1 Timoteo 5:10 - Biblía Axweesantá Hhohho' ar Mungú 2004

¹⁰ Slám inós masók kaa lamabu'ún tlehhema'aá hhoe. Masók na/ii nga umiín, nee dahaaye gaa dahi'imís, slám masók ya'aá múk Mungú nga hamtlít, nee múk taa slahh'eemiís ngwa alee/iimís, nee slám tlehhemuú hhoó' gwa tlehhít ar ilakaaharu.

Ya/abtór hho' 1977

¹⁰ Slám inós masók kaa lamabu'ún tlehhema'aá hhoe. Masók na/'ii nga umiín, nee dahaaye gaa dahi'iimís, slám masók ya'aá múk Mungú nga hamtlít, nee múk taa slahhe'eemiís ngwa alee/iimís, nee slám tlehhemuú hhoó' gwa tlehhít ar ilakaaharu.

1 Timoteo 5:10 Iomraidhean Croise

IIMU/UUNGW 18:4

Ma'aá niiná kingi huuw as ya'aahúng kiwa hamtla', ta hungu/usá' baraá gamuú xa'anoowí.

IIMU/UUNGW 19:2

Loti giri báy, «Bariiser'eé', na'asé' do' awaare'. Na'asé' dahaaré' baraá doó lawaalmoohúng i alé, ni delá'. Ya'aahúng hamaatlaak, daqaní matlaatlér boo/e ta tseewa tleerá', ta kumiitá' aaiiwo.» Malaykeedá' tari oó', «Aasla'áy, a adoosingeeká, atén looa a tsee/aá wa tleesaán.»

IIMU/UUNGW 24:32

Gawaá adoorihe heedaádá' iri baraá dó' i dáh. Labani angamía gay gweér, gay gitsór i haniís. Iwa hhe'eés, ma'aá ya'aá heedaádá' nee mukós giri haniís.

IIMU/UUNGW 43:24

Geeraharusmoodá' mukdá' gway amór doó Yosefu huúw, giri ma'aay haniís, ya'aaín kiri hamaátl, daqwaayer'ín gay /aymiís.

WARA'AMI 119:4

Mungú, kuúng tina hara'ayarók i hanís, as kawa oohaan ar inkihhimu.

ISAYA 1:17

Tlehhma'aá hho' tlehhtuuwo na intsatsaahhaak, sakwasleemár ganaa' tlehhitaak. Awa ta baramaanuusi alee/imisaak, panaay aleeslaqwaak. Kwaalo'o aleekala/aak.»

TLAHHOÓ LAÁWI 25:35

«Barnaxes hhiyaawók a narkutmoó ti aleeslawaaká amohhe'eemisuuwo, a gár hariim kuwa amohhe'es as iwa kumiiti slafiingo, amohhe'eemiseek tawa adór dahaaymo nee aausmo diroge.

Matayo 25:17

Tam kudaáduú talaántár tsár gaa slay, inós sleeme gari ar halaanuús, talaántár hatlá' tsár gari sláy.

Matayo 5:16

Gawaá adoorihe gwa/aateemaahúng i gwa/aatiye' dír geeraá muko, as tlehhemi'iihúng awa hhohho' kiwa ari, nee Baabuúhúng kuduú gawaá doorí dirií' kuwa xirfayeesi.»

Luka 7:38

iri alaá Yésú ii sihhít dír ya'aawós, i /aa/amiín. I hhirhheeraá paahhamís gawaá ya'aá Yesu, nee gi se'éngw sagós ar fitsít. I ya'aá Yésú slikiín ar mooyaangw, gi hara ma'amís.

Luka 7:44

Iri warqáy amór /ameenidá', Simoni gway báy, «/Ameenirí a ga/eéra? Án nina baraá do'ók i dáh, kuúng ma'aá ya'aaeé' ngir slawawa/aas ngaa haniská, ala /ameenirí ya'aaeé' ngaa hhirhheeriwós i taxmaamís, giri fíts ar se'éngw sagós.

