1 Timoteo 6:20 - Biblía Axweesantá Hhohho' ar Mungú 2004

²⁰ Timoteo, kuúng tidá' sleémeero tinda dirók i saayín harmagaahheek. Ti paratl nee axweesanayduú gaa wásl, kuduú múk Mungú haratlintatiaaká. Slám ti paratl nee tlaampa'amisuuduú múk ti sagalooór i harafadiít. Ala sagalooar'ín a sagalooór loeeká.

Ya/abtór hho' 1977

²⁰ Timoteo, kuúng tidá' sleémeero tinda dirók i saayín harmagaahheek. Ti paratl nee axweesanayduú gídaabár koomaaká, kuduú múk Mungú haratlintatiaaká. Slám ti paratl nee tlaampa'amisuuduú múk ti sagaalooár i harafadiít. Ala sagaalooar'ín a sagaalooár loeká.

1 Timoteo 6:20 Iomraidhean Croise

Tlehhema'aá ya/Abuuse 16:1

Paulo iri hardáh dír gixsár Derbe nee Listra, nee didaádane eeharusmoó wák i deer, umuuwós ku bay Timoteo. Inós a garmoó /ameenirkar Yahudi ar Mungú gwa haratlinti'. Ala baabuúwós a heé Yunani.

Tlehhema'aá ya/Abuuse 17:18

Mukko intsaahhasár Epikuro nee ar Stoiki tiri tlaampa'aamisiyé' nee Paulo. Bahh'alé tari oó', «Daktantí gár i ooár wa sla' a milá?» Bahh'alé tari oó', «Baré a adór heé ya/abtór munguaá xuawaslen ga alki/iít.» Adoorí kana oó' asma inós kángw Yesu guna alki/iít, nee kángw waasle/uuwós.

Tlehhema'aá ya/Abuuse 17:21

Asma múk Athene sleémeero nee dahaayér baraadá' wa hoota, pa/ángw gár hatlá' i kaahh, aqo har kángw /abén kuwa kaahi nee kuwa axamiisi.

Rumi 1:22

Inooín ta kaahi, «Atén a sagalooár koomaán,» ala laatí inooín tari daktu'uút.

Rumi 3:2

Gár i bu' i ló'wa deer umuúqo barto. Gár har geera a Mungú axweesantós gana dír múk Yahudír i saayín.

1 Korinto 2:6

Ala sagalooa i deer ar atén ta axweesaan dír múk aa kwa/i baraá slafíngw qeeruuwo. Ala sagalooarí atén ta axweesaan ti slasleeraaká nee sagalooár yaamuuká'. Slám ti slasleeraaká nee sagalooár mukdá' aleesleemuú koóm baraaká' yaamuwo. Asma inooín kaa qaroó sakwasleemuút kiwa qwaareesi.

1 Korinto 3:19

Asma sagalooár muu a daktu'uuma dír Munguhe. Asma Gooi i kat, «Mungú múk sageeloén gu ohaahín baraá al/aymar'ine.»

Kolosai 2:18

Mukko i deer, oo ti kilooín niinaweemiís ar al/ayma, nee adoorí ngi sa qwalaala/iyá', slám i malaykér firiiriná'. Nee tin kilooín xirfayeemisiyá' as iigu'utuuín, gár tas daara/an ar kilá' i káhh, a inslaway'ín oo tlákw. Múk adór kwí munduwa al/aáy nee qeemuuhúng guri hayoh.

Kolosai 2:8

Ti harmagahhe', hee munduwa naáxw ar axweesanaywós oo tawo oo gaa wásl oo al/ayma. Asma axweesanaydá' amór naa daáhh a amór unuú muu, a amór Kristoowooká.

2 Tesalonike 1:4

Gaarí an gár ataá kilá' xirif kus ara'araan daanduuhunge dír múk kríshaanáy oo baraá yaamaá hatlae. Atén xirif un ara'araán as adoodá' kuungá' tawa kumita' baraá haratlintaaooro. Asma gusisiingw sleémeero u qiqtliindá' nee slahh'eemisuudá' ta slasleera'a.

2 Tesalonike 2:15

Gawaá adoorihe, hháe, kuungá' gawduwé' baraá haratlintaaooro. Intsaahhasa sleémeero oohaak, tidá' atén naa kuungá' i intsaahhatimisaán baraá alki/ituurén nee baraá barwaárene.

