1 Timoteo 4:14 - Biblía Axweesantá Hhohho' ar Mungú 2004

¹⁴ Kuúng aleesleemuú Qeeru u koón baraawoge, kudá' taa sleér qoomár aaruuse iwa aaririín nee bariise uwa dákw i qás. Ala aleesleemuusíng mu mawaar kuwa ar gadiyus.

Ya/abtór hho' 1977

¹⁴ Kuúng aleesleemuú Qeeru u koón baraawoge, kudá' taa sleér qoomár aaruuse iwa aaririín nee bariisee uwa dákw i qás. Ala aleesleemuusíng mu mawaar kuwa ar gadiyus.

1 Timoteo 4:14 Iomraidhean Croise

Tlehhema'aá ya/Abuuse 11:30

Adoodá' taa al'axweés, kari tleéhh. Barnaba nee Saulo kiri ya/aáw, as alee/isaydá' kuwa huwi amór bariiseedár baraá yaamaá Yudéár i dirii'.

Tlehhema'aá ya/Abuuse 13:3

Alaá tawa gwaawín, nee tawa firín, dabaaín kiri gawaaíní qaás, tari ya/án tawa tlay.

Tlehhema'aá ya/Abuuse 19:6

Qoomár Paulo dabaawós ngiwa gawaaíní qaás Qeeruú hhoohhoó' oo Mungú giri i aweér. Tari axweés ar tsifrír xuawaslen, nee ya/abtór amór Mungú daahh kari axweés.

Tlehhema'aá ya/Abuuse 22:5

Adoorí kaahamusmoó úr oo Mungú nee bariisér doó kwasleema sleémeero ngi xuiyá' sleeme. Slám inooín awa kilá' tiri barwaduú i hanmiís awa ni huuw amór hhaeerén awa múk Yahudi, kudá' Damaskórí diriiá'. Niri Damaskór káw, as mukdá' amoodií dirií' oo loohír Aakoó eeharahár nguwa ohiim, nee nguwa tsegiit, nee nguwa huwahuuw ay Yerusalemu as kuwa sakwasleemuuti.»

Tlehhema'aá ya/Abuuse 6:6

Mukwi kuri sihhitís geeraá ya/abuuse, kuri aleefirín, kuri dabaaínií qaás.

Tlehhema'aá ya/Abuuse 8:17

Petro nee Yohane daber'ín kari qaás gawaaín i alé, nee Qeeruú hhoohhoó' oo Mungú kuri ilaaóh.

1 Tesalonike 5:19

Qeeru mu xasltisaara' as kuwa siasia'.

1 Timoteo 1:18

Timoteo, garmaaeé', án hara'ayaarí ngi kuúng i oó' asma nee aaru'uumadá' ti slaslayá', tidá' taa daanduuwók i oó' geerií alé. Aaru'uumadá' eehareek, nee slaqwaradá' hho' ka sláqw.

1 Timoteo 4:15

Muruuwí na aldakuuteek nee kuwa tlehhit ar ilakaaharu, as muu ngiwa tsaahhi adór kuúng tar geerií kumit.

1 Timoteo 5:17

Bariisér gadiyér'ín ar geeraharu'uuma ga tleehh ar adoodá' qoom ki ló'wa ilaiwawa/i, ak alé tidá' ti daawiitimis ar muu kuwa axweesantá Mungú i alki/iiti nee kuwa intsaahhatimisi.

1 Timoteo 5:19

Sakwasleemár daanduú geeraharusmoó múk kríshaanáy ma ya/aamaar, aqo ay dír ki axas dír afér múk tsár wa ale, laqaá tám.

1 Timoteo 5:22

Hee dákw i qaasaro ma gaanslimaar. Slám tlakweemaá múk hatlá' mi eeharaar. Kuúng kumiít baraá hhoohhooariro.

1 Timoteo 6:12

Slaqwaraadá' hho' ar haratlintaao ar slaqweek. Slafingwduú alhhe'eesay wásl ooheek, kudá' Mungú kuúng usa ateét. Asma tí kuúnguú kilá' aga lamabu'uún, qoomár lamabu'uungók oo hhó' kuwa ó' dír geeraá lamabu'uusér yaariir wa ale.

2 Timoteo 1:6

Gawaá adoorihe aníng kuúng u inslawtís aleesleemuuduú Qeeru oo baraawók i dirií' dukeek i doogin, kudá' Mungú naa dirók i haniís qoomár aníng kuúng uwa dakw'eénií qaás.