1 Timoteo 1:5 - Biblía Axweesantá Hhohho' ar Mungú 2004

⁵ Gár hara'ayaarí ngisa oó', masók sla'aari i doogigiín, tidá' baraá muunuú hhoohhoó' daahh, nee afór hho' ar baraá muuná, nee haratlintaaór waaqoodár koomaaká.

Ya/abtór hho' 1977

⁵ Gár hara'ayaarí ngisa haniís masók sla'aari i doogigiín, tidá' baraá muunuú hhoohhoó' daahh, nee afór hho' ar baraá muunaá, nee haratlintaaór waaqoodár koomaaká.

1 Timoteo 1:5 Iomraidhean Croise

WARA'AMI 24:4

«A heé daba' hhohhó' nee oo muunaáwós /awaák. Inós munguaá hatlá' gi slaiiká sluufmisuuwo, inós lo'o ga /ayiiká as al/ayma.

WARA'AMI 51:10

Aá Mungú, muunuú hhoohhoó' i tleehháng, qeeruú /abén oo inkihhím baraaeéní qaaseek.

YEREMIA 4:14

Kuungásingá' Yerusalemu, tlakweemaá baraá munerhúng hhohhoeesaak as tunduwa ba/amisi. Ay xaylá muruú tlákw ku aldakwaakuta' baraá munerhunge?

SEFANIA 3:7

Aníng niri oó', ‹Ar ló', gixsarí aníng i ilaiwá/, nee gan'aasa gari ya/aán. Nee i gunqarutká muxtadá' sleémeero ngira muxi.› Ala inooín nari ak buhhiyé' ilatleeriro. Nee tlehhma'aá tlakw sleémeero tlehhtuwo.»

Matayo 12:35

Heé hhoó' gár i hanmiisi a muruú hhó' baraá daqaari'iimarós tidá' hhooe. Heé tlaákw gár i hanmiisi, a muruú tlákw baraá daqaari'iimarós tidá' tlakwe.

Matayo 5:8

Múk amohhoó' a kudá' mune hhohhó', asma inooín Mungú ngu ariyá'.

Tlehhema'aá ya/Abuuse 15:9

Mungú barqaanti gaa tleehhiiká dír tla/angwrén nee inooine. Tlakweemaaín gina gurtláy asma inooín sleeme taa haratlintií'.

Tlehhema'aá ya/Abuuse 23:1

Paulo múk kwasleema guri ilií duxún iri oó', «Hhaee'eé', aníng muunuú hhoohhoó' una ar hoót geeraá Munguhe ay laarí.»

Tlehhema'aá ya/Abuuse 24:16

Gawaá adoorihe muunaáeé' un harmagagaáhh daqisleém, as kahhó' ku hhoohhoó' geeraá Munguhe nee geeraá muko.

Rumi 10:4

Asma Kristo hara'aya gan boo/eemiis, as kahhó' umuúqo heewo oo gwa haratlintii' kuwa gan'amií harafaari.

Rumi 12:9

Sla'aarirhúng masók i hhaahhafíngw koondaaká. Tidá' tlaakw aahhaak, nee tidá' hhoo' eeharaak.

Rumi 14:15

Kuúng barnaxes hhiyaawók ugwa gurhaamír i qás ar muruú /aymár ta /ak, daqaní kuúng a baraá sla'aarír wa hotká. Muruú /aymaarók hhiyaawók munguwa qwaareés, asma Yesu hhiyaawók kudá' guna sa gwaá'.

Rumi 9:1

Aníng gaarí ni kah ar ló', asma an káh ar baraá Kristo, slám lama a ooaaká. Muunaáeé' nee Qeeruú hhoohhoó' oo Mungú a lamabu'uuse dinkwa nee aníng niwa kah,

1 Korinto 13:1

Aníng tam a axweesa ar tsifrír muu nee ar malayke, barnaxes sla'aari a koomaaká, aníng a adór muqslír ta muxi, ar gongheeliim, laqaá adór mitingartá tawó tsingilieeliim.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

Galatia 5:22

Ala gár Qeeru i laqwaali baraá slafíngw heewo a sla'aari, nee qwala/, nee wayda, nee qitla, nee hhooeema, nee gurhhooa, nee inkihhimu,

Galatia 5:6

Asma hee barnaxes i baraá Kristo Yesu, dirose al/utlo a gaarooká, laqaá tam kwa al/utliiká a gaarooká. Ala gár afhhamít a haratlintaao, tidá' ti laqaqaam ar sla'aari.

DABE 10:12

«Hám daxta kuungá' múk Israeli, AAKOÓ MUNGÚ, Munguúhúng gár i slai a milá dirhunge? Aqo har AAKOÓ MUNGÚ Munguúhúng un ilaiwawa/á', nee lohduuwós sleémeero kudá' i slai kiwa eehada', nee kuwa sla'a', nee AAKOÓ MUNGÚ, Munguúhúng kuwa sagadiyusa' ar munerhúng sleémeero, nee qeereemohúng sleémeero,

1 Timoteo 1:18

Timoteo, garmaaeé', án hara'ayaarí ngi kuúng i oó' asma nee aaru'uumadá' ti slaslayá', tidá' taa daanduuwók i oó' geerií alé. Aaru'uumadá' eehareek, nee slaqwaradá' hho' ka sláqw.

