1 Timoteo 5:5 - Biblía Axweesantá Hhohho' ar Mungú 2004

⁵ Kwaalo'ór ló' a tidá' taa kilós geexáy. Inós Mungú gun harahhíf, slám i baraá firór wa hót nee saaliingo tlaatla/aangw nee xweeraawo.

Ya/abtór hho' 1977

⁵ Kwaalo'ór ló' a tidá' taa kilós geexáy. Inós haraxu'utirós gaa amór Mungú i hanís, slám i hót baraá firór wa ale nee saaliingo tlaatla/aangw nee xweeraawo.

1 Timoteo 5:5 Iomraidhean Croise

WARA'AMI 91:4

Un tuuntuuk ar hayowós, baraá guruú hhampe'eeriwose dír guwaay an sleér. Inkihhimuuwós an gaamboót nee baqmoó.

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 3:26

Afér gixsár Siyoniro gaa a wa/aa/i nee tsuunqumis, gixsarí tari adór /ameenír taa geexáy ar pakáy, iri iwít baraá teeri.

ISAYA 49:21

Daqaní kuúng tay baraá gurií o', ‹Heé iga na/iikí laqwaal? Na/iieé' nina hhané' niri faakiyé' baraá loohaay amoodá' saaw, heé na/iiká ngaa urees? Ga/aawaak, aníng aáng tina kilooeé' geexáy, kuká' amór i dahhiya' a amoomá?› »

ISAYA 50:10

Baraá tla/angwhunge heé AAKOÓ MUNGÚ gu ilaiwawaá/ i deéro, nee oo afór sagadiyusmoowós ga iialooeemiís, kudá' baraá giwtír wa hi'iimiít nee gwa/aateemaá koomaaká, tam adoorihe haandá' umuú AAKOÓ MUNGÚ gun harahhifiit nee Munguúwós guri haratlintatii'?

ISAYA 54:1

AAKOÓ MUNGÚ i kaahi, «Kiíngadár kampeeri, daá' Kiíngadá' xwayla ga tsaqká daá' ló'wa alé ar bara/, asma kiíngadá' taa geexáy na/aá yaariir i sleér, kudaá /ameenír taa duúx ba/a.

WA/AA/I 1:13

«Asma asla ngina gáwtá wa /aytiís, nee faduueé' giri al'ót. Tsaaxweeli gana geeraaeé' qaás as iwa ya'a' oohi. Aníng iri alií warqeés iri geexáy baraá dewa'ame, tlatla/aangw sleémeero a baraá /araama.

Luka 18:1

Aluuwo Yesu giri slaqsaywí báy as ngiwa intsaahhatisi, asma inooín gár kiwa hariím a Mungú ngun firiiriná' daqisleém, tam matawa mune sií'.

Luka 18:7

Xáy, Mungú mukós kudá' aa tsawaár gu ak alee/iísiíke, hariímar'ín ngiwa slay, kudá' inós nguy /aa/amiimá' tlaatla/aangw nee xweeraawo? Inós i hargawdúya ngiwa alee/iisi?

Luka 2:37

Daxta inós a kwaalo'ór kureeri mibeeri dakaát nee tsiyáhh. Baraá Doó Munguhe i ququtlaatliindaaká, aqo in sluufmaamís xweera nee tlaatla/aango, iwa gwaawiwiin nee iwa fiririin.

Tlehhema'aá ya/Abuuse 26:7

Al'axweesantí tlahhi'iirén kudá' mibaá nee tsár sleémeero ngin daamaraná' ngiwa i hardihiya', tawa Munguú sluufmamiisi ar inkihhimu tlaatla/aangw nee xweeraawo. Waawutámo! Aníng gár tiwa sakwasleemuuti nee múk Yahudi a daanduú haraxu'utirí.

Tlehhema'aá ya/Abuuse 6:1

Deeloodae faarór eeharuuse iri doogigiín. Múk Yahudi oo tsifrír Yunanír axweés, iri qununuú/ daanduú múk Ebraniaro, asma kwaeelii'ín kaa gunqaareés muruú /aymaadá' umuú baalaaro ta qasmiisi.

