1 Timoteo 6:14 - Biblía Axweesantá Hhohho' ar Mungú 2004

¹⁴ Hara'ayaarí na ooheek, ar xaslxaansli wasle nee ar tlakweema wasle ay bál deeloodá' Aakoorén Yesu Kristo nay hardihi.

Ya/abtór hho' 1977

¹⁴ Hara'ayaarí na ooheek, ar xaslxaansli wasle nee ar tlakweema wasle ay bál deeloodá' Aakoorén Yesu Kristo nay hardahi.

1 Timoteo 6:14 Iomraidhean Croise

1 QOM'I 28:20

Aluuwo waawutmo Daudi garmaawós Solomon guri báy, «Gimáy, piíhh muuna hhe'eés, gadiyeérí tleehheek, ma da'ayuumitaar laqaá ma amoqwaqwadiimar, asma AAKOÓ MUNGÚ, Munguúeé', i dinkwa nee kuúng. Inós kuúng u baloó geexayká, laqaá u baloó mayká ay dír gadiyeé sleémeero ar doó AAKOÓ MUNGÚ i hhooeer.

DAA'AANGW 4:7

Ga/aaweek, adór tir hhoohhoó', sla'aaruso'or'eé', kiíng gár tiwa /aár i káhh.

1 Korinto 1:8

Inós sleeme kuungá' nu /uurií haniis ay alhhe'eesaay, as kahhó' kuungá' tawa múk dakuús wásl baraá umuúqo gaaro bál deelór Aakoorén Yesu Kristowo.

Efeso 5:27

Asma inós gár i slai a múk hhohhó' gun sláy, oo dakuús wásl, kudá' gár slasla/aar ga koomaaká, laqaá muruú tlákw oo dimbadimbé oo adór kwí, masók an múk hhohhó' oo xaslxaanslír koomaaká.

Filipi 1:10

as kahhó' kuungá' gár hhoó' tsawaararo kawa aleesleera'. Daqaní kuungá' a múk taa hhoohhooeés nee oo xaslxaanslír koomaaká bál deeloodár Kristo birna hardát.

Filipi 1:6

Gár án ni haratlintatii' a tí, kudá' gadiyér hhoo' gaa iimu/un baraá munerhunge, inós gadiyeédá' ga alhhe'ees ay bál deelór Kristo nay xeer.

Filipi 2:15

Kuungá' masók an na/aá Mungú awa xaslxaansli wasl nee dakuús wasl, kuungá' masók baraá tla/ángw qartí tlaakwe tundun geehhoó' tawa adór tsatse/uú gawaá doorí dirií',

Kolosai 1:22

Ala hám daxta kuungá' sleeme naa amoorósií haraki/ís ar Garmaawós. Asma Garmaawós ina hoót iri gwaá' as kuungá' nuwa amohhe'eesi, tawa sihhita' dír geeraawós i alé, tawa múk hhohhó' oo xaslxaanslír koomaaká, tam oo hhasaám wásl.

Kolosai 4:17

Arkipo ku beera', «Gadiyeérók tidá' tinda haniís baraá Aakoowo ga/aaweek, as kawa boo/es.»

1 Tesalonike 3:13

Inós kuungá' nu /uurií haniisi, tawa múk hhohhó' oo xaslaansli wásl geeraá Mungú Baabuúrene qoomaadá' Aakoorén Yesu niwa hardihi, dinkwa nee mukós oo hhohhó' sleémeero.

1 Tesalonike 5:23

Mungú inósuú kilá', kudá' atén ti waydií hanimiís, inós kuungá' nu hhoohhooeesi kángw kilá' wa ale. Nee slám inós munerhúng nee qeeremoohúng nee slaqoohúng ngi xun as gár tlaakw munduwa sleér, ala kuungá' masók a múk xaslxaansli wásl ay bál Aakoorén Yesu Kristo nay hardihi.

2 Tesalonike 2:1

Ala hám daxta, hháe, gár ni axwees a daanduú kángw hardahamuú Aakoorén Yesu Kristowo, nee adoodá' atén tar dír geeraawós i burumburiitaan, atén kuungá' nun firiimaán,

2 Tesalonike 2:8

Qoomaadá' an qoomár Heedá' Tlaákw tiwa geehhooeesi ar gaanslaay. Qoomaadae Aako Yesu niri hardah, iri geehhooúy ar baraá gwa/aateema, nee Heedá' Tlaákw guri suqúy ar hiinsluú afkós.

