1 Timoteo 3:4 - Biblía Axweesantá Hhohho' ar Mungú 2004

⁴ Inós masók a heé do'ós gu ló'wa sageesihhimiít, oo na/iiwós gi adór hariímár hara'ayiyiím baraá umuúqo gaaro.

Ya/abtór hho' 1977

⁴ Inós masók a heé do'ós gu ló'wa sageesihhimiít, oo na/'iiwós gi hara'ayiyiím, adór hariímár alé.

1 Timoteo 3:4 Iomraidhean Croise

IIMU/UUNGW 18:19

Aníng inós una tsawaár, asma na/iiwós ngiwa hara'ayin, nee na/aá na/iiwós, loohír AAKOÓ MUNGÚ ngiwa oohiya', as gan'amu nguwa tleehhiya' nee sakwasleema, as AAKOÓ MUNGÚ al'axweesantós dír Abrahamuwo ngiwa boo/esi.»

Tlehhema'aá ya/Abuuse 10:2

Inós nee múk do'ose sleémeero ta Munguú ilaiwa/a/aat. Slám muu gun qaaqáy ilahhooár yaariire, nee Mungú gun firaarín daqisleém.

Efeso 5:24

Gawaá adoorihe, tlaawaay gár kuwa hariím, a hhawaateeín gin ilaiwawaa/ baraá umuúqo gaaro, adoodár múk kríshaanáy Kristo ngur ilaiwawa/i.

Filipi 4:8

Alhhe'eesaywo, hhaee'eé', muruú kuungá' tunduwa hariím inslaslaango a kwí, muruudá' sleémeero oo ló', nee kudá' ilaiwa/amér koóm, muruudá' sleémeero oo gan'amuú koóm, nee kudá' hhohhó', slám muruudá' sleémeero oo sla'atimís nee oo hhooeemaá koóm, nee tlehhemi'iidá' sleémeero awa hhohho' nee awa xirfuú wa hariimá'.

1 Timoteo 3:12

Alee/isuusér múk kríshaanáy masók a múk tlaaway wakét, múk na/ii'ín gi hara'ayiyiím gan'amúr alé, nee múk maray'ín gi aleesláw geeraharahaduuwo.

Tito 1:6

Geeraharusmoó múk kríshaanáy masók a heé xaslxaansli wásl. Heé hare wák, nee na/iiwós masók a na/aá haratlintaaór koomá', awa ta daanda muruú tlákwí kaahiiká. Inooín masók a fuquuseerooká laqaá kudá' ilaiwa/amér kooma'aaká.

Tito 2:2

Bariisér aa uraareer ka beer, ar tunduwa hariím masók an danqamisuú koondá', nee masók a múk daharuú koóm, nee sagalooa. Nee slám masók a múk aa sihhiit baraá haratlintaaooro, nee baraá sla'aariro, nee tam baraá qiqtliingo.

Tito 2:7

Ala kuúnguú kilá' masók an slaqsoó hhoó' tleehhít ar baraá tlehhema'aá hho' sleémeero, nee ar baraá intsaahhatimisuuwo, kawa intsaahhatimis ar ilaiwa/ame nee ar looeema.

YOSHUA 24:15

Barnaxes kuungá' AAKOÓ MUNGÚ kuwa sagadiyusa' a sla'a'aaká, gimsé', tsawdimé' laarí munguaá ta sagadiyusa' slawaak. Bar awa ta sla'a' an kudá' baabi'iihúng naa sagadiyusiyé' afaá yaaér Eufrátér wa ale, laqaá bar awa ta sla'a' an kudá' múk Amori ni sagadiyusiya', mukdá' ayaaín hamí ta hota', tlawsé'. Ala aníng nee múk dooeé' sleémeero AAKOÓ MUNGÚ un sagadiyusaán.»