mu aleealuusaar.