Tlehhema'aá ya/Abuuse 10:22

Tari oó', «Kornelio, geeraharusmoó askaári, atén tina ya/aáw. Inós a heé ganaá', slám a heé Munguú ilaiwawaá/, nee adór tar heé hhoó' múk Yahudi sleémeero ga xuu'. Inós kuna ádbáy nee malaykamoó hhoohhoó' muu nguwa ya/aawi amoorók, as kuúng tawa amór do'ós i daqeer, as axweesantók ngiwa axaasi.»

Tlehhema'aá ya/Abuuse 22:12

«Heeko wák ta bay Anania i deer. Inós a heé ilaiwa/amér koóm gawaá hara'ayaro, heé ta hhoár i xui nee múk Yahudi sleémeero oo amoodá' i dirií'.

Tlehhema'aá ya/Abuuse 6:3

Hhaeerén gimsé', múk faanqw tsawaaraak tla/angwhunge, oo ta hhooár i xua', nee oo taa hatsiís Qeeruú hhoohhoó' oo Munguhe nee sagalooa, as kiwa qaasaan baraá gadiyeérí.

Tlehhema'aá ya/Abuuse 9:36

Nee eeharuso'orka wák i deer baraá gixsár Yopa, umuuwós a Tabita, tsifrír grikiro a Dorkasi (gídaabárós a tlaaqati). /Ameenirí tlehhma'aá hho' awa yaariir gaa tlehhaahhít, nee ilahhooa ga hanmaamís dír múk i alé.

Tlehhema'aá ya/Abuuse 9:39

Petro iri tláy, nee inooín tiri koné'. Iwa hardáh, kuna tsa/aás gawaá qoroófa. /Ameenár kwaeeli sleémeero ina bihhiiwós i sihhít, ta /aa/amín, kuri inqwaruú i laqaqán, nee hiyi'i, kudá' Dorkasi aa hirít qoomár iwa slaf.

Rumi 12:13

Kuungá' sleeme múk hhohhó' oo Mungú kuduú liitlakuuse alee/iimisaak, nee dahaaye na dahi'imisaak.

Efeso 2:10

Asma atén a gadiyér Mungú. Inós atén tina tleéhh ar baraá Kristo Yesu, as atén tlehhma'aá hho' kiwa tleehhaan, kudá' Mungú aa qaroó amohhe'eés as atén kiwa eeharaan.

Kolosai 1:10

Daqaní a aleesleerá' tawa hota' ar adór hariím dír Aakoowo, Aako kuri qwal/atisá', nee adoodá' inós i slai kari tlehhitá'. An malé firiimaán as kuungá' umuúqo gár hhoo' kawa tlehhita', nee tawa kumita' Mungú kuwa tsatsahhaanda'.

1 Timoteo 2:10

Ala parootir'ín masók an tlehhema'aá hho'. Asma adoorí an adór hariim dír /ameenár, Munguú ilaiwawa/a.

1 Timoteo 3:2

Geeraharusmo gár kuwa hariím masók a heé ta muruú tlákw i kaahiiká, inós masók hareerós a wak. Masók a heé qoóm nee oo sagaloó', heé muruú qoomeemeés, heé dahi'iimis, oo intsaahhatisa ga baál.

1 Timoteo 3:7

Slám inós gár kuwa hariím masók kun lamabu'úngw hhoó' i kah nee múk hatlá', as mukuwa daanda axweés muruú tlákw i alé, nee kuri oh nee tsaaxweelír Neetlaangw.

1 Timoteo 5:16

Ala /ameenír kríshaanto'o barnaxes i deer, ar kwaeelaá koom dír do'ose, kwaeelidá' ngi alee/is inósár kilá', as múk kríshaanáy mukuwa diitsakwaár ar áy. As múk kríshaanáy /ameenadár kwaeelaá ló' ngiwa alee/iisi.

