1 Timoteo 1:9 - Biblía Axweesantá Hhohho' ar Mungú 2004

⁹ Gár atén tiwa hariím masók an tsaahhaán adór hara'aya kara qaasiiká as múk hhó'. Ala kana qaás as múk aa dee/aanuut, nee mukdá' hara'aya gaa sii'. Slám kana qaás as múk Mungú gwa haratlinti'iiká nee múk tlakweemaá tlehhahhiít, nee slám mukdá' hhohhoeeká, kudá' slasla/arén. Nee slám hara'aya kana qaás as múk baabi'ii'ín tsuú/ nee amuín, nee tsu/utuusér hatlá'.

Ya/abtór hho' 1977

⁹ Gár atén tiwa hariím masók an tsaahhaán gídaabá hara'aya kaa qaasiiká as múk hhó'. Ala kana qaás as múk aa dee/aanuut, nee mukdá' hara'aya gaa sii'. Slám kana qaás as múk Mungú gwa haratlinti'iiká nee múk tlakweemaá tlehhahhiít, nee slám mukdá' hhohhoeeká, kudá' slasla/arén. Nee slám hara'aya kana qaás as múk baabi'ii'ín tsuú/ nee amuín, nee tsu/utuusér hatlá'.

1 Timoteo 1:9 Iomraidhean Croise

2 SAMUELI 16:11

Slám waawutmo Daudi Abishai nee sagadiyuuseerós sleémeero giri báy, «Barnaxes na/ay'eé' oo kilá' slafingw'eé' gun slakaat, xáy, heé tlahhoó Benyamini mi máy? Kuungá' mawaak, aníng i lu'usi, asma AAKOÓ MUNGÚ gwaa adoosíng báy, aníng iwa lu'usi.

2 WAAWITÁ 19:37

Looarka wake Senakeribu iwa munguúwós sluufmiisi baraá doó Nisroki munguúwós, daaqaywós oo tsár, Adrameleki nee Shareseri nguri gaasiyé' ar paánga, inooín tari tlatlaáhh ay yaamaá Ararati. Garmaawós Esarhadoni iri waawuti'ín kitaangós wa alé.

2 QOM'I 32:21

AAKOÓ MUNGÚ malaykamoowós guri ya/aáw, slaqwaruuseedár miguuse ar waawutmo Senakeribu, nee geeraharuuseero giri tsuú/, kudá' baraá xafáy diriiá'. Waawutmo iri waátl ayaawós i alé ar mure. Qoomár iwa dáh baraá doó munguúwós, kuri gaás nee daaqaywós oo kilá' ar paánga.

TI'INAANGW 20:13

«Hee mu gaasaar.

TI'INAANGW 21:14

Ala hee barnaxes ina tsabín kuqá' nguwa geewaqaati, guri gaas, heewí tam bira goów dír kitángw ilahhooa, ku didá' wa hingeesá', ku gasá'.

AXWEESANOÓ SAGALOOA 20:20

Heé baabuúwós nee aayooro gi lu'umís, slafiingós in slapiit adór tsaa'asi bira gwá' baraá giwtír ma/amiro.

AXWEESANOÓ SAGALOOA 28:17

Heé ta al'ilooúy nee tseerdaá muu masók in nahhamamiit ay gwa'ara masók kun /iisiiká nee hee.

AXWEESANOÓ SAGALOOA 28:24

Heé muruú dooín gu fisisiím iri ooi «aga dakuusiiká», Inós a mulqumoó heé hhitusmo.

AXWEESANOÓ SAGALOOA 30:11

Qartaka i deer ar baabi'ii'ín lu'umis, Slám amuuín ngi hhooeemáy slaiaaká.

AXWEESANOÓ SAGALOOA 30:17

Heé baabuúwós gu niqiím Nee heé aayiirós iialooesaro ga waaqaseseém Heé adoorí xwaa'arór baraá xatsa gu ila' tu/uún Nee kuri /aay nee gwares.

YEREMIA 23:11

AAKOÓ MUNGÚ i kaahi, «Aaruuse nee kaahamuusér Munguhe Mungú ngu ilaiwawa/iaaká. Tam ay baraá dooeene tlakweemaaín iga ár.

