1 Timoteo 4:15 - Biblía Axweesantá Hhohho' ar Mungú 2004

¹⁵ Muruuwí na aldakuuteek nee kuwa tlehhit ar ilakaaharu, as muu ngiwa tsaahhi adór kuúng tar geerií kumit.

Ya/abtór hho' 1977

¹⁵ Muruuwí na aldakuuteek nee kuwa tlehhit ar ilakaaharu, as muu ngiwa tsaahhi adór kuúng tar geerí kumit.

1 Timoteo 4:15 Iomraidhean Croise

WARA'AMI 1:2

Ala dabér AAKOÓ MUNGÚ gu sla'atimís, nee dabeedá' gan aldakuut tlaatla/aangw nee xweeraawo.

WARA'AMI 104:34

Munguúeé' ku qwal/asi nee inslaway'eé'. Asma qwal/amaayer'eé' sleémeero amór i dahh a amór AAKOÓ MUNGÚ.

WARA'AMI 105:5

Inslawaagáy tlehhmi'iidá' waa/oo/amo inós aa tleéhh, waa/oo/amoorós nee kwasleemadá' aa tlaáq,

WARA'AMI 119:148

Xweera sleémeero a xumamiís iimi ngari fiíq, as al'axweesantók ngiwa aldakuut.

WARA'AMI 119:15

Hara'ayarók an aldaákw, nee ngari alqaytsiít.

WARA'AMI 119:23

Tam múk urén án i geewaqatiia, anuú sagadiyusamoowók tidá' iga beér an aldakuút.

WARA'AMI 119:48

Hara'ayarók an ilaiwawaá/ nee an slaá', án kaahirók an aldakuút.

WARA'AMI 119:97

Dabeerók aga gurií baá/, tlaatla/angw sleémeero an gár ni aldakuut.

WARA'AMI 119:99

Tsaahha a koóm tam intsaahhatuuser'eé' sleémeero ba/a, asma adoodá' kuúng ta kat an aldakuút.

WARA'AMI 143:5

Deelór aa waarahh ar qaro aga insláw. An aldakuút tidaádá' sleémeero taa tléhh. Ar kuúng taa tléhh ar dabaawók an gurií axweemamiís.

WARA'AMI 19:14

AAKOÓ MUNGÚ, axweesanoó afkwe'eé' nee inslawoó muunaáeé', ya/aám ngi slay diroge. AAKOÓ MUNGÚ, kuúng an baqmor'eé' nee ba/amusmooeé'!

WARA'AMI 49:3

Afkwe'eene axweesanoó sagalooa un axweés. Inslawoó baraá muunaáeé' oo dahar.

WARA'AMI 63:6

Bura insláw baraá qatanir'eé' wa ale, kuúng un aldakuút xweera sleémeero.

WARA'AMI 77:12

Gadiyeérók sleémeero an aldaákw sleeme, kángw tlehhmi'iiwók un gurií axweés.

FAARO 8:26

Alaá gadiyeede bira waátl, inós hhaeewós kudaá tlahhoó Laáwi ngi alee/iimisi qoomár bir gadiyuusiyá' baraá heémár Munguhe, ala inós gadiyeé mingiwa kilós tleéhh. Adoorí an adór gadiyér múk tlahhoó Laáwi kar qoomeemes.»

Matayo 5:16

Gawaá adoorihe gwa/aateemaahúng i gwa/aatiye' dír geeraá muko, as tlehhemi'iihúng awa hhohho' kiwa ari, nee Baabuúhúng kuduú gawaá doorí dirií' kuwa xirfayeesi.»

Tlehhema'aá ya/Abuuse 6:4

Atén tari kumiitaán gadiyér firooro nee alki/ituú axweesantá Munguhe.»

1 Korinto 16:15

Nee slám hháe, kuungá' kángw múk doó Stefana u xuá' inooín taa giirín haratlintaaooro baraá yaamaá Akayaro. Nee slám inooín taa haniisiyé' múk hhohhó' oo Mungú nguwa sagadiyuusiya'.

2 korinto 4:14

Asma atén a xuaán Mungú, kudá' Aako Yesu gwa waasle/atis baraá múk aa qaátl wa ale, Munguúwí atén sleeme ti waasle/atis dinkwa nee Yesu, nee tiri hardahaas dír geeraawós i alé dinkwa nee kuungá'.

2 korinto 8:5

Inooín adoodá' taa tleéhh a adór atén taa haraxuaniiká. Asma gár har geera a inooín tina kilooín haniisiyé' dír Mungú, nee slám tiri diréní haniisiyé' ar adoodá' Mungú aa slaá'.

1 Timoteo 4:14

Kuúng aleesleemuú Qeeru u koón baraawoge, kudá' taa sleér qoomár aaruuse iwa aaririín nee bariise uwa dákw i qás. Ala aleesleemuusíng mu mawaar kuwa ar gadiyus.

1 Timoteo 4:16

Adór kuúng tar hot ga/aaweek nee muruudá' ta intsaahhatimis ga/aaweek sleeme, kumiít muruuwí sleémeero kuwa tlehhit. Asma adoorí bara tléhh, daqaní kuúng kilók ti ba/amís, nee mukdá' sleémeero kuúng u iiárií qamiím sleeme.

1 Timoteo 4:6

Intsaahhatisarí sleémeero alki/iiteek dír hhae. Daqaní kuúng a sagadiyusmoó hhoó' tleehhít oo Kristo Yesu. Asma kuúng qeeruuwók un /aymís axweesantá haratlintaaooro nee intsaahhasadár ló', tidá' kuúng taa eehát.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

YOSHUA 1:8

Kitaábuuwí oo dabe umuú qoomaaro soomuuseek. Nee intsaatsahheek tlatla/aangw nee xweeraawo, ala gár taaqo gooini baraá kitaábuuwí ale boo/eeseek. Daqaní kuúng amohhooa a sleér nee diihhooa baraá hotangoge.