1 WAAWITÁ 1:18 - Biblía Axweesantá Hhohho' ar Mungú 2004

¹⁸ Ala hám ga/aaweek, Adonia ina waawuti'ín, tam kuúnguú aakooeé', waawutmo gár ta xu' i káhh?

1 WAAWITÁ 1:18 Iomraidhean Croise

2 SAMUELI 15:10

Ala laatí, Absalomu muu guna qawti ya/aáw baraá tlahh'aá Israeli sleémeero, tari oó', «Kuungá' afór tarumbeéta bara sa axasé', daqaní ta oa', ‹Absalomu a waawutmoó Hebroni.› »

1 WAAWITÁ 1:11

Aluuwo Natani Bat-sheba, aayír Solomon gana báy, «Aga axaskáhe adór Adonia, garmoó Hagiti, kura waawutmoó wa qaás, slám aakoorén Daudi gár i xui i káhh.

1 WAAWITÁ 1:17

Bat-sheba guri beér, «Aakooeé', kuúng lo'o aga /agkáhe dír geeraá sagadiyuso'oorók wa ale, nee ar umuú AAKOÓ MUNGÚ, MUNGUÚWÓK, tawa kat, ‹Garmaawók Solomon in aluueé' wa waawuti'ín, inós in iwiit gawaá kitaangw'eé' kuduú waawuti'iima.›

1 WAAWITÁ 1:19

Slamí hikwa gaa tsuú/, nee muruú wahhaara nee bee/ángw yaariír, nee daaqoó waawutmo sleémeero guri ateét sleeme, nee kaahamusmo Abiatari, nee Yoabu geeraharusmoó slaqwaruuse. Ala Solomon sagadiyusmoowók, kwí gwaa ateetiiká.

1 WAAWITÁ 1:24

Natani iri oó', «Aá waawutámo, aakooeé', kuúng ana ói, ‹Adonia i waawuti'in aluueene, nee i iwiiti gawaá kitangw'eé' kuduú waawuti'iima?›

1 WAAWITÁ 1:27

Xáy aakooeé' waawutámo, kuúng an heé gaarí gaa tleehh, nee heé iwiít gawaá kitaangók kuduú waawuti'iima aluuwoge ngwaa ataá sagadiyuseerók i xu'utiská.»

1 WAAWITÁ 1:5

Qoomaadae Adonia garmoó Hagiti tina kilós xirfayeés iri oó', «Aníng a waawutmo daxta.» Gaarduuwós nee múk faras gu i tsa/ám guri amohhe'eés, nee múk mibeeri kooán i geeraawós wa ti'ii'ín.

Tlehhema'aá ya/Abuuse 3:17

«Ala hám daxta, hhaee'eé', aníng a xuú' adór tidá' kara tlehhé' as xuawaslerhúng, adoodá' geeraharuuserhúng aa tléhh sleeme.