1 WAAWITÁ 1:3 - Biblía Axweesantá Hhohho' ar Mungú 2004

³ Naagáy dasír ló'wa hhoohhoo' baraá Israeli sleémeero kari leeleéhh. Dasír taa ár a Abishagi, ar gixsár Shunami, kari huúw amór waawutmo.

1 WAAWITÁ 1:3 Iomraidhean Croise

1 WAAWITÁ 1:2

Gawaá adoorihe sagadiyuuse aako guri beér, «Aakoorén waawutámo, tsiní bura /amaatliito'oórí leelehhaán, as uwa sagadiyus, nee tawa alqata' nee kuúng as axwnáy kuwa sleer.»

1 WAAWITÁ 1:4

Ala dasiidá' ka ló'wa hhoohhoo'. Waawutmo guri sagadiyús ar harmagahhato, ala tam nee adoorihe waawutmo nee dasiidá' hariímár duuxo kaa hardahasiiká.

2 WAAWITÁ 4:25

Naagáy iri tleér ay amór tloomár Karmeli, amoodá' heé Mungú i dirii'i. Heedaáduú Mungú ngiwa ár iwa hi'it, sagadiyusmoowós Gehasi guri báy, «Qaytsiít, /ameenidár Shunemu aga ár i hi'ít,

2 WAAWITÁ 4:8

Looarka wake Elisha ina Shunémúr káy, /ameenirkar daqaarito'o do'ós i baraá ayaadá'. /Ameenidá' Elisha guri dah'ís dír muruú /ayma. Iimidá' Elisha kuwa dah'ís in do'odá' wa /ayaayín bir sawaaraahh.

ESTA 2:2

Naagáy sagadiyuusér waawutmo tidá' gu sagadiyuus guna beér, «Waawutmo ku /amatliitér hhohhó' i leleehhi.

ESTA 2:4

Dasiidá' waawutmo gu sla'atis ka waawuto'ór wa qaasi kitángw Fashtí wa ale.» Adoorí waawutmo gari slaá', adoodá' gari tleéhh.

YOSHUA 19:18

Yaamuuín gixsadaá naa haraoohiyé' a gixsár Yesre'eli nee Kesuloti, nee Shunemu,

1 SAMUELI 28:4

Múk Filisti tari burumburiít, xafay'ín kuri tleéhh baraá Shunemu, Saulo múk Israeli sleémeero guri burumbuúr, xafay'ín kuri tleéhh gawaá tloomár Gilboa.