1 Timoteo 6:20

Timoteo, kuúng tidá' sleémeero tinda dirók i saayín harmagaahheek. Ti paratl nee axweesanayduú gaa wásl, kuduú múk Mungú haratlintatiaaká. Slám ti paratl nee tlaampa'amisuuduú múk ti sagalooór i harafadiít. Ala sagalooar'ín a sagalooór loeeká.

2 Timoteo 4:1

Aníng kuúng u hara'ayiyiím dír geeraá Mungú wa ale nee dír geeraá Kristo Yesu, kudá' múk slaáf gu sakwasleemuút, nee kudá' aa qatli. Slám u hara'ayiyiím asma hardahamuuwós nee waawuti'iimarós un baw,

Tito 2:13

qoomár boo/emisuú harahhifoorén kuwa daamaaramaan. Harahhifo an tí, Munguúrén oo úr nee Ba/amusmoorén Yesu Kristo nin hardah ar baraá xirif.

Ebrania 9:14

xáy, tseerér Kristo tí ga ló'wa bá/áke? Asma inós tina kilós haniís dír Mungú ar /uuruú Qeeruú alhhe'eesay wásl as tawa ilahhooár xaslxaansli wasl. Tseereerós muneerén ga hamátl nee tlehhema'aá slafíngw kooma'aaká, as masók atén Munguúdá' slaáf kuwa sagadiyuusaan.

Ebrania 9:28

Adoorí an adoodár Kristo sleeme ku laqi. Inós kuna ilahhooár wa haniís sagaáwa wák wa ale as tlakweemaá múk yaariír ngiwa hingeesi. Inós nin malé ti'iit baraakaá yaamuwo sagaáwa tsár wa ale. Ala gár nis hardihi a tlakweema hingeesarooká, ala a mukdá' inós gu daamaaraám nguwa ba/amisi.

1 Petro 1:19

Ala gár kuungá' tundura tlaáxw a tseerér afhhamít ar Kristo, kuduú adór deelmoó bee/i, oo slasla/areeká, oo xaslxaansli wásl.

1 Petro 1:7

Iiara'aduuwí gídaabárós i deer. A haratlintaaorhúng kan iiara'ar, xáda xáy haratlintaaorhúng tisíng ar lóe? Sahaábu a gár qwaar, tam ku iiari ar baraá asltadár sahaábu kur hhoohhooeemiis. Ala haratlintaaorhúng ka ló'wa afhhamít ta sahaábuwo. Asma haratlintaaorhúng bar kaa iiár, i hariín kawa diidi'iimiisi nee kawa xirfayeemisi nee kan ilaiwawaa/ qoomár Yesu Kristo burkwa geehhooés.

2 Petro 2:21

Geeraawo a tsiní dir'ine barnaxes loohidá' ganaa' kaa baloó xuiiká, ta kawa xui, aluuwo hara'ayaadá' hhoohhoo' tidá' taa dir'ín i haniís kari máy.

2 Petro 3:14

Gawaá adoorihe sla'aaruuser'eé', dír kuungá' tar muruuwí daamaraanda', ilakaaharu tleehhaak tawa wayduú koonda', nee tawa sihhita' dír geeraawós i alé tunduwa hhohhó' nee tawa múk xaslxaansli wásl.

2 Petro 3:2

Asma gár kuungá' tunduwa hariím a /aymi'iidaá aaruusér aáng ar hhohho' in insleerá', nee hara'ayaadá' Aako nee Ba/amusmo aa axweés ar loohír ya/abuuserhúng.

1 Yohana 3:2

Sla'aaruúse, daxta atén a na/aá Mungú, ala adór aluuwo ta laqaan hamírihe naa gehhoouuriiká, ala tí a xuaán Yesu bir na wayaá', atén a adór inós tleehhitaán. Asma un araán adoodá' inósuú kilá' i dirii'i.

Yuda 1:24

Mungú kuungá' nu aleesláy nuwa de'en as dukuutsmo munduwa tuú', slám nuri sihhitis dír geeraá xirfuuwós tawa múk xaslxaansli wásl, nee tawa múk baraá qwal/uú úr.

Geehhoeemaá 1:7

Qaytsiít, inós ni hardah ar baraá huunkáy. Umuúqo heewo guri ar ar ila', tam mukdá' inós gwa mutin sleeme guri ar. Nee muu sleémeero oo baraaká' yaamu iri /aa/amín ar gurhaami as inós. Eeít, adoorí an adoodá' tleehharuut. Amin.