1 Timoteo 5:14 - Biblía Axweesantá Hhohho' ar Mungú 2004

¹⁴ Án ngi slaá' /ameenár kwaeeli ar ninakw a tsiní barka malé duxuút, nee na/ii ngiwa laqwal, nee iwa maráy wa daawimit, as wakuuseerén pa/aangw munguwa sleér atén tiwa muruú tlákw babeer.

Ya/abtór hho' 1977

¹⁴ Án ngi slaá' /ameenár kwaeeli ar ninakw a tsiní barka malé duxuút, nee na/'ii ngiwa laqwal, nee iwa maráy wa daawimit, as wakaarusmo pa/aangw munguwa sláy oo kiwa daanda axweesi muruú tlakwe.

1 Timoteo 5:14 Iomraidhean Croise

IIMU/UUNGW 18:6

Naagáy Abrahamu iri gaanslár kií/ amór Sara baraá heéma, gari báy, «Mutliít, slooqa'aá tám awa puurúdá' hhohhó' adaá amohhe'eeseek, lufu/eek, mikaáte ka tléhh.»

IIMU/UUNGW 18:9

Inós nguri yaahasiyé', «Hareerók Sara i amá?» Iri oó', «I baraá heéma.»

2 SAMUELI 12:14

Tam adoorihe as tlehhmudá' alsi'ím taa tléhh, AAKOÓ MUNGÚ ugwa kángw kilá' wa waaqá', as adoorí na/aywók i gwaa'.»

AXWEESANOÓ SAGALOOA 14:1

/Ameenír sagaloo' do'ós gu tléhh, Ala ar daktani gun fé/ ar dabaawós awa kilá'.

YEREMIA 29:6

Duxuuxumé', na/ii laqwalaak, daaqayhúng i duxuuxun nee dasuuhúng ku duxuuti, ta laqwaali. Doogigimé', ma baloó /aaruwaara'.

DANIELI 6:4

Mukdá' urén dinkwa nee ga/awuuse adór Danieli ngur lámtí tsatiya' ngiri leelehhitiyé' baraá muruú waawuti'iimaro, ala nga slay'iiká, asma Danieli i ló'wa inkihhimuú kón, asma dakuusár Danieli aa tleéhh i káhh. Laqaá insarehhamoó taa ár i kaahh.

Rumi 14:13

Gawaá adoorihe atén kilootén mitiwa sakwasleemuutaán. Ala masók sakwasleemarhúng a adoorí, hee hhiyaawós munguwa dukuutsmoó i qaás, laqaá munguwa baraá tlakweemií daáhh.

2 korinto 11:12

Ala aníng a kumiít adoorí ngiwa tlehhiit, as masók mukduú hatlá' pa/aangw munguwa sláy, oo tiwa kilooín xirfayeemisiya' tawa ooi, «Atén gadiyér Mungú an tlehhiitaán adoodár inooín wa ale.»

1 Timoteo 2:8

Gár án ni slaa' hhawaate masók an múk daba' hhohhó' nee oo buhhabuhhaaká nee múk tlaampa'aamisaaká. Ala umuúqo diiro hhawaataá adoorí masók dabaaín ngin gáwtí tleemisiyá' baraá firooro.

1 Timoteo 4:3

Mukwí in intsaahhatimis iwa kaahi, «Duuxo ka tlaakw.» Slám ta kaahi, «Muruú /aymarka ku tlaákw /aymaaro.» Ala Mungú muruú /ayma sleémeero guna tleéhh as kuwa /ayi ar sluufaay nee mukdá' aa haratlintii', kudá' looeema gaa tsaahh.

1 Timoteo 5:11

Ala /ameenár kwaeeli ar ninakw ma ya/aamaar gooiro. Asma ilatleerir'ín ar slaqwa bira tláhh, ta quutl dír Kristowo, tari duuxór áy.

1 Timoteo 6:1

Mukdá' sleémeero oo lawaale ngi xuiye' adór daqaarer'ín tar múk hariím ilaiwa/ameero, as umuú Mungú mukuwa /oosliislín, nee intsaahhasarén sleeme.

Tito 2:5

nee tawa /ameenár danqamisuú koom, nee ar hhohho'. Slám ka intsaahhatimisá' tawa /ameenár gadiyér tleehh dír maray'ín wa aleeró, tawa /ameenár hho', nee hhawaateeín ngiwa ilaiwawa/iya', axweesantá Mungú makawa biibisín.

Tito 2:8

Axweesantók sleémeero masók a axweesantadá' hariim ar ta waaqaqaiiká, as mukdaádá' atén ti tlaampa'aamisuú wa slaá', masók gár tlaakw ar ta ari i káhh daandeemoorene.

Ebrania 13:4

Muu sleémeero duuxo ngi ilaiwawa/i. Hhawaata nee hareerós masók a múk inkihhimuú koóm baraá duuxor'ine. Asma Mungú fuquuse nee tsaatuuseero gi sakwasleemuut.