1 Timoteo 3:10 - Biblía Axweesantá Hhohho' ar Mungú 2004

¹⁰ Alee/isuuseerí sleeme ka ala iiari, ala gár daanduuine taa ár bir káhh, gadiyeé ngi tleehhiye'.

Ya/abtór hho' 1977

¹⁰ Alee/isuuseerí sleeme ka ala iiari, ala gár daanduuine taa ár bir káhh, gadiyeét ngi tleehhiye'.

1 Timoteo 3:10 Iomraidhean Croise

1 Korinto 1:8

Inós sleeme kuungá' nu /uurií haniis ay alhhe'eesaay, as kahhó' kuungá' tawa múk dakuús wásl baraá umuúqo gaaro bál deelór Aakoorén Yesu Kristowo.

Kolosai 1:22

Ala hám daxta kuungá' sleeme naa amoorósií haraki/ís ar Garmaawós. Asma Garmaawós ina hoót iri gwaá' as kuungá' nuwa amohhe'eesi, tawa sihhita' dír geeraawós i alé, tawa múk hhohhó' oo xaslxaanslír koomaaká, tam oo hhasaám wásl.

1 Timoteo 3:13

Asma Múk gadiyér hho' ga tlehhiít dír múk kríshaanayhe, ilaiwa/ame ga sláy, nee haratlintaaor'ín tidár baraá Kristo Yesu ka aleesláy kawa alki/iiti.

1 Timoteo 3:2

Geeraharusmo gár kuwa hariím masók a heé ta muruú tlákw i kaahiiká, inós masók hareerós a wak. Masók a heé qoóm nee oo sagaloó', heé muruú qoomeemeés, heé dahi'iimis, oo intsaahhatisa ga baál.

1 Timoteo 3:6

Slám inós masók a heé aa ba/aniiká deeloorí /abene, as miwa daar/uút, iri huu', kuri sakwasleemuut adór Neetlángw wa ale.

1 Timoteo 5:22

Hee dákw i qaasaro ma gaanslimaar. Slám tlakweemaá múk hatlá' mi eeharaar. Kuúng kumiít baraá hhoohhooariro.

1 Yohana 4:1

Sla'aaruúse, umuú gár ta kaahi ma haratlintatiaara', ala alqaytsitaak, áx amór i dahh a amór Mungúhe. Asma aaruusér yaariir ar lama naa ti'ít.