1 WAAWITÁ 1:13 - Biblía Axweesantá Hhohho' ar Mungú 2004

¹³ Tláw, dáh adaá ale, amór waawutmo Daudi ku beer, ‹Kuúng aakooeé' waawutámo, lo'o aga /agkáhe dír aniírír sagadiyuso'oorók tawa kat, Solomon garmaawók in waawuti'ín aluueé' wa alé, nee in iwiit gawaá kitangw'eé' oo waawuti'iima? Ahaá waáy, daxta mas Adonia ina waawuti'ín?›

1 WAAWITÁ 1:13 Iomraidhean Croise

1 WAAWITÁ 1:11

Aluuwo Natani Bat-sheba, aayír Solomon gana báy, «Aga axaskáhe adór Adonia, garmoó Hagiti, kura waawutmoó wa qaás, slám aakoorén Daudi gár i xui i káhh.

1 WAAWITÁ 1:14

Ga/aaweegáy, qoomár bar nee waawutmo a axweesá', aníng nin aluuwók wa dáh as axweesantók ngiwa inkuu/.»

1 WAAWITÁ 1:17

Bat-sheba guri beér, «Aakooeé', kuúng lo'o aga /agkáhe dír geeraá sagadiyuso'oorók wa ale, nee ar umuú AAKOÓ MUNGÚ, MUNGUÚWÓK, tawa kat, ‹Garmaawók Solomon in aluueé' wa waawuti'ín, inós in iwiit gawaá kitaangw'eé' kuduú waawuti'iima.›

1 WAAWITÁ 1:24

Natani iri oó', «Aá waawutámo, aakooeé', kuúng ana ói, ‹Adonia i waawuti'in aluueene, nee i iwiiti gawaá kitangw'eé' kuduú waawuti'iima?›

1 WAAWITÁ 1:30

Laarír kilá' an tleéhh ar adoodá' án lo'o ngira /aáy dír geeraawók wa alé, ar umuú AAKOÓ MUNGÚ, Munguú Israeli, adoodá' niwa oó', ‹Solomon garmaawók in waawuti'ín aluueene. Inós in iwiit gawaá kitangw'eé' kuduú waawuti'iima.› »

1 WAAWITÁ 1:35

Daqaní ta aluuwós wa eehariindá', inós iri iwiit gawaá kitangw'eé' kuduú waawuti'iima, asma inós an heé waawuti'iím kitangw'eé' wa ale, oo xoorór Israeli nee ar Yuda ga sawaawuti'iím.»

1 WAAWITÁ 1:48

Iri firín iri oó', ‹AAKOÓ MUNGÚ, Munguú Israeli i xirfuti, kwí laarí garmaaeé' gwaa gawaá kitangw'eé' kuduú waawuti'iimárí iwitiis, nee ilaa'aá kilae tí aga ár.› »

1 WAAWITÁ 2:12

Naagáy Solomon iri iwiít gawaá kitángw baabuúwós Daudi, waawuti'iimarós iri ló'wa gawduúr.

1 QOM'I 28:5

Slamí aníng AAKOÓ MUNGÚ ina daaqoó yaariír i haniís, ala baraá daaqay'eene, garmaaeé' Solomon guri tsawaár as iwa iwiiti gawaá kitangwduú waawuti'iima oo AAKOÓ MUNGÚ, múk Israeli nguwa sawaawuti'in.

1 QOM'I 29:23

Aluuwo Solomon kitangwduú waawuti'iima oo AAKOÓ MUNGÚ gway óh daanduú baabuúwós Daudi wa alé. Inós an waawutmoó ado gaa aleeslay nee múk Israeli sleémeero iri iialooeés dirose.

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

YEREMIA 33:21

daqaní alqadoodá' aníng naa tleéhh dír sagadiyusmooeé' Daudi sleeme hhitiimaro a aleesleér, tam na/oó kitaangós gu sawaawuti'iím iri qwaar, nee sleeme alqadoodá' naa tleéhh nee sagadiyuuser'eé' tidár kaahamuusér tlahhoó Laáwi.

DABE 17:18

Qoomár barnaxes waawutmo aa iwiít gawaá kitángw waawuti'iima, gooír hatlá' ar dabeerí ngi dír geeraá kaahamuusér Mungú ar tlahhoó Laáwi wa gooin.