1 Timoteo 5:8 - Biblía Axweesantá Hhohho' ar Mungú 2004

⁸ Ala umuúqo heewo oo mukós gu amohhe'eemisaaká, ak alé múk do'ósuú kilá', heé adoorí haratlintaao gaa sií', nee inós a heé ló'wa tlaákw ta kudá' aa haratlinti'iiká ba/a.

Ya/abtór hho' 1977

⁸ Ala umuúqo heewo oo mukós gu amohhe'eemisaaká, ak alé múk do'ós oo kilá', heé adoorí haratlintaao gaa sií', nee inós a heé tlaákw kángw kilá' wa aleeró ta kudá' aa haratlinti'iiká ba/a.

1 Timoteo 5:8 Iomraidhean Croise

IIMU/UUNGW 30:30

Qoomár án niwa hardihiiká, daqaari'iimarók ka niina. Hám daxta aa doogiín, nee AAKOÓ MUNGÚ kuúng ugwa tsuúq umuúqo dír naa kawi. Hám daxta a xaylá aníng ti kilooeé' aleeslaw?»

ISAYA 58:7

Gwaawitór ló' an tí: Múk qwariít kuwa /aymisa', nee narkuutér maraá koomaaká kawa dah'isa'. Múk tlabaá koomaaká kuwa tsiitisa' nee mar'eefoowók kiwa alee/is.

Matayo 18:17

Nee inooín barnaxes gaa malé iiárií qaasiiká, haratlintaauuse xu'utiseek. Nee haratlintaauuse barnaxes gaa malé iiárií qaasiiká, heé adoosíng diroge masók a adór heé xoordaá hatlá' nee heé koódír ohaahiím.»

Matayo 7:11

Ala bar kuungaásingá' tlakw muruú hhó' u xuá' kuwa na/iihúng i hanmisa'. Xáy, Baabuúhúng oo gawaá doorí dirií' i ak waaraáhhiíke muruú hhó' nguwa haniisi dír kudá' inós ngu firiiriima'a.

Yohana 15:22

Án geera binda hardihiiká nee nari axweés nee inooín, geera ta tlakweemaá konká. Ala hám daxta tlakweemaaín tlaankuuwo ngi aleeslay'aaká.

1 Korinto 6:6

Ala laatí, dirhunge Krishaanmo kuqá' gun sakwasleemár áy dír geeraá mukdá' Mungú gwa haratlinti'iiká.

2 korinto 12:14

Qaytsité', gaarí a sagaáwa tám aníng niwa amorhúngií daqeemuú slaa'. Nee án kuungá' nu huwár ar awaaká. Asma aníng gár ni leelehhiit a muruuhungeeká, ala a kuungá'. Asma a hariímarooká na/ii mura' nguwa burumburina' as xwaylité, ala a xwaylité mura' gun burumburiín as na/ii.

2 korinto 6:15

Nee slám Kristo nee Neetlaangw adór tir axweesani slaya' a adoomá? Laqaá heé Krishaanmo nee heé Krishaanmowooká, gár tiwa slaya' a milá?

Galatia 6:10

Gawaá adoorihe atén qoomaarí tawa baraaká' yaamuú i diriiaan, hhooeema ki tlehhiitaán dír muu sleémeerowo, ak alé dír kudá' haratlintaauuse.

2 Timoteo 2:12

Atén bar aga qiitlaán, a alwaawuti'iimaán dinkwa nee inós sleeme. Atén inós bura sa tlaankaán, inós sleeme atén ti sa tlaank.

2 Timoteo 3:5

Inooín bir ga/eér a adór múk Mungú, ala /uuruú Mungú ku ya/a/anká. Kuúng ti paratl dír múk adór kwihe.

Tito 1:16

Inooín ta kaahi atén Mungú u xuaán, ala inooín Mungú ku siaasii' ar tlehhemi'ii'ín. Inooín a múk aa dee/aanuut ló'wa ale, múk iawaslén, Múk hariimaaká gadiyér hho' tam ar wák kawa tleehhi.

2 Petro 2:1

Ala tam qoomaadae sleeme aaruusér lama i deer baraá tla/ángw muko. Tam baraahunge sleeme intsaahhatuusér lama i hardát. Inooín intsaahhasár hhiita ngin dahaasiyá' ar baraá naaqo, tam Aakoodá' inooín gaa tlaaxw nguri sa tlaankiyá'. Gawaá adoorihe inooín tin baraá qwanáy harakeemisiyá' ar adoorí.

Yuda 1:4

Asma mukko i deer oo naa qawti dah. Mukwí kuna sakwasleemarí i gooín iimír aáng wa ale. A múk Munguú da'ayuumitaaká, slám a múk tsuuqaá Mungú harneét ar hotaá tlákw. Nee inooín kudá' úr oo kilós, Aakoorén Yesu Kristo, ngu sa tlaankiyá'.

Geehhoeemaá 2:13

Kuúng dír ta hot aníng a xuú'. Kuúng dír ta hot a didár kitángw aleesleemu oo Neetlaangw. Ala án kuúng iga sa tlankká, slám ana kumaamít aníng iwa haratlintaati' tam qoomár de'emaá Antipa lamabu'usmooeé', slám a lamabu'usmooeé' oo inkihhím. Inós kuna gaás baraá tla/angwhúng i alé, didá' Neetlaangw i hooti.

Geehhoeemaá 3:8

Aníng kángw tlehhemi'iiwók u xuú'. Qaytsiít, aníng afkú do' oo taa gweér ngwa qaás dír geeraawók i alé, ala heé tseegamooro gu aleesláw i kaahh. Aníng a xuú' kuúng /uuruú niiná u koón, nee slám kuúng axweesante'eé' aga ót, nee aníng iga si'iká.