1 Timoteo 1:4 - Biblía Axweesantá Hhohho' ar Mungú 2004

⁴ Slám inooín tiita makawa eeharahaár nee yaeemaá tlet awa tlahhi'i kiwa fadiiti, asma muruuwí gár i huwahuwi a partlito. Slám gár i bui i káhh dír geeraharusmoó gadiyér Munguhe, asma iimu/úngw gadiyér Mungú a haratlintaao.

Ya/abtór hho' 1977

⁴ Slám inooín tiita makawa eeharahaár nee yaeemaá tlet awa tlahhi'i kiwa fadiiti, asma muruuwí gár i huwahuuwi a partlito. Slám gár i bui i káhh dír geeraharusmoó gadiyér Munguhe, asma iimu/úngw gadiyér Mungú a haratlintaao.

1 Timoteo 1:4 Iomraidhean Croise

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

Efeso 3:2

Án ngi slaá' kuungá' aga axasé' adór Mungú aníng ira ló'wa tsuúq as gadiyeérí ngiwa aníng i haniís, ar kuungá' nuwa sagadiyuus.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

1 Timoteo 4:7

Ala kuúng ti harmagahh nee tiitadár slasla/aren, tiitadá' amami'i, tidá' hariimaaká alki/ituuwo. Kuúng intsahhaám Mungú kuwa ilaiwawa/ baraá slafiingoge.

1 Timoteo 6:11

Ala kuúng a heé Mungú. Kuúng ti paratl nee muruú adór kwí. Hotaá ganaa'á' na eehareek, nee ilaiwa/ame nee haratlintaao, nee sla'aari nee qiqtliingw nee tsatsaa'areema.

1 Timoteo 6:20

Timoteo, kuúng tidá' sleémeero tinda dirók i saayín harmagaahheek. Ti paratl nee axweesanayduú gaa wásl, kuduú múk Mungú haratlintatiaaká. Slám ti paratl nee tlaampa'amisuuduú múk ti sagalooór i harafadiít. Ala sagalooar'ín a sagalooór loeeká.

2 Timoteo 2:14

Mukók inslawtiseek muruuwihe, naanaqeek dír geeraá Mungú wa ale, axweesanoó tlaampa'aamis kuwa may. Asma tlaampa'aamis ku gaa wásl, slám mukdá' axamiís gu qwaarees.

2 Timoteo 2:22

Ala kuúng ilatleeridár masoombi'iima ilaguweek. Ilakaaharu na tleehheek hotaá ganaa'á' kiwa sleer, nee haratlintaao, nee sla'aari nee wayda. Adoorí na tleehheek dinkwa nee mukdá' Aakoó ateetiím ar muunuú hhoohhoó'.

2 Timoteo 2:23

Ala kuúng ma haragwaa'aar baraá tlaampa'amisuú dakti'iima, kudá' sagalooa wásl, asma a xú' adór tlaampa'amisuuwí gár i huwi tar gila.

2 Timoteo 4:4

Inooín looeema kiri sii' axamisuuwo, nee tiitár lama kari i warqáy.

Tito 1:1

Anuú Paulo barwaárí ngina gooiím. Aníng a sagadiyusmoó Mungú nee ya/abusmoó Yesu Kristo. Aníng tina tsawaár nee tina ya/aáw as múk Mungú aa tsawaár nguwa alee/iis iwa haratlintii'i nee kángw looeema nguwa xuiya', kudá' hariím as Mungú kuwa ilaiwawa/i,

Tito 1:14

nee tiitár múk Yahudi makawa iiárií qamín, laqaá hara'ayár mukdá' looeema gaa sii' makawa eeharahár.

Tito 3:9

Ala kuúng ti paratl nee muruuduú dakti'iima, kudá' tlaampa'aamisuú huwahuúw, nee faarór digir wakeetíngw tlahhi'iiwo, nee gila. Slám ti paratl nee tlaampa'amisuú daanduú hara'aya. Asma muruuwí alee/iisoó i huwi i kaahh, nee slám ku gaa wásl.

Ebrania 13:9

Kuungá' intsaahhasár dimbadimbé ar hatlá' munduwa paslís baraá loohír ganaa'a. Asma gár muneerén ga gawdees a tsuuqaá Mungú, ala a hara'ayár dimbadimbeheeká ar daanduú muruú /ayma. Asma mukdá' hara'ayaarí gaa eehaar, alee/isoó taa sláy i kaahh dír hara'ayaarihe.

2 Petro 1:16

Asma atén tiitár tawo ar sagalooa aga eeharaharaaniiká qoomár atén kángw /uuruú Aakoorén Yesu Kristo nguwa dirhúng i alki/iitaán, nee kángw ki/imaawós. Ala atén awa kilá' inós una araán ilaarene, nee xirfuuwós oo munguiima.