1 Timoteo 3:11 - Biblía Axweesantá Hhohho' ar Mungú 2004

¹¹ Tlaaway'ín sleeme masók a /ameenár daharuú koom, masók a takaahuuseerooká. Inooín masók a múk qoóm, nee masók ta inkihhimuú kón baraá mura' sleémeerowo.

Ya/abtór hho' 1977

¹¹ Tlaaway'ín sleeme masók a /ameenár ilaiwa/amér koom, masók a takaahuuseerooká. Inooín masók a múk qoóm, nee masók ta inkihhimuú kón baraá mura' sleémeerowo.

1 Timoteo 3:11 Iomraidhean Croise

WARA'AMI 101:5

Heé inslaawmoowós gu qawti /aysántií tlaáq, u qwaareés. Heé hi/inír ar xumiís nee oo daara/aám, u ilií oohaaká.

WARA'AMI 15:3

A heedá' múk kaantimaaká, a heé gár tlaakw ga sla'aaká ngiwa mulqumoowósí tleehhi, laqaá tam inslaawmoowós nguwa safooli.

WARA'AMI 50:20

Aga iwít hhiyaawók kuwa kaantiin, garmoó aayoorók ugwa /aysántí tsát.

AXWEESANOÓ SAGALOOA 10:18

Heé aahhirós gaa luu/ a hhaahhafusmo, heé daanduú heé axweés a daktani.

AXWEESANOÓ SAGALOOA 25:13

Adoodár ma'aá tsa' i dirii'iya' qoomár tsee/amángw siiree/iro, an adór ya/abusmoó inkihhím i dirii'i, dír mukdá' inós gwa ya/aawi, asma gur'er'ín gan tse'ees.

YEREMIA 9:4

«Umuú heewo ti harmagaahhi dír inslaawmowose. Nee hhiya' mu harahhifaar, umuú heewo a al/aymusmo nee umuú inslaawmowo a kaantusmo.

ESEKIELI 44:22

Kaahamusmoó Mungú /ameenír kwaalo'o mingiwa duúx, laqaá tam /ameenír taa talaákaárí haniís, ala inós masók aqo dasír nee hhawaata naa baloó alqati'iiká ar múk Israeli, laqaá /ameenír hhawaatuuwós kaahamusmoó Mungú, hhawaatuuwós kuú kaahamusmo bira gwaá' ngi duuxi.

TLAHHOÓ LAÁWI 21:7

Kaahamusmoó Mungú kwaa paraátl as Munguúwós, /ameenír tsaatuso'o ló' mingiwa duúx, laqaá dasír nee hhawaata taa alqaat, laqaá ar hhawaatuuwós naa talaákár i haniís.

Matayo 4:1

Yesu kuri huúw nee Qeeruú hhoohhoó' oo Mungú ay baraá darma, as kuwa iiaraa'ari nee Neetlaangw.

Yohana 6:70

Yesu iri oó', «Ahaá, án kuungaásingá' mibaá nee tsár naa tsawaáriíke? Ala oo wák baraahunge a neetlaangw.»

Rumi 1:29

Inooín tari haáts daa'aweemaá tlakweemaawo, ilatleerír peésa, nee hheehha nee tsaatu'uuma. Tari haáts da/ito, nee tsu/uta nee gila, nee al/ayma nee fola. Tari kaantín,

1 Timoteo 1:12

Aníng Kristo Yesu Aakoorén un sluufmiís, kudá' aníng iga /uurií haniis. Slám un sluufmiís asma aníng ina harafaár tawa heé inkihhimuú koóm, iri qaás baraá gadiyeérós i alé,

1 Timoteo 3:2

Geeraharusmo gár kuwa hariím masók a heé ta muruú tlákw i kaahiiká, inós masók hareerós a wak. Masók a heé qoóm nee oo sagaloó', heé muruú qoomeemeés, heé dahi'iimis, oo intsaahhatisa ga baál.

1 Timoteo 6:2

Daqaareedár haratlintaauuse lawaaler'ín mingiwa waaqaaqá' asma a hhae. Ala lawaaleedá' gár kawa hariím a daqaarer'ín gan sageegadiyús kángw kilá' wa ale. Asma daqaareedá' alee/isoó slaslaw ar gadiyér lawaaleedá', a haratlintaauuse, slám a sla'aaruuser'ín. Muruuwí na gawdeeseek baraá intsaahhasaroge nee baraá gurbu'ungoge.

2 Timoteo 3:3

Slám a múk múk maray'ín sla'aaká, a múk wayduú tlehhitaaká. Nee slám inooín a múk /ayseenuuse, múk slaqooín ila/aamaaká, múk xaraásl, múk hhooeemaá sla'aaká,

2 Timoteo 4:5

Ala kuúng masók tin harmagáhh baraá mura' sleémeerowo. Kuúng qiqtliím baraá slahh'amuú ta sleera. Ya/abtór hho' alki/iiteek tawa gadiyeérók. Gadiyeérók boo/eeseek.

Tito 2:3

/Ameenár aa uraareer ka beer sleeme, gár tunduwa hariím masók an hotá' ar adoodá' múk hhohhó' oo Mungú ir hotaatin. Nee slám kuungá' daandeemaá muu mi kaahara', nee xufta ma intsaahhara'. Ala kuungá' masók tidá' hho' an intsaahhatimisá',

Tito 3:2

Inooín muu mukuwa daandeemo axweés, ala inooín masók a múk gilimaaká nee oo hhó', nee umuúqo daqto masók a múk tsatsaa'arén dír muu sleémeerowo.

1 Petro 5:8

Kuungá' masók a múk qoóm. Dalaaé', asma wakusmoohúng, Neetlaangw, i adór dirángw wa harweerirín, kudá' aahhamiím, as heé i gu/i nguwa leelehhiiti.