1 Timoteo 1:11

Intsaahhasarí a tidá' tinda aníng i haniís, as ngiwa alki/iit, intsaahhasarí a Ya/abtoodá' hho' daanduú xirfuú Munguúdá' tsuuqaá koóm.

1 Timoteo 1:2

Barwaárí ngina gooiím amoorók Timoteo, garmaaeé' oo kilá' oo baraá haratlintaao. Mungú Baabá nee Aakoorén Kristo Yesu kuúng u tsuuqi, nee u gurtlay, nee u waydií haniisi.

1 Timoteo 1:4

Slám inooín tiita makawa eeharahaár nee yaeemaá tlet awa tlahhi'i kiwa fadiiti, asma muruuwí gár i huwahuwi a partlito. Slám gár i bui i káhh dír geeraharusmoó gadiyér Munguhe, asma iimu/úngw gadiyér Mungú a haratlintaao.

1 Timoteo 1:6

Ala muu bahh'alé baraá loohirí ganaa' gaa geexáy, axweesanoó gaa wásl kuri eehár.

1 Timoteo 1:9

Gár atén tiwa hariím masók an tsaahhaán adór hara'aya kara qaasiiká as múk hhó'. Ala kana qaás as múk aa dee/aanuut, nee mukdá' hara'aya gaa sii'. Slám kana qaás as múk Mungú gwa haratlinti'iiká nee múk tlakweemaá tlehhahhiít, nee slám mukdá' hhohhoeeká, kudá' slasla/arén. Nee slám hara'aya kana qaás as múk baabi'ii'ín tsuú/ nee amuín, nee tsu/utuusér hatlá'.

1 Timoteo 4:7

Ala kuúng ti harmagahh nee tiitadár slasla/aren, tiitadá' amami'i, tidá' hariimaaká alki/ituuwo. Kuúng intsahhaám Mungú kuwa ilaiwawa/ baraá slafiingoge.

1 Timoteo 6:11

Ala kuúng a heé Mungú. Kuúng ti paratl nee muruú adór kwí. Hotaá ganaa'á' na eehareek, nee ilaiwa/ame nee haratlintaao, nee sla'aari nee qiqtliingw nee tsatsaa'areema.

1 Timoteo 6:14

Hara'ayaarí na ooheek, ar xaslxaansli wasle nee ar tlakweema wasle ay bál deeloodá' Aakoorén Yesu Kristo nay hardihi.

2 Timoteo 2:1

Ala kuúng, garmaaeé', /uuru slaweek ar tsuuqaadá' ta slaslawaan ar baraá Kristo Yesu.

2 Timoteo 2:16

Kuúng ti paratl dír axweesanoó gaa wasle, kudá' múk Mungú gwa haratlinti'iiká i axweemaamisi. Asma múk adoorí tan ak sawees dír Munguhe.

Tito 1:14

nee tiitár múk Yahudi makawa iiárií qamín, laqaá hara'ayár mukdá' looeema gaa sii' makawa eeharahár.

Tito 1:4

Tito, kuúng a garmaaeé' oo kilá' baraá haratlintaaoorí ta koomaana. Aníng barwaárí ngina amoorók gooiím. Mungú Baabuúrén nee Kristo Yesu, Ba/amusmoorén, kuúng u tsuuqi, nee u waydií haniisi.

Tito 1:9

Inós masók a heé axweesantá haratlintaao gaa oh, adoodá' kura intsaahhatimís, as muu nguwa aleeslay gurbu'ungo ar axweesantadár ló', nee múk axweesantadá' ga siaasií' nguwa ar ba/i.

Tito 3:9

Ala kuúng ti paratl nee muruuduú dakti'iima, kudá' tlaampa'aamisuú huwahuúw, nee faarór digir wakeetíngw tlahhi'iiwo, nee gila. Slám ti paratl nee tlaampa'amisuú daanduú hara'aya. Asma muruuwí alee/iisoó i huwi i kaahh, nee slám ku gaa wásl.

Geehhoeemaá 3:3

Gawaá adoorihe axweesantadá' adór kara ilaót nee adór kara axamís inslaweek, nee ka ót, ta hhu'u'uún. Ala kuúng bar aga dal'iká, aníng ni hardáh amoorók i aleeró adór fisusmo, ala qoomaadá' aníng ni hardah kuúng a xu'uká.