1 Timoteo 6:11 - Biblía Axweesantá Hhohho' ar Mungú 2004

¹¹ Ala kuúng a heé Mungú. Kuúng ti paratl nee muruú adór kwí. Hotaá ganaa'á' na eehareek, nee ilaiwa/ame nee haratlintaao, nee sla'aari nee qiqtliingw nee tsatsaa'areema.

Ya/abtór hho' 1977

¹¹ Ala kuúng a heé Mungú. Kuúng ti paratl nee muruú adór kwí. Gan'amu na eehareek, nee ilaiwa/ame nee haratlintaao, sla'aari nee qiqtliingw nee tsatsaa'areema.

1 Timoteo 6:11 Iomraidhean Croise

1 WAAWITÁ 13:1

Looarka wake Yeroboamu iwa sihhiít dír bihhaá kitangwduú ilahhooa, kudá' mooyángw tsuú' kuwa da/aa/an, as mooyaangw nguwa da/i, heé Mungú oo yaamaá Yuda daáhh ina hardáh dír Beteli. Heewí i ya/abtór AAKOÓ MUNGÚ kón.

1 WAAWITÁ 13:26

Qoomár aakooduú aarusmo oo heeduú Mungú gwa amór do'ósí ki/is kangwdá' nguwa axaás, iri oó', «Heesíng a heedaáduú Mungú oo axweesantá AAKOÓ MUNGÚ gaa iialooeesiiká, gawaá adoorihe, Mungú guna diraángwí tleés as nguwa oohi, guri feehhamiís ar adoodá' axweesantá Mungú ngwaa beér.»

1 WAAWITÁ 17:18

/Ameenidá' Eliya guri beér, «Xáy, kuúng heé Mungú, gár adór tí a milá naa aníng i tléhh? Kuúng nina dooeéní hardáti as tlakweemaaeé' kiwa laqaan, nee gaarí an gár garmaaeé' gwaa gas?»

1 WAAWITÁ 17:24

/Ameenidár kwaalo'o Eliya guri beér, «Ar looeemaawo án daxta aga tsaáhh adór kuúng tar heé Mungú, nee axweesantadár AAKOÓ MUNGÚ ta kat ar ló'.»

1 WAAWITÁ 20:28

Heé Mungú iri tseewúy dír waawutmoó Israeli guri báy, «AAKOÓ MUNGÚ i kaahi, asma múk Aramu i kaahi, ‹AAKOÓ MUNGÚ a munguú gawaá tlom'i, a munguú baraá yaamaá xatstooká.› Gawaá adoorihe aníng kuúng u baalír i haniís dír slaqwaruusér yaariir ar Aramu, nee kuúng kay tsáhh, adór aníng tar AAKOÓ MUNGÚ.»

2 WAAWITÁ 1:13

Wa'aá hatlae malé ale waawutmo geeraharusmoó hatlá' guna ya/aáw nee slaqwaruusér mibeeri kooán. Geeraharusmoowí oo tám iri tsa/án gawaá tloomadá', iri tumbarara'aát geeraá Eliya, nee guri firín iwa kaahi, «Aá heé Mungú, aníng kuúng u fiririím, slafingw'eé' nee slafíngw sagadiyuuseerók tír mibeeraá kooán gár slahhaa' tiwa tsahh.

2 WAAWITÁ 1:9

Waawutmo geeraharusmoó slaqwaruuse guri ya/aáw nee múk mibeeri kooán as Eliya nguwa leehhiya'. Geeraharusmoowí oo slaqwaruuse iwa hardáh, Eliya aa iwiít gawaá tlooma, guri báy, «Xáy, kuúng heé Mungú, waawutmo ina oó', ‹Aweeráng.› »

2 WAAWITÁ 23:17

Waawutmo iri oó', «Garqár dirqá' ar milá?» Múk gixsadá' tari oó', «A /aantár heé Mungú, kuduú Yuda, kudá' tí kuúng ta tlehhit gawaá kitángw ilahhooa oo Beteli nga geerií aarin.»

