1 Timoteo 5:11 - Biblía Axweesantá Hhohho' ar Mungú 2004

¹¹ Ala /ameenár kwaeeli ar ninakw ma ya/aamaar gooiro. Asma ilatleerir'ín ar slaqwa bira tláhh, ta quutl dír Kristowo, tari duuxór áy.

Ya/abtór hho' 1977

¹¹ Ala /ameenár kwaeeli ar ninakw ma ya/aamaar gooiro. Asma ilatleerir'ín ar slaqwa bira tláhh, ta quutl dír Kristowo, tari duuxór áy.

1 Timoteo 5:11 Iomraidhean Croise

ISAYA 3:16

AAKOÓ MUNGÚ i kaahi, «Dasuú Siyoni iwa daara/an, bir hi'iimitiyá' sage nga gáwtí kawaawa'ané', nee ilaaín in tawo waseeliná' as ilatleeri. Hi'itanor'ín ar taqanaa/i, i hara mitingaroó tsingili'imisiyá' ar ya'aaín.

HOSEA 13:6

Ala qoomár inooín gur'er'ín ngiwa dala/ané', niri taqana/utiyé', aníng iri gunqareesiyé'.

DABE 32:15

Ala Yeshuruni ina wahhaár nee kal/aando gari iimu/ún. Kuungá' ana wahhadité', gur'e kari tlehhité', tari bununuquumité'. Aluuwo Munguúdá' gaa tleehh nguri si'iyé'. Tlaa/adár ba/ama ngari waaqaaiyé'.

1 Timoteo 4:3

Mukwí in intsaahhatimis iwa kaahi, «Duuxo ka tlaakw.» Slám ta kaahi, «Muruú /aymarka ku tlaákw /aymaaro.» Ala Mungú muruú /ayma sleémeero guna tleéhh as kuwa /ayi ar sluufaay nee mukdá' aa haratlintii', kudá' looeema gaa tsaahh.

1 Timoteo 5:12

Nee daqaní inooín kiri sakwasleemuut as al'axweesantaín tidár geera ngiwa si'iyé'.

1 Timoteo 5:14

Án ngi slaá' /ameenár kwaeeli ar ninakw a tsiní barka malé duxuút, nee na/ii ngiwa laqwal, nee iwa maráy wa daawimit, as wakuuseerén pa/aangw munguwa sleér atén tiwa muruú tlákw babeer.

1 Timoteo 5:9

Kwaalo'ór ta gooiin a tidá' kureeraá mibeeraá lahhoó' gaa eer. Nee slám inós masók hhawaatuú gaa duux a wak.

Yakobo 5:5

Kuungá' baraá slafingwhunge ana hoté' ar hheehha nee ar qwal/uú ilatleeri. Kuungá' munerhúng ana wahhaareemisé' as deeloodá' tunduwa tsu/i.

2 Petro 2:18

Asma inooín axweesanoó urén kun kah oo gaa wásl. Nee ilatleerír slaqwa kan ar gadiyuus as múk aa sangw haratlintii' kuwa al/ayi, mukdá' baraá tla/ángw tlakuuse ngaa sangw geexay.

Geehhoeemaá 18:3

Asma múk xoordu sleémeero gwa oonitimís ar tsaatu'uumarós tidá' xaraasl adór difaáír aa hamat. Nee waawituú baraá yaamu aa fuquús nee inós. Nee múk halaanu'uumár tlehhiít baraá yaamuwo, aa daqaari'iít ar daqaari'iimarós tidá' ur ar har qoomay wasl.»

Geehhoeemaá 18:7

Slahh'ámu nee gurhaami dirós i haniisaak ar adoodá' inós tira xirfayeemís, nee ira hót ar slafíngw diihhooa. Asma inós i baraá muunaáwósí kat, ‹Aníng a waawuto'o, slám a kwaalo'orooká. Aníng gurhaami a baloó araaká.›

Geehhoeemaá 18:9

Nee waawituú baraá yaamu, kudá' aa fuquus nee inós, nee kudá' nee inós diihhooa kaa al/aay, inooín tari tsuunqumiis qoomár quuír asltá inós gaa xaawuur bar kaa ár.