1 Timoteo 1:19

Mungú haratlintatieek, nee afoodá' hho' ar baraá muunaáwók kawa eeharahat. Kumiít baraá haratlintaaooroge nee afoodá' hho' ar baraá muunaáwók na iiárií qamimeek. Asma mukko i deer oo afór hho' ar baraá muner'ín gaa sii', haratlintaaor'ín dukuutse gari sleér, kari qwaareés.

1 Timoteo 3:9

Inooín masók intsaahhasadár ló' ar haratlintaaoorén, tidá' taa geehhooeés ngaa oohiyé' ar munér hho'.

2 Timoteo 1:3

Munguúwí ni sagadiyuus ar muunuú hhoohhoó' iimír taati'iieé' wa ale un ló'wa sluufmiís. Aníng kuúng u baloó gunqareesaaká aleefirooro tlaatla/aangw nee xweeraawo.

2 Timoteo 1:5

Asma aníng a xuú' adór kuúng Mungú kura haratlintí' ar haratlintaaór waaqooda wasl. Haratlintaaoorí geeraawo aamaarók Loisi gan koón, nee aayoorók Eunike. Slám aníng a xuú' adór kuúng kar koón sleeme.

2 Timoteo 2:22

Ala kuúng ilatleeridár masoombi'iima ilaguweek. Ilakaaharu na tleehheek hotaá ganaa'á' kiwa sleer, nee haratlintaao, nee sla'aari nee wayda. Adoorí na tleehheek dinkwa nee mukdá' Aakoó ateetiím ar muunuú hhoohhoó'.

Tito 1:15

Mura' sleémeero ku hhohhó' dír mukdá' hhohhoe, ala gár hhoohhoo' i káhh dír mukdá' slasla/arene, kudá' haratlintaaór kooma'aaká. Asma fuqurangw'ín kwaa slasla/aareés, nee muner'ine sleeme.

Ebrania 10:22

Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

Ebrania 13:18

Kuungá' kumiité' atén tiwa aleefiriiriinda'. Atén a xuaán adór munér hho' kar koomaán. Asma atén gár ta sla'aan a tidá' ganaa' kawa tleehhaan umuúqo deelooro.

Ebrania 9:14

xáy, tseerér Kristo tí ga ló'wa bá/áke? Asma inós tina kilós haniís dír Mungú ar /uuruú Qeeruú alhhe'eesay wásl as tawa ilahhooár xaslxaansli wasl. Tseereerós muneerén ga hamátl nee tlehhema'aá slafíngw kooma'aaká, as masók atén Munguúdá' slaáf kuwa sagadiyuusaan.

Yakobo 4:8

Mungú i tseewuwaak, daqaní inós ni dirhúngií tseewúy. Dabaahúng hhoohhooeesaak, kuungaásingá' tlakuuse. Nee munerhúng hamaatlaak, kuungaásingá' badu tsadér.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.

1 Petro 3:16

Ala adoorí tleehhaak ar tsatsa'areema nee ilaiwa/ame, munerhúng masók ka hhohho'. As kahhó' mukdá' kuungá' nu daanda kaantiím as slafingwhúng oo Krishaanu'uuma, kiwa mureekeesi.

1 Petro 3:21

Ma'aydá' a slaqsoó baatiísmo, kudá' kuungá' nu ba/amiimís de'emakaákae. Baatiísmo a slasla/aruú slaqwa gun hingeemiisiiká, ala baatiísmo a hee Mungú gun firiirín as muunuú hhoó' nguwa slay, ar /uuruú waasle/uú Yesu Kristo.

1 Petro 4:8

Ala gár afhhamít ta muruuwí sleémeerowo a tí, kuungá' kiloohúng ti sla'aaslae'. Asma sla'aari tlakweemaá yaariir gi tuntúk.

2 Petro 1:7

nee baraá ilaiwa/amerhunge sla'aarír hhae doogaak, nee baraá sla'aarír hhaeewo sla'aarír muu sleémeero doogaak.

1 Yohana 3:10

Gawaá adoorihe na/aá Mungú ki geehhoo', tam na/aá Neetlaangw sleeme. Asma heé tlakweemaá tlehhaahhiít kwa laqwaaliiká nee Mungú, tam kudá' hhiyaawós ahhiít sleeme.

1 Yohana 3:23

Hara'ayaarós a tí, Garmaawós Yesu Kristo ku haratlintiaán, nee atén nee hhaeerén ti sla'asla'aané' adoodá' tira hara'ayín.

1 Yohana 3:3

Ala umuúqo heé harahhifór adoorí ga koóm gawaá Yesuwo, tin kilós hhoohhooeemiis adoodá' Yesu kur hhoohhoó'.