1 Timoteo 5:23 - Biblía Axweesantá Hhohho' ar Mungú 2004

²³ Iimír hamí ma'aay kilooín mi wahaamaar, ala difaaír niina wahaameek as guruuwók kwisíng tiqaaqiím daqtá yaariire.

Ya/abtór hho' 1977

²³ Iimír hamí ma'aay kilós mi wahaamaar, ala difaaír niina wahaameek as guruuwók as tiqtisíng kuúng u daawiitimaamis daqtá yaarire.

1 Timoteo 5:23 Iomraidhean Croise

WARA'AMI 104:15

Nee difaáír muunaáwós gu qwala/aas, di/tá gitsee/awós ngir soohhayesi, nee fa/ár /uuru ngur slay.

ESEKIELI 44:21

Kaahamusmoó Mungú difaái mingiwa wáh, qoomár bir dah dír afeenidár baraá guruú do'.

Tlehhema'aá ya/Abuuse 18:5

Sila nee Timoteo tindiwa aweér Makedoniár wa ale, Paulo pa/aangw guri sláy oo axweesantá Mungú ngiwa alki/iiti umuúqo deelooro, múk Yahudi guri lamabu'ún adór Yesu tar Kristo.

Efeso 5:18

Kuungá' xuftár difaáiro ma kumiitara', asma slafingwhúng sleémeero u qwaaresá'. Ala masók tundun hatsiis Qeeruú hhoohhoó' oo Munguhe.

1 Timoteo 3:3

Inós masók a heé ooniitusmoowooká, heé xaraslaaká, masók a heé tsá', masók a heé kaanganusmowooká, slám masók a heé peésár ilatleerusaaká.

1 Timoteo 3:8

Alee/isuusér múk kríshaanáy sleeme masók a múk daharuú koóm. Inooín masók a múk axweesanay'ín warqaqawaaká, nee slám masók a múk xuufiitaaká. Slám inooín peésár loohír ganaa'aaká masók ka slaiiká.

1 Timoteo 4:4

Asma umuúqo gaaro ar Mungú aa tleéhh ka hhoo'. Slám ar si'imá wa hariim i káhh. Ala umuúqo gaaro gár kawa hariím masók a kan ilaoh ar sluufaay.

Tito 1:7

Asma geeraharusmoó múk kríshaanáy gadiyér Mungú kaa dabaawós i qaás. Gawaá adoorihe a gár hariím inós tawa heé xaslxaansli wásl. Inós masók a heé ti kilós sla'atimisaaká, nee a heé buhhtaawo inslaahheeká, masók a xufutusmoowooká nee a heé xaraslaaká. Nee slám masók a heé slaasláwár mure ga sla'aaká.

Tito 2:3

/Ameenár aa uraareer ka beer sleeme, gár tunduwa hariím masók an hotá' ar adoodá' múk hhohhó' oo Mungú ir hotaatin. Nee slám kuungá' daandeemaá muu mi kaahara', nee xufta ma intsaahhara'. Ala kuungá' masók tidá' hho' an intsaahhatimisá',