2 WAAWITÁ 5:20

Gehasi, sagadiyusmoó Elisha heé Mungú iri baraá guruuwós i oó', «Hám qaytsiít, aakooeé', muruudá' Na'amani heé Aramu naa huúw gwa sií' ooharo. Ar adoodá' AAKOÓ MUNGÚ ir hotaatina, aníng un alta'aaím as gaa ngiwa slaw dirose.»

1 QOM'I 23:14

Ala daaqoó Mose, heé Mungú, kuna harafaár baraá tlahhoó múk Laáwi.

2 QOM'I 8:14

Inós adoodá' baabuúwós Daudi heé Mungú ngira hara'ayín gana eehár, baalaqaasír kaahamuusér Mungú ar umuú deelo gana qaás, nee ar mukduú tlahhoó Laáwi, kuduú kaahamuusér Mungú alee/iimiís as iwa xirfayemisiyá' nee gadiyér'ín ngiwa tleehhiya'. Xuumuuse sleeme gari qaás baraá bohhu umuúqo afkú do'o nguwa xuna'.

NEHEMIA 12:24

Geeraharuusér múk tlahhoó Laáwi a Hashabia, nee Sherebia, nee Yeshua garmoó Kadmieli, nina alsihhiitiyé' nee hhaeeín, as daa'ángw ilahhooa nguwa daaiya' nee oo xirfayeemisuuwo, ar adoodá' waawutmo Daudi heé Mungú ngira oó'.

NEHEMIA 12:36

Hhaeewós bahh'ale nina daaiyé' ar xooslaá daa'aangw awa waawutmo Daudi, heé Mungú. Inooín a ín Shemaya, nee Asareli, nee Milalai, nee Gilalai, nee Ma'ai, nee Netaneli, nee Yuda nee Hanani, kina geerahaár nee goousmo Esra.

WARA'AMI 34:14

Muruú tlákw maweek, tlehhma'aá hho' na tlehhiiteek, wayda leelehhiiteek nee ar hooteek.

WARA'AMI 38:20

Kudá' aníng i tlakweemaá i tlehhiitá' as hhooeema ngiwa tleéhh, inooín a wakuuser'eé' asma aníng gár naa gurií baá/ a hhooeema.

AXWEESANOÓ SAGALOOA 15:9

Lohdaá tlakw AAKOÓ MUNGÚ gi waak, Ala heedá' hotaá ganaa'á' gi i qwatliít gun slaa'.

ISAYA 51:1

Aníng iiárií qaasaré' kuungaádaá hotaá ganaa'á' ngi sla'á', kuungaá AAKOÓ MUNGÚ leelehhiitá'. Tlaa/adá' tunduwa dakuút i qaytsitaak nee baraá bohongwdá' tunduwa duúx ar folit.

YEREMIA 35:4

Inooín sleémeero ngiri huúw ay baraá doó AAKOÓ MUNGÚ, dír kutuwír garmoó Hanani, garmoó Igdalia heé Mungú. Kutuwidá' ka tseew dír kutuwír geeraharuuse, i gáwtí dirí' dír kutuwír Ma'aseya garmoó Shalumu, xuumusmoó do'odá'.

Rumi 14:19

Ala bar adoosíng, gár atén tiwa hariím tidá' wayduú huwaahuuw tla/angwrene an tleehhaán, nee tidá' haratlintaaór umuúqo heewo ga kwa/amis.

1 Korinto 10:14

Gawaá adoorihe, sla'aaruuser'eé', kuungá' sluufmisuú munguaá hatlá' ilaguwaak.

1 Korinto 14:1

Kuungá' sla'aari ló'wa leelehhiitaak. Nee aleesleemuú Qeeru sleeme leelehhiitaak, kawa ure aleesleemuú tawa aaririinda'.

1 Korinto 6:18

Gawaá adoorihe kuungá' fuqi ilaguwaak. Umuúqo tlakweemaá hee i tleehhi, gi slaqwtósí tlehhiitiiká. Ala heé fuquús, inós slaqwtós gan tlakweemií tlehhiit.