1 Timoteo 5:25

Gawaá adoorihe tlehhema'aá hho' sleeme ki gehho'. Ala tam kudá' gehhoeká ki aleeslayká lu/uto.

1 Timoteo 6:18

Inooín masók hhooeema kin tleehh, slám masók tlehhema'aá hho' awa yaariir ki tlehhiit, nee masók a múk gurhhoén oo múk qaqáw muruuine.

2 Timoteo 1:5

Asma aníng a xuú' adór kuúng Mungú kura haratlintí' ar haratlintaaór waaqooda wasl. Haratlintaaoorí geeraawo aamaarók Loisi gan koón, nee aayoorók Eunike. Slám aníng a xuú' adór kuúng kar koón sleeme.

2 Timoteo 2:21

Ala hee bir taa hhoohhooeés nee tiri paraatl dír muruuwí tlákw naa alki/iít, inós daqaní a xooslmoó taa qaás as gadiyér xirfuú koom, kudá' taa hhoohhooeés, oo Aakoó do'dá' wa hariím, nee slám a kudá' hariím baraá umuúqo gadiyér hhooe.

2 Timoteo 3:15

Asma iimír na/uumaroge kuúng Gooír hhohho' a xú', tidá' sagalooa ngi kuúng i hanmiis, as ba/ama kawa sleer ar loohír Kristo Yesu kuwa haratlintí'.

2 Timoteo 3:17

As kahhó' heé Mungú iwa ganaai nee kuwa amohhoó' as umuúqo gadiyér hho' ngiwa tleehhi.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

Tito 2:7

Ala kuúnguú kilá' masók an slaqsoó hhoó' tleehhít ar baraá tlehhema'aá hho' sleémeero, nee ar baraá intsaahhatimisuuwo, kawa intsaahhatimis ar ilaiwa/ame nee ar looeema.

Tito 3:1

Muu inslawtiseek iwa ilaiwa/amér kon dír geeraá múk aleesleemuú kooma, nee dír geeraharuuseero, nee ta iialooeesi nee ti amohhe'eesiye' umuúqo gadiyér hhoe.

Tito 3:14

Nee mukrén sleeme gár kuwa hariím masók a tlehhema'aá hho' tleehhtuuwo kin intsaahh didaádá' kiwa hariím, as matawa tawó hoót baraá slafingw'ine.

Tito 3:8

Tí naa oó' ar ló'. Nee án gár ni slaa' muruuwí masók un gawdés ooaro, as mukdá' Mungú gwa sangw haratlintii', tlehhema'aá hho' kiwa tlehhiiti ki slai. Adoorí ka hhoo' nee slám ka afhhamít dír muko.

Ebrania 10:24

Atén masók ti kilootén ga/aawaán nee ti alee/iimisaán as tawa hootaan ar sla'aari nee ar tlehhema'aá hho'.

Ebrania 13:2

Ma gunqaruutara' dahaaye kawa dahi'iimisa' baraá marayhunge. Asma awa adoorí ngaa tlehhiitiye', daqtakaaro malaykér Mungú ngaa dahi'isiyé', ala inooín kaa xuiiká.

Ebrania 13:21

Munguúwí umuúqo gár hhoo' ngi kuungá' i haniisi, as kuungá' sla'aarirós kawa tlehha'. Inós tidá' i slai ngi tleehhi baraá muneerene ar loohír Yesu Kristo. Inós i xirfuuti ay alhhe'eesay wasle. Amin.

1 Petro 2:12

Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.

1 Petro 4:9

Nee slám kuungá' kiloohúng ti dahi'iimise' ar qununu/ay wasle.

3 Yohana 1:12

Demetrio ku lamabu'úngw hhó' i kah nee muu sleémeero. Tam looeemaá kilá' sleeme ngu lamabu'uná'. Ala atén sleeme un lamabu'uumaán, nee kuúng a xú' adór gár atén ta kaahaan tar ló'.