1 Timoteo 5:17 - Biblía Axweesantá Hhohho' ar Mungú 2004

¹⁷ Bariisér gadiyér'ín ar geeraharu'uuma ga tleehh ar adoodá' qoom ki ló'wa ilaiwawa/i, ak alé tidá' ti daawiitimis ar muu kuwa axweesantá Mungú i alki/iiti nee kuwa intsaahhatimisi.

Ya/abtór hho' 1977

¹⁷ Bariisér gadiyér'ín ar geeraharahat ga tleehh adoodá' ir qoon, ka ilaiwa/amér i haniisi ló'wa ale, ak alé tidá' ti daawiitimis ar muu kuwa axweesantá Mungú i alki/iiti nee kuwa intsaahhatimisi.

1 Timoteo 5:17 Iomraidhean Croise

2 WAAWITÁ 2:9

Tawa hardáh gayuduú hatlae Eliya Elisha guri báy, «Gimáy gár ta sla' ooang dír aníng tira ar tlayká diroge.» Elisha iri oó', «Masók aleesleemuú qeeru oo adór kók kwisíng un sagaáwa tsár wa sláw.»

ISAYA 40:2

Axweesé' ar afór tsa' nee yaamuloouusér Yerusalemu, ádbawaak ar afór ur, inooín kibeeto' slaqwararhúng aa fák. Tlakweemaaín kaa gurtláy, AAKOÓ MUNGÚ inooín gaa slaáhh sagáwa tsár wa alé, asma tlakweemaaín kudá' sleémeero naa tleehhiyé'.»

YEREMIA 16:18

Aníng li/oó dakumisuuín nee oo tlakweemaine un buú' sagaáwa tsár, asma yaamu nga meeta gaasiyé' ar tuaá munguii'ín kudá' naa aáhh, yaamuueé' ngaa dalaa/iyé' muruuín kudá' ni waka.»

YEREMIA 17:18

Kudá' aníng i slahh'eemisá' ki mureekeesi, ala aníng mi mawaar tiwa mureekeesi. Kuká' ki alsi'imúy, ala aníng mi mawaar tiwa alsi'imuy. Amotlakwe ti hup. Hhaamiseek ni sagaawa tsár wa qororo'ootiye'.

SEKARIA 9:12

Kuungaásingaá taa tsegiít awa harahhifór koomá', ki/é' amór koo/irhúng tidá' gawit. Hamí án kuungá' nun baw, nu hhooeemáy ki/ís sagaáwa tsár wa ale.

FAARO 18:31

Kuungá' muruudá' tindi hanmiisi un /agá' umuúqo dír tay dir'a'a, kuungá' nee mukhunge, asma gaarí a bu'utuuhúng as tawa múk baraá heémár Mungú wa gadiyuús.

Matayo 24:25

Ala ga/aawaagáy, aníng kuungá' naa geerií gurbuú'.

Luka 10:7

Ta baraá do'dá' wa hotá', muruú /aymár dooín ku /agá' nee ta wahaandá'. Asma heé gadiyuús i harín bu'utuwo. Ma maraá hatlá' i lolohiimara'.

Luka 12:42

Aako iri oó', «Sagadiyusmoó inkihhimuú koóm nee oo sagalooár koóm a gaalá, oo aakoowós i qaasi gawaá daanduú sagadiyuuseerós sleémeero, as muruú /aymar'ín nguwa hanmiisi qoomár hariima.

Yohana 4:38

Aníng nuna ya/aáw kawa bu'uunda' tidá' tasa daawimiti'iiká, bartaka ina daawimít, kuungá' daawitamer'ín aga i daté'.»

Tlehhema'aá ya/Abuuse 11:30

Adoodá' taa al'axweés, kari tleéhh. Barnaba nee Saulo kiri ya/aáw, as alee/isaydá' kuwa huwi amór bariiseedár baraá yaamaá Yudéár i dirii'.

