1 WAAWITÁ 1:39 - Biblía Axweesantá Hhohho' ar Mungú 2004

³⁹ Amoodae kaahamusmo Sadoki xarmoó di/tá koóm guri baraá heémár wa taataáhh, Solomon guri iimbalaáx ar di/i as tawa waawutmo. Aluuwo tarumbeéta kari ufaáhh, muu iri oó', «Waawutmo Solomon i hotaatin.»

1 WAAWITÁ 1:39 Iomraidhean Croise

1 WAAWITÁ 1:25

Asma laarí aa aweér, hikwa giri tsuú/, nee muruú wahhaara, nee bee/ángw yaariír, nee inós slám daaqoó waawutmo sleémeero guna ateét, nee geeraharuusér slaqwaruuse nee kaahamusmo Abiatari, hám daxta i /ayná' nee i wahaná' geeraawós wa ale, i kaahiya', ‹Waawutmo Adonia i hotaatin.›

1 WAAWITÁ 1:34

Daqaní amoodae kaahamusmo Sadoki nee aarusmo Natani ngu di/tár iimbalaaxiye', as tawa waawutmoó Israeli, tarumbeéta ka ufahhá' ta oa'. ‹Waawutmo Solomon i hootaatin.›

1 WAAWITÁ 1:40

Muu sleémeero iri aluuwós wa eeharín ta hara filiímboó ufahhán, tari ló'wa qwalalaá/, yaamu niri xwaxwaiyé' tsimaahhiro.

1 WAAWITÁ 2:15

Gari báy, «A xú' geera adór waawuti'iima tar te'eé', tam múk Israeli sleémeero sleeme iri haraxuú'. Ala kaangwí aa warqáy, hhiyaaeé' waawuti'iima gay sláy, asma an tós iimír amór AAKOÓ MUNGÚ wa ale.

2 WAAWITÁ 11:12

Na/aydú waawutmo kunguri tsee/áy duúx, kuri slamaángwí dahaás, nee guri kitaábuú haraa'ayár i haniís ar waawutmo gan'amiis, Yoashi kuri iimbalaáx ar di/i, kuri waáhh tawa waawutmo, muu tsa/i giri slaáhh, tari oó', «Waawutámo sagók fur'a ngu laaleer.»

2 WAAWITÁ 11:14

iri qaytsít, waawutmo guri aán aa sihhít bihhaá uhmo adoodá' kus hariím nee geeraharuusér slaqwara nee mukdá' tarumbeétár ufahhaám a tseewúy bihhaá waawutmo. Muu sleémeero ina ló'wa qwalaá/, taruumbeéta kari ufaáhh. Atalia iri /á/, tlabaawós giri feehhamís iwa kat, «Iga saki/é', iga saki/é'.»

2 WAAWITÁ 9:1

Qoomaarír kilae aarusmo Elisha heé wák baraá tla/ángw eeharuusér aaruuseero guri ateét, guri báy, «Ti amohhe'es Ramot-gileadi keemuuwo. Aree chupiito'ór di/i,

2 WAAWITÁ 9:13

Qoomaadár kilae geeraharuuseedár hatlá' ar slaqwaruuse tlabaaín ngiri duuxiyé' ar gaanlaay, ngiri dinkwarí qaasiyé' as Yehu iwa sihhiiti gawaá ufuduú tlaba, nee tarumbeéta ngiri ufaahhiyé' ar afór ur, tawa kaahi, «Yehu a waawutmo!»

1 QOM'I 29:22

Baalarihe tana /ayín nee tari wahán ar qwal/aamaye dír geeraá AAKOÓ MUNGÚ wa ale. Solomon ngway iimbalaaxiyé' ar di/i sagá wa tsare ar umuú AAKOÓ MUNGÚ as tawa waawutmooín, nee Sadoki tawa kaahamusmoó Mungú.

2 QOM'I 23:11

Aluuwo garmoó waawutmo ngway tsee/aá i duuxiyé' kwaa saga slamángw i dahaás, kway dabér i haniís. Yehoyada nee daaqaywós ngway iimbalaaxiyé' ar di/i as tawa waawutmo. Muu sleémeero iri baraá/ tawa kaahi, «Waawutámo, sagók fur'a ngu laaleer!»

2 QOM'I 23:13

Iwa harqaytsít waawutmoó /abén aa sihhiít bihhaá uhmo dír afkú do'. Bihhaaqae slaqwaruuse nee múk tarumbetadaá ufahhaám taa sihhiít bihhaá waawutmo. Muu sleémeero i baraa/ nee ta tarumbetadaá ufahhán, nee daauuse i xooslaá daa'ángw koón. Waawuto'o tlabaawós gay feehhamís iri ó', «Gaa geewaqata! Gaa geewaqata!»

WARA'AMI 89:20

Daudi ugwa tsawaár, sagadiyusmooeé', nee ugwa iimbalaáx di/taeé' tidá' hhohhoe.

TI'INAANGW 30:35

Mooyángw tsuú' tleehheek ar muruusíng adoodá' kur tlehhahhiiti nee mukdá' mooyaangw gu baál tlehhtuuwo, díwtií qaaseek as kahhó' kuwa hhohhó' nee as kuwa paraátl as aníng.

1 SAMUELI 10:24

Samueli muu sleémeero guri báy, «Heewí taa tsawaár nee AAKOÓ MUNGÚ u ga/eerá'a, inós nee heé slaqmís i kaahh baraá muu sleémeero.» Naxés muu sleémeero kuri ilaaóh ar afór tsimaahhi, ta kaahi, «Waawutmo sagós fur'a ngu laaleer.»

1 SAMUELI 16:13

Samueli xarmooduú di/i guri taataáhh, Daudi guri iimbalaáx dír geeraá hhaeewós wa ale, hamtidár kilae /uuruú qeeruú AAKOÓ MUNGÚ Daudi guri hatsiís. Naagáy Samueli iri kií/ Rama.