Tlehhema'aá ya/Abuuse 9:39

Petro iri tláy, nee inooín tiri koné'. Iwa hardáh, kuna tsa/aás gawaá qoroófa. /Ameenár kwaeeli sleémeero ina bihhiiwós i sihhít, ta /aa/amín, kuri inqwaruú i laqaqán, nee hiyi'i, kudá' Dorkasi aa hirít qoomár iwa slaf.

Tlehhema'aá ya/Abuuse 9:41

Gari dawa óh, gari sihhitís. Múk Mungú nee /ameenár kwaeeli giri ateét, /ameenidá' gana geeraaín i qaás ka saxamaar.

Rumi 1:12

Gár ni kah an tí, «Gár ni slaa' masók tin gurkwa/amisaán, aníng /uuru nguwa slaw ar haratlintaaorhúng, nee kuungá' /uuru kuwa sleera' ar haratlintaaor'eé'.»

Rumi 1:5

Mungú aníng ina tsuuqaá i haniís niwa ya/abusmo tleehhiit as Kristo. Adoorí gana tleéhh ar loohír Kristo, as aníng xoordu sleémeero ngiwa geerahaar amoorós, as nguwa haratlintii'iya', nee nguwa iialooeemisiya'.

1 Korinto 7:32

Ala gár án ni slaa' masók kuungá' an daawimita'aaká. Heedaádá' aa duuxunká in daawiimiit as Aako, nee adór ngur qwal/atisi.

1 Korinto 7:34

inslawaywós tari badu tsár. Nee /ameenidá' taa duuxiiká, nee /amaatliito'ooro, inooín sleeme in daawimitiyá' as Aako, as kahhó' tawa múk hhohhó' baraá slaqoowo nee baraá muneero. Ala /ameenidá' taa duúx, inós in daawimít as muruú baraakaá yaamu, nee adór hhawaatuuwós ngur qwal/atis.

Efeso 6:18

Muruuwí sleémeero tlehhiitaak ar baraá firo, tawa firiiriinda' umuúqo daqto ar /uuruú Qeeruú hhoohhoó' oo Mungú. Gawaá adoorihe dalaaé' tawa kumita' baraá firooro, múk hhohhó' oo Mungú sleémeero kuwa aleefiriiriinda'.

Filipi 4:6

Ma daawiimitaara' baraá umuúqo gaaro. Ala umuúqo gaaro ar ta sla'a'a Mungú na ádbawaak, kuwa firiiriinda' nee kuwa sluufmisa'.

1 Timoteo 2:1

Gár ni gawdeemiis ta muruú hatlá' sleémeerowo a tí, firo nee saaliingw nee aleefiro nee sluufaay, muruuwí sleémeero i tleehharuuti as muu sleémeero.

1 Timoteo 5:16

Ala /ameenír kríshaanto'o barnaxes i deer, ar kwaeelaá koom dír do'ose, kwaeelidá' ngi alee/is inósár kilá', as múk kríshaanáy mukuwa diitsakwaár ar áy. As múk kríshaanáy /ameenadár kwaeelaá ló' ngiwa alee/iisi.

1 Timoteo 5:3

/Ameenár kwaeeli ilaiwawa/eek, kwaeelidaá ló'.

2 Timoteo 1:3

Munguúwí ni sagadiyuus ar muunuú hhoohhoó' iimír taati'iieé' wa ale un ló'wa sluufmiís. Aníng kuúng u baloó gunqareesaaká aleefirooro tlaatla/aangw nee xweeraawo.

1 Petro 3:5

/ameenadá' hhohho' ar aáng hhohhoaari adór ngira leelehhít an adoorí. Inooín Mungú kuna harahhiíf, tam iri iialooemís dír hhawaateeine.

RUTI 2:12

Gawaá tisíng taa tlehhiti AAKOÓ MUNGÚ bu'utuuwók ngu haniisi. AAKOÓ MUNGÚ, MUNGÚ Israeli bu'utuú yaariír ngu haniisi, kudá' kiíng taa i góp as kiíng iwa xun.»