Tlehhema'aá ya/Abuuse 20:35

Baraá muruú yaariire aníng ngaa laqaám, adór gár atén tiwa hariím, tar liitlakuuse kawa alee/iisaan, ar gadiyér adór tí kawa tleehhaan. Nee /ayma'aá Aako Yesu ki inslawaán, kudá' iwa oó', ‹Qwala/ i deer baraá gaa haniisaro ta baraá gaa ilaooharo.› »

Tlehhema'aá ya/Abuuse 28:10

Inooín atén tiri ilaiwawa/iyé'. Qoomár tleemuurén iwa xáy, tiri muruú yaariír i hanmiís oo taqo sla'aana.

Rumi 12:8

Nee heé aleesleemuú gurbu'uungw gu koóm, muu ngu gurbu'un. Heé muruuwós hanmiís, ngu hanmiisi ar muunuú /awaák. Heé múk hatlá' sageesihhimiít, muu ngu sagesihhimiiti ar ilakaaharu. Heé gurtleemuú koóm, muu ngu gurtlatlay ar qwala/.

Rumi 15:27

Inooín kilooín adoorí kana al'axweés, ala tam adoorihe inooín gár kiwa hariím aqo kin alee/iis. Asma mukduú Yahudi múk xoordaá hatlá' nguna alee/iisiyé' muruú baraá qeeruuwo. Gawaá adoorihe múk xoordu daxta inooín gár kiwa hariím a múk Yahudi ngun alee/iisiyá' sleeme muruú slaqoowo.

Rumi 16:12

Trufena nee Trufosa intsihhiisaak. Inooín gadiyér Aako ngina tlehhiitiyé' ar ilakaahara. Persi intsihhiisaak. Inós a sla'aarusmooeé' oo gadiyér Aako gaa ló'wa tleehh.

1 Korinto 15:10

Ala gár aníng nis adoorí dirii' a tsuuqaá Mungú. Slám tsuuqaawós kuká' naa aníngí haniís a tawoorooká. Ala aníng gadiyeé ana ak tleéhh ta kudá' hatlá' sleémeerowo. Ala heé gaa tleehh a aningeeká, ala a tsuuqaá Mungú kudá' dinkwárí diriia' nee aníng.

1 Korinto 16:16

Kuungá' geeraharu'uumár múk adór kwí naa eeharaak, nee ar umuúqo heewo oo gadiyér tleéhh nee oo ti daawiitimiís dinkwa nee inooín.

1 Korinto 3:9

Asma atén a sagadiyuuse, tidá' gadiyuus dinkwa nee Mungú. Kuungá' a qaymór Mungú, nee a doó Mungú.

2 korinto 6:1

Atén a gadiyuusaán dinkwa nee Mungú. Gawaá adoorihe atén kuungá' nu gurbu'uumaán sleeme, kuungá' tsuuqaá Mungú kudá' taa ilaoté' mi qwaareesara'.

Galatia 6:6

Umuúqo heé ta intsaahhatimisi axweesantá Munguhe, intsaahhatusmoowós ngu qay tidá' hho' sleémeerowo.

DABE 18:8

Muruú /aymár i slay aqo in alqón nee oo kaahamuusér hatlá', tam handá' muruú /aymar'ín oo hatlá' ngu slaslaya'a dír hhaeeín awa hatlá' wa ale.

Filipi 2:16

asma kuungá' Ya/abtór hho' ar slafiingw an alki/itá' dir'ín i alé. Gawaá adoorihe kuungá' a xirfuueé' bál deeloodár Kristoowo, asma aníng aga tawó ti'ii'imiiká, laqaá aga tawó daawiimitiiká gadiyeede.

Filipi 2:29

Gawaá adoorihe, inós ilaoohaak ar qwal/uú yaariír, adór hhiyoó baraá Aako. Múk adór inós ilaiwawa/aak.