DABE 16:20

Muruú ganaá' kilós na ló'wa harmagahhaak kuwa tleehhi as kahhó' tawa hota' baraá yaamaá AAKOÓ MUNGÚ, Munguúhúng ni haniisi.

DABE 33:1

Gaarí an tsuuqaadá' Mose, heé Mungú, múk Israeli ngira tsuúq dír ira gwaaiiká.

1 Timoteo 1:14

Aníng gurtleemuú Aakoorén una ló'wa sláw, dinkwa nee haratlintaao nee sla'aari tidá' ta koomaan baraá Kristo Yesuwo.

1 Timoteo 4:12

Hee masoombi'iimarók mingiwa waaqaá', ala kuúng na slaqsaay tleehhiít dír mukdá' aa haratlintii'i ar baraá axweesanaywók nee baraá tlehhemi'iiwók nee slám ar baraá sla'aari nee haratlintaao nee hhohhoaari.

1 Timoteo 5:10

Slám inós masók kaa lamabu'ún tlehhema'aá hhoe. Masók na/ii nga umiín, nee dahaaye gaa dahi'imís, slám masók ya'aá múk Mungú nga hamtlít, nee múk taa slahh'eemiís ngwa alee/iimís, nee slám tlehhemuú hhoó' gwa tlehhít ar ilakaaharu.

1 Timoteo 6:20

Timoteo, kuúng tidá' sleémeero tinda dirók i saayín harmagaahheek. Ti paratl nee axweesanayduú gaa wásl, kuduú múk Mungú haratlintatiaaká. Slám ti paratl nee tlaampa'amisuuduú múk ti sagalooór i harafadiít. Ala sagalooar'ín a sagalooór loeeká.

2 Timoteo 2:21

Ala hee bir taa hhoohhooeés nee tiri paraatl dír muruuwí tlákw naa alki/iít, inós daqaní a xooslmoó taa qaás as gadiyér xirfuú koom, kudá' taa hhoohhooeés, oo Aakoó do'dá' wa hariím, nee slám a kudá' hariím baraá umuúqo gadiyér hhooe.

2 Timoteo 2:22

Ala kuúng ilatleeridár masoombi'iima ilaguweek. Ilakaaharu na tleehheek hotaá ganaa'á' kiwa sleer, nee haratlintaao, nee sla'aari nee wayda. Adoorí na tleehheek dinkwa nee mukdá' Aakoó ateetiím ar muunuú hhoohhoó'.

2 Timoteo 3:10

Ala kuúng aníng iga eehát baraá intsaahhasar'eene, nee digir wakeetingw'eene, nee adoodá' án ni slaa' baraá slafingw'eene. Nee slám haratlintaaor'eé' aga aán, nee daamaarangw'eé', nee sla'aarir'eé' nee qiqtlingw'eé'.

2 Timoteo 3:17

As kahhó' heé Mungú iwa ganaai nee kuwa amohhoó' as umuúqo gadiyér hho' ngiwa tleehhi.

Ebrania 12:14

Wayda leeleehhaak, tawa hota' ar wayda nee muu sleémeerowo. Nee hhoohhooeema leelehhitaak, asma heé Mungú gu ár i kaahh, hhoohhooeema bir kahhiyá'.

1 Petro 3:11

Inós tlakweema ngi may nee tlehhema'aá hho' ngi tleehhi. Wayda ngu leeleehhi ar ilakaaharu.

1 SAMUELI 2:27

Looár wake heeko Mungú iri amór doó Eli káy, guri báy, «AAKOÓ MUNGÚ i kaahi, ‹Aníng tina xu'utís dír doó baabuúwók Aroni, qoomár tawa baraá Misrírí dirii'i, tawa lawaalér Farao.

1 SAMUELI 9:6

Ala sagadiyusmoodá' Saulo guri báy, «Qaytsiít, baraá gixsarihe heé Mungú i deer, inós a heé ta ilaiwawa/i, sleémeero ar i ooi a looeema. Góh amorqá', dooqa inós kángw aairén kuká' ngu oo'.»