ESEKIELI 21:25

«Kuúng waawutmoó Israeli, kuúng a heé aa ló'wa hhitiruut. Baalaarók naa hardát, eeít, baalár muxtaarók ar alhhe'eesáy.

TLAHHOÓ LAÁWI 20:9

«Heé baabuúwós laqaá aayoorós gi lu'umís, gár kuwa hariím a gaasa. Heé baabuúwós laqaá aayoorós gaa lu'us, tseereerós i gawaá daanduuwós.

Matayo 10:21

«Hhiya' hhiyaawós gu sakii/ as kuwa gaasi, nee baabá na/aywós gu sakii/, nee na/ii xwaylitér'ín ngi i haratlayá', ngiri tsu/iyá'.

Rumi 1:30

tari /ayseenaá tlaáq, Mungú kuri aáhh. Inooín tari fahharuumiít, nee daara/uuse, nee múk ti kilooín xirfayeemiís, múk lohdaá tlehhma'aá tlákw leelehhiít, múk xwaylitér'ín iialooeemisaaká,

Rumi 4:13

Mungú al'axweesani gana oó' dír Abrahamu nee xwaylarós yaamu kiwa aali. Al'axweesantí kaa haniisiiká asma Abrahamu hara'aya ngiwa eehár, ala kana haniís as adoodá' inós kuwa gan'amuú i harafaár nee Mungú as haratlintaao.

Rumi 5:20

Hara'aya nina hardát as dakuúsadá' iwa doogiin ak alé. Ala tlakweema niwa tlahhiyé', gurtleemuú Mungú iri ak ló' wa doogín sleeme.

Rumi 6:14

Asma kuungá' tlakweema nu aleeslay'aaká nuwa sa waawuti'ina'. Asma kuungá' dír tay dir'a' a baraá waawuti'iimár hara'ayarooká, ala kuungá' a baraá waawuti'iimár gurtleemu.

Galatia 3:19

Ala gár hara'aya kingisa haniís a milá? Hara'aya kingina doók daanduú al'axweesantadí alé as dakuús ngiwa laqaan, nee iwa kumit ay dír Kristo i hardihi. Inós an oo wák baraá xwaylár Abrahamu oo al'axweesantadá' gaa slay. Mungú hara'ayaarí gana haniís dír malayke. Malayke gari hanís dír muu.

Galatia 5:18

Ala kuungá' Qeeru burnu geeraharahaar, daqaní kuungá' hara'aya nu sa waawuti'ii'iindaaká.

Galatia 5:21

nee tloomatloong, nee oonitime, nee hheehha, nee muruú hatlá' oo nee kwí slaqamiimís sleeme. Adoodá' naa qaroó geerií oó' dirhúngií alé, ngin malé oó', niwa kah, múk adoorí /imaamiís, waawuti'iimár Mungú ga baloó aaliiká.

Galatia 5:23

nee tsaeema, nee harqoomaay. Gawaá daanduú muruú adór kwihe hara'aya i káhh.

DABE 27:16

«Umuúqo heewo oo baabuúwós, laqaá aayoorós waaqaqaá', kwaa lu'ús.» ‹Nee muu sleémeero ta ooi, Amin.»

2 Tesalonike 2:8

Qoomaadá' an qoomár Heedá' Tlaákw tiwa geehhooeesi ar gaanslaay. Qoomaadae Aako Yesu niri hardah, iri geehhooúy ar baraá gwa/aateema, nee Heedá' Tlaákw guri suqúy ar hiinsluú afkós.

1 Timoteo 4:7

Ala kuúng ti harmagahh nee tiitadár slasla/aren, tiitadá' amami'i, tidá' hariimaaká alki/ituuwo. Kuúng intsahhaám Mungú kuwa ilaiwawa/ baraá slafiingoge.

1 Timoteo 6:20

Timoteo, kuúng tidá' sleémeero tinda dirók i saayín harmagaahheek. Ti paratl nee axweesanayduú gaa wásl, kuduú múk Mungú haratlintatiaaká. Slám ti paratl nee tlaampa'amisuuduú múk ti sagalooór i harafadiít. Ala sagalooar'ín a sagalooór loeeká.