Filipi 4:3

Nee kuúng sleeme, sla'aarusmooeé' oo sagadiyusmo dinkwa nee aníng, án kuúng u firiím, /ameenaasíng alee/iiseek. Asma inooín Ya/abtór hho' ngina sa slaqwiyé' nee aníng, nee Klementiwo, dinkwa nee kudá' hatlá' awa gadiyeé ngaa tleehhiye' nee aníng. Inooín umer'ín kaa gooín baraá kitaábuú slafiingw.

1 Timoteo 3:5

Asma heé do'ós geeraharto gu aleeslaslawaaká, adór múk Mungú geeraharto ngur aleeslay a adoomá?

1 Timoteo 4:10

Gaarí an gár atén tas daawimiitaan nee tas ló'wa gadiyuusaan, asma haraxu'utirén aga qaasaán gawaá Munguúdá' slaáf. Inós a Ba/amusmoó muu sleémeero, ak alé oo mukdá' gwa haratlintii'.

1 Timoteo 4:14

Kuúng aleesleemuú Qeeru u koón baraawoge, kudá' taa sleér qoomár aaruuse iwa aaririín nee bariise uwa dákw i qás. Ala aleesleemuusíng mu mawaar kuwa ar gadiyus.

1 Timoteo 4:16

Adór kuúng tar hot ga/aaweek nee muruudá' ta intsaahhatimis ga/aaweek sleeme, kumiít muruuwí sleémeero kuwa tlehhit. Asma adoorí bara tléhh, daqaní kuúng kilók ti ba/amís, nee mukdá' sleémeero kuúng u iiárií qamiím sleeme.

1 Timoteo 4:6

Intsaahhatisarí sleémeero alki/iiteek dír hhae. Daqaní kuúng a sagadiyusmoó hhoó' tleehhít oo Kristo Yesu. Asma kuúng qeeruuwók un /aymís axweesantá haratlintaaooro nee intsaahhasadár ló', tidá' kuúng taa eehát.

1 Timoteo 5:19

Sakwasleemár daanduú geeraharusmoó múk kríshaanáy ma ya/aamaar, aqo ay dír ki axas dír afér múk tsár wa ale, laqaá tám.

1 Timoteo 5:3

/Ameenár kwaeeli ilaiwawa/eek, kwaeelidaá ló'.

2 Timoteo 2:6

Dooslusmoodá' gadiyeé gaa tleehh ar /uuru, inós gár kuwa hariím a bu'ungwduú gadiyeérós gun geerií /aay.

2 Timoteo 4:2

Ya/abtoorí alki/iiteek, masók tu amohhoó' qoomár hariima nee qoomár hariimaakahe. Tlakweemaá muu geehhooutiseek, iigahhamiiteek, naanaqeek ar qitla sleémeero, nee kiwa intsaahhatimis.

Ebrania 13:17

Kuungá' geeraharuuserhúng ilaiwawa/aak, nee adoodá' inooín ta kaahi tlehhiitaak. Asma inooín munerhúng ngin ga/aayá' xweera nee tlaatla/aango. Asma faarór gadiyér'ín ngi ooiyá' dír Mungú i alé. Kuungá' bar iga ilaiwawa/é', inooín daqaní gadiyér'ín ngi tleehhiyá' ar qwala/, ala ar gurhaamirooká. Ala barnaxes kan tleehh ar gurhaami gadiyér'ín daqaní gár dirhunge i bu' i káhh.

Ebrania 13:24

Geeraharuuserhúng sleémeero intsihhiisaak, dinkwa nee múk hhohhó' oo Mungú sleémeero. Hhaeedaádá' yaamaá Italiár dahhá' kuungá' nu intsihhiimisiyá'.

Ebrania 13:7

Kuungá' geeraharuuserhúng inslawaak, tidá' axweesantá Mungú ngaa dirhúng i alki/it. Slafingw'ín kuungá' inslawaak adór inooín tara hoót, nee adór tara qaátl, haratlintaaor'ín na eeharaak.