2 Timoteo 2:16

Kuúng ti paratl dír axweesanoó gaa wasle, kudá' múk Mungú gwa haratlinti'iiká i axweemaamisi. Asma múk adoorí tan ak sawees dír Munguhe.

2 Timoteo 3:2

Asma qoomaadá' binda hardát, muu a múk ti kilooín slaá'. Slám muu a múk peésár slaá', nee a múk ti kilooín xirfayeemiís. Muu a múk daara/aám, nee a múk múk /ooslisliím, nee múk xwaylitér'ín ilaiwawa/aaká, nee múk sluufaay wásl. Nee slám a múk hhohhoeká.

Tito 1:10

Asma dirhunge múk yaariír i deer oo ilaiwa/ame wásl, ak alé kudá' taa al/utlín. Inooín axweesanoó lamtá tawo kun axweemaamiis, as múk hatlá' kuwa al/agin.

Tito 1:16

Inooín ta kaahi atén Mungú u xuaán, ala inooín Mungú ku siaasii' ar tlehhemi'ii'ín. Inooín a múk aa dee/aanuut ló'wa ale, múk iawaslén, Múk hariimaaká gadiyér hho' tam ar wák kawa tleehhi.

Tito 1:6

Geeraharusmoó múk kríshaanáy masók a heé xaslxaansli wásl. Heé hare wák, nee na/iiwós masók a na/aá haratlintaaór koomá', awa ta daanda muruú tlákwí kaahiiká. Inooín masók a fuquuseerooká laqaá kudá' ilaiwa/amér kooma'aaká.

Tito 3:3

Aáng atén sleeme a daktana, slám a múk iawásl. A múk aa qwaar, nee atén a lawaalér ilatleeri nee qwal/uú dimbadimbé. Atén ana hootaán baraá tlakweema nee da/i, muu una buhhtimisaán, nee nguri ahhitaán.

Ebrania 11:31

Rahabu, /ameenidár tsaatuso'o, sleeme i haratlintaaór koón. Inós kaa gaasiiká dinkwa nee mukdá' aa dee/aanuut. Asma inós mukdá' aa tsee/aaríngw ay guna dahi'ís ar wayda.

Ebrania 12:16

Slám heé Munguú ilaiwawa/aaká miwa deeruút, nee oo qeeruú adór kuduú Esau gu koóm, kudá' aalirós ar bariisu'uuma gaa weeriis as muruú /aymár wák kilós.

1 Petro 2:7

Gawaá adoorihe inós i xirif tleehhiit dír kuungaásingá' aga haratlinti'ii'i. Ala dír kudá' naa haratlinti'ii'ikahe a adór «tlaa/aadá' qwatsiiruuse aa sí' aa tlaa/ár ur tleehhít ar do' ir gawduy.»

1 Petro 3:20

Mukwí an kudá' Mungú gwa sii' qoomár de'emaá Noawo. Qoomaadaádae Mungú ina daamarán ar qiqtliingw qoomár miringamoó úr kuwa tlehhiiti. Baraá miringamoodae múk niiná ina ba/án ar baraá ma'aay, inooín a dakaát kilós.

1 Petro 4:18

Asma Gooi i kat, «Ala barnaxes ba/amár heé hota ganaá' a gár gawit, xáy, a adoomá dír heedaádá' Munguú ilaiwawa/aakahe nee oo tlakusmoowo.»

Yuda 1:15

Inós nina hardáh as sakwasleema ngiwa tleehhi daanduú muu sleémeero. Mukdá' sleémeero oo Mungú gwa ilaiwawa/iiká guri sakwasleemuut, as daanduú tlehhemi'ii'ín kudá' sleémeero awa qwanaay taa tlehhiít, kudá' Mungú kuwa ilaiwawa/iiká. Kiri malé sakwasleemuut as daanduú axweesanaydá' xaraásl sleémeero oo tlakuuseedá' Munguú ilaiwawa/aaká aa kát daanduuwós i alé.»

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»

Geehhoeemaá 22:15

Amór tsee/aá gixsaro seeaawe i deer, nee da/aluuse, nee fuquuse, nee tsu/utuuse nee kuduú munguaá hatlá' haratlintaatií', nee mukdá' sleémeero axweesanoó lama gwa intsaahh axweesanto.